අඹ ගහේ පැෂන්...

පැෂන් කියන්නේ අපි කවුරුත් කැමති පළතුරක්. පැෂන් ඕන නම් නිකන් කන්න පුළුවන්. හැබැයි එතකොට පොඩ්ඩක් ඇඹුල දැනෙනවා. ඒ හින්ද සීනි ටිකක් දාල mix කරලා කන්න පුළුවන්. නැත්නම්.. හුඟක් අය බොන විදිහ වන.. ජුස් එකක් හදාගෙන බොන්න ත් පුළුවන්. ![11.jpg]() අපි නම් පැෂන් කවදාවත් කඩෙන් අරගෙන නෑ වගේ. ගෙදර කොහෙහරි පැෂන් වැලක් තිනවා. අපේ ගෙදර කලින් පැෂන් වැලට මැස්සක් වගේ ගහලා ත් හදලා තිබ්බ. ඒ කාලේ නම් අර දම් පාට පැෂන් වර්ගේත් තිබ්බ. දැන් නම් තින්නේ සාමාන්‍ය වර්ගේ විතරයි.

පැෂන් වැල් ඉතින් එක එක තැන් වල හැදෙනවා. දැනට එක වැලක් තීනවා අපේ කපපු රඹුටන් ගහ ගාව. අනිත් එක තමයි සුපිරී තැනකට ගිහිල්ල තින්නේ. ඒක ගිහිල්ල තින්නේ අපේ අඹ ගහේ.

මම ත් ඉතින් ගෙදර එච්චර නෑ නේ. ඒක හින්ද මේකේ හැදෙන ගෙඩියක් තියා වැටෙන ගෙඩියක් වත් ප්‍රයෝජනයට ගැනෙන්නේ නෑ අපෙන්. මම ඉඳලා හිටලා ආපු වෙලාවට පොඩ්ඩක් ජුස් එකක් හදාගන්නෝ. එච්චරමයි.

ඇත්තම කතාව කිවොත් මේ වැලේ හැදෙන ගෙඩි හුඟක් කන්නේ අපි නෙවෙයි. ගහේ හැදෙන හුඟක් ගෙඩි කන්නේ ලේන්නු තමයි. උන් ඉතින් මේ ගෙඩියේ පුළුන් වගේ හරිය කාල මදයට ලං වෙනකොටම ඔන්න ගෙඩිය බිමට වැටෙනවා. ඒ වගේ ගෙඩි හුඟක් අඹ ගහ යට උදේට ඒම බලාගන්න පුළුවන්..

තව ලේන්නු නොකා බිම වැටෙන සමහර ඒවා මීයෝ කනවා. මම හිතන්නේ උන් තමයි කන්නේ. අම්මත් ඒක කීවා. වහලට ඒම වැටෙන ගෙඩි උන් කනවා කියලා. ඔය මීයෝ ගෙදර විතරක්‌ නෙවෙයි.. යන්නේ නැති තැනක් නෑ 🐒

මේ වැලට මම හිතන්නේ දැන් සාමාන්‍ය කාලයක් වෙනවා. මේකේ කඳ ඒම හොඳ මහතට තීනවා. මට‍ හිතාගන්න බැ මේ වැල කෝමද අඹ ගහට ගියේ කියලා. මට‍ නම් හිතෙන්නේ අඹ ගහ ලඟින් ම තීන කාමරංගා ගහේ හ‍රි පේර ගහේ හ‍රි දිගේ ගිහිල්ල තමයි අඹ ගහට සේප් වෙලා තින්නේ කියලා..

කොමහරි කමක් නෑ.. පැෂන් වැල අඹ ගහට ගිහිල්ල සත්තුන්ට නම් ලොකු සේවයක් කරන්නේ. වැල දැන් පොඩ්ඩ පොඩ්ඩ අඹ ගහ අල්ලගන්න හදන්නේ. ඒක දැකල අම්මලා වැලට ගේම දෙයි ද දන්නේ නෑ.. ඒම කරන්න එපා කියලා කියන්න ඕන 😌..