Rain Contest | හොඳ නරක සහ සමස්ථය | 5% for SL Charity

වැස්ස.. කොච්චර දේවල් වලට නම් හේතු වෙලා තිනෝ ද? විද්‍යාත්මකව ගත්තොත්.. සත්තුන්ට, ගස් වලට නොමැරී ඉන්න වතුර එන්නේ වැස්සෙන්.. භූගත ජලය ඉවර නොවී තින්න වහින්න එපැයි.. තව වහින දවස් වල කොච්චර සුන්දර, අසුන්දර අත්දැකීම් අපිට ලැබිල තිනෝ ද?? සමහර වෙලාවට තමාගේ සහකාරිය / සහකරුවා හම්බෙලා ඇත්තේ වැස්ස දවසක උන සීන් එකක් නිසා වෙන්න පුළුවන්.. වැස්ස දිහා බලන් ඉඳලා ගීත රචකයෝ කොච්චර ලස්සන සින්දු ලියලා ඇතිද?? මේ ඔක්කොම එක්ක බලනකොට වැස්ස කියන්නේ අපූරු සංසිද්දියක්..

හොඳ විතර නෙවෙයි නේ.. ඇයි නරක..වැස්ස එක්ක ඉතින් වැස්ස විතරක්‌ නෙවෙයි නේ.. නායයාම් වෙනෝ.. මේ පාර මේ වැස්ස එක්ක ජිවිත කීයක් පස් වලට යට උනාද?? අපේ කෑගල්ලේ යාලුවෙක්ගෙ යාලුවෙකුත් ඒම නැතිවෙලා තිබ්බ..

ගංගා වල වතුර පාර දරාගන්න බැරුව ගෙවල් කීයක් යට උනාද මේ පාර.. දැන් මේ කොරෝනයි, ඉහල යන බඩු වල වියදමයි එක්ක ඒ මිනිස්සු කෝම කරගත්ත ද මන්ද.. මේ නෝරා වැස්සේ අර ගං වලට පැනලා නාපු උනුත් හිටියනේ.. නිවුස් වල ඒමත් ගියේ..

මේ පොඩිම පොඩි වලක් විතරයි 😂

හුම්ම්.. අපේ පැත්තේ වැස්ස ගැන කිවොත්.. අපේ හරියේ නම් ඔය මුකුත් අව්ල් උනේ නෑ.. ගංගා, කඳු මෙහෙ නෑ නේ...ඒත් ඉතින් ඒ දෙකට හරියන්න ආතල් දෙන්න තිනවා අපේ පාර.. අම්මෝ ඉතින්.. වලවල් හැමතැනම.. වටේ අයගෙ වියදමෙන් පොඩ්ඩ පොඩ්ඩ හැදුවත්, දෙපාරක් කැන්ටර් මොනාහරි පුරවන් ගියාම ආයේ වලවල් තමයි..

මිනිස්සු විතරක්‌ නෙවෙයි.. ගස් වැල් වලටත් එකදිගට වැහැපු වැස්ස එපා වෙලා වගේ තිබ්බේ.. මලක පෙති තියෙන්න බැ.. වැටෙනවා.. පෙති ඒම වැටෙන්නේ නැති මල් නිකන් වතුරින් පෙඟීලා වගේ.. තව දවස් කීපයයි නේ කියලා කොමහරි ගස් කට්ට කාගෙන හිටිය හැබැයි.. අපේ කාවිංගටත් වැස්ස නිසා හ‍රි පාඩුයි. රවුම ගහන්න අව්ල්.. නිතරම නිදාගන්නත් බැ නේ. මට‍ නම් අෆ්ෆා උදේට තීන සිතල එක්ක උදෙන්ම නැගිටින එකත් අව්ල්.. නැගිට්ටත් ටිකකින් ආයේ නැගිටිනෝ කියලා ඇල උනාම ඉතින් 5 30, 6 වෙලා තමයි ඇහැරෙන්නේ.. එතකොට ඉතින් වැඩක් නෑ 😐

අද සිට ඉදිරි දවස් වලට Rain Forecast..

වහිනකොට එහෙ මෙහෙ යනකොට එපා වෙනෝ ඉතින්.. බයික් එකේ යනකොට මගදී වහිනකොට.. සැපයි නේ.. ඊට පස්සේ ඉතින් පොඩ්ඩක් හෙම්බිරිස්සාව වගේ ඇවිල්ල දවසක් දෙකක් යනකොට උගුර පොඩ්ඩක් රිදෙන්න ආවම... පොඩ්ඩක් නිකන් කාමරෙන් එලියට යන්නත් අව්ල් වගේ හිතෙනෝ නේ..

වැස්ස වහිනකොට ඉතින් අපේ වත්තේ කුරුඳු කපන්න ත් අව්ල්.. ඒ නිසා කපන අය පොඩ්ඩක් නිවාඩු ගන්න බලනො.. තව ක්ලාස් කරන්න ඇහුවත් කරන්න යන්න බැ ඉතින් වහිනකොට.. හැබැයි මම ක්ලාස් කරන එක ටික කාලෙකට නතර කරලා ඉන්නේ.. ඒ නිසා අව්ලක් නෑ..

මේ මම හදපු ඉටිපන්දමක්‌

අපිට තින්නේ ඉතින් ඔන්ලයින් ලෙක්චර්ස් නේ.. ඒ නිසා වැස්සට වඩා වැස්ස එක්ක එන පැකේජ් එක තමයි බලපාන්නේ.. ගොනවනකොට ලෙක්චර්ස් යන්න අව්ල්.. අකුණක් ඒම කනාවට හ‍රි පාත් උනොත්.. කියන්න බැ නේ.. තව වැස්ස එක්ක එන හුලන් පාරට ලයිට් වයර් වලට මොනාහරි පහත් උනොත් කරන්ට් නෑ.. ලැපේ චාජ් තින්නේ පැය 3 වගේ.. පෝන් ඒකෙන් ලෙක්චර්ස් ගියාට හරියට කරන්න හිතෙන්නේ නෑ.. අකුණු, හුලන් නැතුව වැස්සට නම් කමක් නෑ.. ඒත් ඒම වෙන්නේ නෑ නේ..

මේ දවස් වල දවල්ට..

දැන් නම් දවස් කීපයක්‌ වහින්නේ නැතුව තිබ්බ.. ඒත් ඉතින් මේම අව්ව තිබිල වැහැපු ඒවා ඔක්කොම ආයේ උඩට අරන් ආයේ වහිනකොට.. ආයේ සැපයි.. ඒ නිසා මම නම් කැමති.. පොඩ්ඩක් වැස්ස.. පොඩ්ඩක් ඉර.. එතකොට අපේ වැඩ කරගන්නත් අව්ලක් නෑ.. වැස්සේ ආතල් එකත් ගානට හම්බෙනවනේ..