නොසිතූ දිනුම
මුළු ආසියාවම මේ දවස් වල ආසියානු කුසලානය නිසා ක්රිකට් උන්මාදයෙන් පිරිලා තියෙන්නේ. අප්රිකාවට පුට් බෝල් ආගමක් වෙද්දි ආයියාවට ක්රිකට් ආගමක් වෙලා ඉවරයි. ඉතින් මෙවර ආසියානු කුසලාන තරගාවලියේ අපූරු තරගයක් බලන්න අපිට වාසනාව ලැබුනා. ඒ තමයි ශ්රී ලංකා කණ්ඩායම හා ඇෆ්ගන් කණ්ඩායම අතර පැවති අවසන් කණ්ඩායම් හතරට සුදුසුකම් ලැබීමේ තරගය. මෙය ලොව පුරා කතා බහට ලක් වෙච්ච තරගයක්. ඉතින් මේ තරගය ගැන මට දැනුනු විදිහ තමයි මේ.
තරග ආරම්භයට පෙර අවසන් 4 දෙනාට සුදුසුකම් ලැබීමට ශ්රී ලංකා කණ්ඩායට වැඩි ඉඩ කඩක් තිබුනා. ඔයාලා අහලා ඇති " කණ කැස්බෑවා විය සිදුරෙන් එලිය බලනවා වගේ" කියලා කියමනක් ඔයාලා අහලා ඇති. අන්න ඒ වගේ අමාරු අභියෝගයක් තමයි ඇෆ්ගන් කණ්ඩායමට තිබුනේ. ඔවුන්ට ලැබුනු ඉලක්කය තමයි පන්දුවාර 37.1 ක් තුල ලකුණු 292ක් ලබාගැන්න එක. හනුමා පොල් කඩන්න වගේ මොහොමඩ් නබී ගහපු ගැහිල්ලට කණ කැස්බෑවා විය සිදුර ලඟටම ආවා. ඒත් අවසාන මොහොතෙදි ඔවුන් පරාජය වෙනවා. ඒ අපේ කප් දනාගෙ 38 වෙනි පන්දුවාරයේදි. ඒත් ඔවුන් දීපු සටන ප්රශංසනීයයි. ඉතින් යාලුවනේ ඒ තරගය ගැන කවි කිහිපයක් ලියන්න හිතුනා. කියවලම බලන්නකෝ.
ගහනකොට අපි මන් හිතන්නේ බවුන්ඩරි තව ඇදෙනවා
උන් ගහද්දි පුදුම හෙනයක් හයේ ඒවම වැදෙනවා
දැත් බැඳිලා ඉබේටම වගෙ කෝටි තිස් තුන යැදෙනවා
ක්රිකට් බලලා කවද හරි මට පපු අමාරුව හැදෙනවා
බැනුම් අහලම ඇතිවෙලා වගෙ මෙන්ඩා හොඳ පිලිතුරක් දුන්නා
එකෙක් දෙන්නෙක් වෙනදා වාගෙම පාර වැරදී කැලේ පැන්නා
අන්තිමට පොඩි කොල්ලො දෙන්නෙක් පාර පෙන්නුවෙ පනහ පන්නා
මුල්ම තුන අඩු ලකුනු ගානට යද්දි උන්ගේ මුල්ම හරියේ
ගුරුබාස් තැන යද්දි සතුටට කෑ ගසා පොට ගියා ගිරියේ
නබී ඇවිදින් අපේ පැතුමන් බෝලෙ එක්කම හඳට ඇරියේ
අනූ නවයෙනි ජාමේ බේරුනෙ තරම කොහොමද උන්ගෙ විරියේ
අතට ගත් ටික කන්න අන්තිම මොහොතෙදී පින මදි වුනා
දැකපු ලස්සන තරගයෙන් පසු ලියා තබනෙමි මෙහි වනා
තරගයේ අද ලොකුම බෝලය දැම්මෙ හිනැහී කප් දනා
අපෝ පොඩි රටකටය ගැහුවේ කියයි දැන් මෙහෙ කුහක බල්ලන්
ලකුනු දෙකකින් උනත් දිනුවා රටින් පිට අද අපේ කොල්ලන්
පොඩි උනත් උන් ලේසි නෑ අද අපේ උන් හට දාපු සෙල්ලන්
ඔය වගේ පොඩි ගලුත් හමුවෙයි ගරන්නට ගිය විටදි ඉල්ලන්
මේක මම බලපු ලස්සනම ක්රිකට් තරඟයක්. දෙවන ඉනිමේ 38 වන පන්දුවාරය වන විට අපිට දිනන්න තිබුනු ප්රතිශතය 1% යි. ඒත් අපි අන්තිමට දිනනවා. ඒකයි ක්රිකට් ක්රීඩාවේ අවිනිශ්චිත බව කියන්නේ. ඉතින් ඔන්න ඔය විදිහට අපි දිනපු ඒ ලස්සන තරගය ගැන කවි කිහිපයක් ලියන්න හිතුනා. කියවපු ඔයාලා හැමෝටම ස්තූතියි. ආයෙත් දවසක කවියකින් හමුවෙමු.