පිදුරුතලාගල
සුබ දවසක් හැමෝටම!
2019 අවුරුද්ද වෙනකල්ම, අපේ පවුලෙ අය හැමෝම හැම අවරුද්දෙම හරි ආසාවෙන් බලන් උන්නු එක දෙයක් තිබණා. ඒ, අපි හැම අවුරුද්දෙම පවුලෙ අය ටික එකතු වෙලා trip එකක් ගියා. අපි පුංචි වෑන් එකක අපේ පවලෙ කීප දෙනයි අපේ තව ආදරණීය හිතවත්තු කීප දෙනෙකුයි එක්ක රට වටේම හුඟක් තැන් වල ඇවිද්දා. ඒක අපි හැම අවුරුද්දෙම කළා, ඒත් කොරෝනා වසංගතය ආවත් හරි ඒකත් ඇණහිටියා, ඉන් පස්සෙ අපිට තාමත් අපේ ඒ annual trip එක නම් යන්න බැරි උනා.
ඊයෙ මාව අහම්බෙන් වගේ මගේ laptop එකේ තිබුණ අපේ පරන පිංතූර ගොන්නකට යැවුනා. ඒ අපි අන්තිමටම ගියපු අපේ family trip එකේ පිංතූර. අපි නුවරඑළිය පැත්තෙ ගත කරපු දවස්. හෝර්ටන් තැන්න, ග්‍රෙගරි පාර්ක්, හග්ගල, ඔය තැන් කීපයෙම මම ඊට කලිනුත් කීප ගමනක් ගිහින් තිබුණා, ඒත් ඒ මගේ පලවෙනිම වතාව පිදුරුතලාගල කන්දට ගියපු. ඒ පිංතූර දැකපු මගේ මතක ආයෙ අලුත් උනා.
පිදුරුතලාගල කඳු මුදුන
පිදුරුතලාගල කියන්නෙ ලංකාවෙ තියන උසම තැන, ලංකාවෙ තියන උසම කන්ද. පිදුරුතලාගල කඳු මුදුන මුහුදු මට්ටමේ ඉඳලා මීටර් 2,524 ක් උසයි. පිදුරුතලාගල තියෙන්නේ නුවරඑළිය ටවුන් එකට හුඟක් ළඟින්.
අපි ඒ වතාවෙ එක දවසක් රැය ගත කරේ ග්‍රෙගරි වැව කිට්ටුව. මට මතකයි එදා රෑ මම හිතාගත්තා ආයෙ නුවරඑළියෙ යනව නම් එහෙම මම අනිවාර්යයෙන්ම තව අමතර මේස් දෙකකුත් අරගෙන යනවමයි කියල.😄 එදා ඒ තරමටම සීතල දවසක්. අපි ගියෙත් දෙසැම්බර් මාසෙ.
කොහොමහරි, අපි රෑ හිටියෙත් නුවරඑළියෙම නිසා පහුවදා උදේ පාන්දරම අපි ගියේ පිදුරුතලාගල.
පිදුරුතලාගල විශේෂ වෙන්න තවත් හේතු කීපයක්ම තියනවා. පිදුරුතලාගල කන්ද මුද්නෙ හමුදා කඳවුරු පිහිටල තියනවා. තව දෙයක්, ශ්‍රී ලංකා රූපවාහිනී සංස්ථාවේත්, ටෙලිකොම් ආයතනයේත් ප්‍රධාන සම්ප්‍රේෂණ මධ්‍යස්ථාන පිහිටලා තියෙන්නෙත් මේ කඳු මුදුනෙ. ඒ එක්කම හමුදා ගොඩනැගිලි කීපයකුත් තියනවා. ඉතිං පිදුරුතලාගල කියන්නෙ දැඩි ආරක්ෂක කලාපයක්. හමුදා ආරක්ෂාව යටතේ ඉතා හොඳින් නඩත්තු කෙරෙන ලස්සනම ලස්සන තැනක්.
පිදුරුතලාගල කඳු මුදුනට යන්න නම් මුලින්ම අවසර ගන්න ඕන. කන්ද පහලදිම අවසර ඉල්ලුම් පත්‍රිකාව පුරවල දීල අවසර පත්‍රිකාව ගත්තම කඳු මුදුනට යන්න පුළුවන්. පිදුරුතලාගලට වනාන්තර ප්‍රදේශයකුත් අයිතියි. ඝන කැලේ මැදින්, කොන්ක්‍රීට් කරපු වංගු තියන පාරක් දිගේ කන්ද මුදුනටම වාහනයකින්ම යන්න පුළුවන් පහසුකම දැන් තියනවා. ඒත් කඳු මුදුනට යනකල්ම ඒ අතරමගදී පාරෙ කොතනකදිවත් වාහනෙන් බහින්න තහනම්.
කොහොමින් කොහොම හරි කඳු මුදුනට ගියාම එතන පුදුම ලස්සන තැනක්. සීතල නුවරඑළියෙ තියන, ලංකාවෙ උසම කඳු මුදුනට උදේ එළි උන පාන්දරම ගියාම ඒක කොයි තරං ලස්සන තැනක් වෙන්න ඇතිද, ඒ දර්ශනය දිහා බලන් ඉන්න එක මොන තරං සතුටු හිතෙන හැඟීමක් වෙන්න ඇතිද කියල හිතාගන්න පුළුවන් නේද.
එතන ලස්සනම ලස්සන එක එක ජාතියෙ මල් ගොඩාක් පිරිල තිබුණ. Gardening area එක එයාල හරී ලස්සනට හදල තිබුණ. පහලින් පේන නුවරඑළිය ටවුන් එකත් එකක, ඈතින් පේන නිල් පාට කඳු වළලු ටික බලන් ඉන්න ආස හිතෙන දර්ශනයක් උනා. ඔය ඔක්කොමත් එක්ක, මට තවමත් හොඳටම මතකයි, උදේ පාන්දරම වැටුණු රත්තරං පාට ඉර එළියයි, ඒ හිරු කිරණ වල හීනි රස්නයයි කපාගෙන යන්න අපේ මූණුවල වැදීගෙන හමාගෙන ගියපු නුවරඑළියෙ උදේ පාන්දර හීතල හුළඟ ඇඟට ගෙනාවෙ පුදුම සනීපයක්.
ඒත් මට හිතෙනව, පිදුරුතලාගල කියන්නෙ තවමත් ලංකාවෙ අපේ සංචාරකයන්ගේ ගොඩක් ලොකු අවධානයකට ලක් උන තැනක් නෙමෙයි කියල. ඒත් එතන අමතක නොකරම යා යුතුම තැනක්, එතන ඒ තරමටම ලස්සන තැනක්. ඉතිං මං ඔයාලටත් ආරාධනා කරනවා, තවමත් ගිහින් නැත්නම්, නුවරඑළිය පැත්තෙ ගියොත් අනිවාර්යයෙන්ම පිදුරුතලාගල කඳු මුදුනෙ ලස්සන බලන්නත් මතක් කරලම ගිහින් එන්න.
කියවනකොටත් ආස හිතෙනවා. ලස්සනට ලියලා.
අවසර අරගන්නකොට මොනවද fill කරන්න තියෙන්නෙ ඒකෙ?
😍😍 Thank you dr.
ඒකෙ ගොඩක් අමාරු දේවල් fill කරන්න තිබ්බෙ නෑ, සුළු සුළු දේවල් තමයි තිබ්බෙ මට මතක විදියට අපි යන වාහනයෙ විස්තර, වාහන අංකය, වාහනයෙ ඇතුලෙ ඉන්න අය ඔක්කොම ගණන, ගැහැනු අය කී දෙනාද පිරිමි අය කී දෙනාද, ළමයි කී දෙනාද, ID numbers... ඔය වගේ විස්තර ටිකක් තමයි තිබුනෙ
Curated By - @inspiracion
Curation Team - Team Newcomer .
Please keep using the #newcomer tag in your first three months after your Verification in the Newcomers Community for a chance of curator's support.
@steemcurator09 and @inspiracion Thank you very much for the support given...! I’ll keep using the #newcomer tag in my posts.