ට්‍රිප - Part 02 | රැය එලි පහන් කළ දුම්රිය ගමන

මුල් කොටස ගෙනාවම කිවේ ඊළඟ දවසේ දානවා කියලා. ඒත් දාන්න බැරි උනා. Exam වලට රෙඩි වෙන්න ඕන නිසා.. දැනුත් රෙඩි වෙන ගමන් තමයි.. ඒත් පොඩි වෙලාවක්‌ මේකට ගත්ත..

ඉතින් කලින් කොටසේ කීවා විදියට අපි හවස 6 වගේ වෙනකොට කොටුවට ආව.. බදුල්ල කෝච්චිය යන්නේ 8 40 ට. ඒත් කෝච්චිය එනවා 7 30ට වගේ. වෙලාව තිබ්බ නිසා අපි Railway Station එකෙන් එලියට ගිහිල්ල ඕන බඩු ටිකක් ගත්ත. රෑට කන්න බත් එකකුත් ගත්ත. කොටුවේ හරියේ කෑම හ‍රි ගනන් නේ අෆ්ෆා.. ඒකට කටුබැද්ද හන්දිය 😌

තව බිස්කට්, ග්ලුකෝස්, බයිට් වගේ දේවලුත් ගත්ත. කෝම කෝම හ‍රි බඩු ටික අරන් කෝච්චිය කොටුවට එන්න කලින් නතර කරලා තියෙන තැනට ආව. අපි 2nd class ටිකට් ගත්තේ. එත් අපි හිටපු තැනට ආවේ 3rd class ඒවා. අනික එදා සෙනග. මක් කරන්න ද ඉතින් නැග්ග ඉතින්. වාඩි වෙන්න පුළුවන් උනේ නෑ. රැක් එකක bag තියලා ගත්ත බත් එක කන්න අපි කෝච්චියෙන් බැස්ස.

කාල පොඩ්ඩක් ඉඳලා නගින්න බලනකොට නගින්න බැ 😂. කස්ටිය ෆුට් බෝඩ් එක ගාවට settle වෙලා.. ඇතුලට යන්නෙත් නෑ. මොකක් කරන්න ද. කොමහරි එල්ලුන ඉතින්.. පොඩ්ඩක් දුර යනකොට ෆුට් බෝඩ් එකෙන් යන්තමින් ඇතුලට ආව.

ඔහොම යනකොට ඉතින් එක එක අය ෆිට් උනා. ඒ අය එක්ක කතා කරකර ගියා. සමහර ස්ටේෂන් වලින් කස්ටිය හුඟක් බහිනකොට සමහර ඒවගෙන් තද වෙලා යන්න ආයේ කස්ටිය නගිනවා වගේ වැඩ උනා. ඕම යනකොට බීපු ඩබලක් නැග්ග කියාම්කො. පොඩ්ඩක් දුර යනකොට කුණුහරප ත් කියන්න ගත්ත. පස්සේ කෝච්චියේ හිටපු කස්ටිය Railway station එකක හිටපු guard කෙනෙක්ට කියලා පොරව කෝච්චියෙන් බැස්සුවා.

ඒ සිද්දිය වෙනකොට නම් එපා වෙලා හිටියේ. තද වෙලා.. හිටගෙන.. ඒ අස්සේ නිදිමත ත් ආතල් දෙනවා. ඔහොම ඔහොම ගිහිල්ල අපි පොඩ් වැඩක් කරා.. අපි දැන් 2nd class ටිකට් අරන් 3rd class නේ යන්නේ. අපි අපේ ටිකට් එකේ ගානට සාදාරනයක්‌ කරන්න හිතුව 😌

අපි දැක්ක කෝච්චියේ 3rd class booked අයට කෝච්චි පෙට්ටියක්‌ තිබ්බ. එකේ කස්ටිය අඩුයිද කියලා බැලුව ගිහිල්ල ට්‍රේන් එක ස්ටේෂන් එකක නතර කරාම. කස්ටිය වාඩි වෙලා යනවා විතරයි. ඒ හින්ද අපි ඒකට ගිහිල්ල ෆුට් බෝඩ් එක ලඟ හිටිය. අපි එතනට ගියේ මහනුවර දි.. දැන් ඔන්න පොඩ්ඩ පොඩ්ඩ සීතල වෙන්න ගන්නවා 🙂

සීතල තිබ්බට නිදිමතත් එනවා. අපි ඉන්න තැනට දෙමළ කොල්ලෝ කීපයක් ඇවිල්ල බිම ඉදන් නිදාගන්න ගත්ත. මොකක් කරන්න ද ඉතින්.. අපිත් දොර වහල දොර ගාවට වෙන්න නිදාගත්ත.

පොඩ්ඩ පොඩ්ඩ උඩට යනකොට එන්න එන්න හීතල වැඩි උනා. අපිට තිබ්බ ලොකුම අව්ල අපි හිටියේ අපේ bag තිබ්බ තැන නොවීම. ඉතින් අපි පොඩ්ඩක් බලල ප්‍රධාන Railway Station එකකදී බැහැල ගියා bag තිබ්බ කෝච්චි පෙට්ටියට.

Bag වලට අව්ලක් වෙලා තිබ්බේ නෑ.. අපි bag තිබ්බේ Canteen එක තිබ්බ පෙට්ටියේ. ඒකෙ Nestea එකක් රුපියල් 100යි 😂. කස්ටිය නම් බීව ඉතින්. අපි එතනට වෙලා හිටිය. එතන රස්නේ නිසා..

උදේ 5:45 වගේ වෙනකොට අපි ඔහිය ට ආව.. ඒ කිවේ පැය 9ක දුම්රිය ගමනක්.. අපි ඉතින් එතන ඉඳලා පොඩ්ඩක් පිරිසිදු වෙලා.. පොටෝ ටිකක් අරන්.. ගමන පටන් ගත්ත.. මෙතනින් පස්සේ තමයි රසවත් වෙන්නේ.. මේ පාර නම් ඉක්මනට ඊළඟ කොටස ගේන්නම් 🙂😌