Share your message on the Vesak Poya Day - 5% to Sl Charity
සියලු දෙනාටම සුභ වෙසක් මංගල්‍යයක් වේවා කියලා ප්‍රාර්ථනා කරනවා. මුලින්ම මේ වෙසක් පෝය දවසේ මේ වගේ දෙයක් සංවිධානය කිරීම ගැන @damithudaya සහෝදරයාට මං ස්තුතිවන්ත වෙනවා. මේ මාසේ දහවෙනිදා ඉදලා අපේ ගෙවල් තියෙන පැත්ත හුදකලා කරලා හින්දා වෙසක් කූඩුවක්, බකට් එකක් හදාගන්න ඕනි කරන කිසිම දෙයක් ගන්න ගෙදරින් එලියට බැස්සේ නෑ. ගෙදරට වෙලාම පුදුම කම්මැලිකමකින් ඉන්නේ. ඉතින් දැන් රටේ තියෙන තත්වෙත් එක්ක මේ වෙසක් දවසෙත් පන්සලකටවත් යන්න වෙන්නේ නෑ. ගෙදරට වෙලා මල් පහන් පූජා කරලා රූපවාහිනියේ, ගුවන්විදුලියේ යන වෙසක් වැඩසටහනකට සම්බන්ධ වෙලා තමයි මේ අවුරුද්දේ වෙසක් පෝය ගත කරන්නේ.ඉතින් මෙහෙම දේවල් කල්පනාකරමින් ඉද්දි තමයි දැක්කේ @damithudaya සහෝදරයා උදෙන්ම දීලා තිබුන මේ පණිවිඩය. ඉතින් මේ වෙසක් පෝය ගැන හිතේ තියෙන දේවල් කියලා යන්න එන්න කියලා මං ඔයාලටත් ආරාධනා කරනවා.
ඇත්තටම වෙසක් පෝය දවස කියන්නේ මොකක්ද ඇහුවම ඕනිම පොඩි එකෙක් දෙන්න උත්තරයක් දන්නවා. ඒ තමයි බුදුරජාණන්වහන්සේගේ ඉපදීම , බුද්ධත්වයට පත්වීම හා පිරිනිවන්පෑම යන සිද්ධි තුන සිදුවූ දිනය කියන එක. ඉතින් මේ දවස ඇත්තටම බෞද්ධ අපි හැමෝටම ගොඩක් වැදගත් දවසක්. ඉතින් මං කල්පනා කරා ඇත්තටම මේ දවස අපි සමරන විදිය හරිමද කියලා. ඉතින් එහෙම හිතද්දී මට මගේ පුංචි කාලේ වෙසක් සමරපු විදිය ගැන මතකයට ආවා. පොඩි කාලේ වෙසක් දවසට අත්තම්මලා, අම්මලා එක්ක උදේම සුදු ඇදුමෙන් ලෑස්ති වෙලා යනවා ගමේ පන්සලට. ඒ ගිහින් සිල් සමාදන් වෙනවා. එදා දවසම පන්සලේ සීල භාවනා වැඩසටහනට සම්භන්ධවෙලා හවස ගෙදර ඇවිත් වෙසක් කුඩු , බකට්, පහන් පත්තු කරලා ඒවගේ ලස්සන විදිනවා. බුදු හාමුදුරුවෝ දේශනා කරපු ප්‍රතිපත්ති පූජා කියන කොටස පන්සලේදී සම්පුර්ණ කරලා ආමිස පූජා කියන කොටස ගෙදරදී සම්පුර්ණ කරනවා.
.jpeg)
මං උසස්පෙළ කරන කාලයට එනකොට එක පිංවන්ත ගුරුතුමෙක්ගේ අවවාද වලට ගරු කරලා මං පුරුදු උනා හැම පෝයකටම මහමෙව්නාව අසපුවේ සිල් සමාදන් වෙන්න. වෙසක් පෝයටනම් දවස් දෙකම අසපුවේ නතරවෙලා සිල් සමාදන් උනා. එත් රැකියා කරන්න පටන්ගෙන අපේ ජිවිත වලට වගකීම් කියන කොටස වැඩි වෙන්න පටන්ගත්තම ඒ පුරුද්ද නිකන්ම නැතිවෙලා ගියා. අද මේ ලිපිය ලියන්න පටන්ගත්තම ඒ හැම දෙයක්ම හිතේ මැවිලා පෙනෙන්න පටන්ගත්තා.
.jpeg)
කලින් ගෙදර හදපු වෙසක් කූඩුව දැන් කඩෙන් ගන්න අපි පුරුදු වෙලා. සිල් සමාදන් වෙන්න තියෙන දවසෙත් රස්සාවට යන්න වෙලා.දැන් වෙසක් පෝය දවසට ටිකක් කලින් වැඩ ඇරිලා ඇවිත් කඩෙන් ගත්ත වෙසක් කූඩුව ගෙදර පත්තු කරලා දන්සැල් වලින් කන්න යන එකයි, තොරණක්, වෙසක් කූඩු ප්‍රදර්ශනයක් බලන්න යන එකයි විතරක් වෙසක් සැමරීම වෙලා. ඉතින් මේ දේවල් කියන්න ගියොත් අද මේ ලිපිය ලියලා ඉවර කරගන්න වෙන්නේ නෑ. ඔබම හිතින් තට්ටු කරලා අහන්න ඇත්තටම ඔබ කොහෙද ඉන්නේ කියලා. වෙසක් පෝය කියන එකේ හරිම අර්ථය තේරුම් ගන්න උත්සහ කරන්න. වෙසක් පෝය දවසට විතරක් නෙවෙයි අපිට පුළුවන් හැම වෙලාවකම අපි ප්‍රතිපත්ති පූජාවට මුල් තැන දීලා කටයුතු කරමු. වෙසක් දවසේ මට දෙන්න පුළුවන් වටිනාම පණිවිඩය තමයි ඒක. ඉතින් ආයෙත් වතාවක් ස්තුතිවන්ත වෙනවා @damithudaya සහෝදරයාට අද දවසේ දෙයක් හිතන්න මාර්ගයක් හදලා දුන්නට... ඇත්තටම ස්තුතියක් නෙවෙයි මේක පිනක්...
අපි වෙනස් කරන්න ඕන මේ දේ නේද? බුදු දහමේ නියම අර්ථය එතකොට පැහැදිලි වෙයි.. අපි වෙසක් කූඩුවක් හදල ඒක ගිනි ගෙන දැවෙන හැටි බලල තේරුම් ගන්න ඕන ඒ සත්‍යය ..
පොඩි කාලෙ කරපු දේවල් දැන් මග හැරිලා ... කරන්න ඕනිම දේවල් අපිට අමතක වෙලා.. අමාරුවෙන් හරි ආයෙත් ඒ දේවල් වලට හුරු උනොත් අපි දිනුම්..
ප්‍රතිපත්ති පූජාවෙන් සැරසෙමු 🙏🙏🙏
අනිවාර්යයෙන්ම ... 🙏🙏🙏
When you were talking about the Mahamevna Monastery, I also remembered those days when I was doing that level, the tuition sir who taught us also called "I were going to meditate every month".
So, how ever, I wonder if it is because all of us have adapted to the system and our freedom has been limited.
Those days we can called as " golden old days " ... 😍
Happy wesak aiye.
Happy wesak .... 😍😍😍
අමා ගුණ සිසිලෙන් ලෝ වැසියන්ගේ රෝ බිය දුරුවන ප්‍රීතිමත් වෙසක් මංගල්‍යක් වේවා.
එසේම වේවා මල්ලී ... 😍😍
Steem Sri Lanka Discord Channel
✵✵✵✵✵✵✵✵✵✵✵✵✵✵✵✵✵✵✵✵✵✵✵✵✵✵✵✵✵
Thank you for your continuous support
Hi, @ruwankumara,
Thank you for your contribution to the Steem ecosystem.
If you would like to support us, please consider voting for our witness, setting us as a proxy.
Or delegate to @ecosynthesizer to earn a portion of the curation rewards!
Thank you very much for your great support
!upvote 50
නිකන් මගේ කර් එකේ ඩෑෂ් බොඩ් එක වගෙමයි😜😜😜😜
the post has been upvoted successfully! Remaining bandwidth: 150%
😂😂😂 Ara doctor danna gihin gedara yanagaman... 😂😂
Congratulations !
We are the hope of the helpless posts.
Your post has been manually rewarded by The Seven Team. Follow our Curation Trail or delegate us | 50SP | 100SP | 200SP | 300SP | 400SP | 500SP | and reach us in our discord channel.
Become in a Seven now.
සුබ වෙසක් මංගල්‍යක් අයියේ! ඉතාමත් වටිනා අදහස් කීපයක්! වෙසක් දවස විතරක් නෙමෙයි, හැමදාම වගේ ප්‍රතිපත්ති පූජාවට වඩා ආමිසේ ඉස්සරහට ඇවිල්ලා. ගොඩක් මිනිස්සු වැඩත් එක්ක එක සීමාවකට කොටුවෙලා. දුර තියෙන නිවන විතරක් නෙමෙයි, එදිනෙදා ජීවත් වෙන්න ඕනි විදියත් අපිට බුදු හාමුදුරුවෝ කියල තියෙනවා කියල ගොඩක් අයට අමතක වෙලා. ඒ දේවල් කියලා දෙන්නත් කට්ටිය හිඟ වෙලා. හැමදාම බණ ඇහෙන (අහන අය අඩුයි ) රටේ, ඒ දේවල් පිළිපදින්න අමතක වෙලා. ඇස් පනා පිටම අපිට ඒවගේ විපාක පෙන්නේ තියෙනවනේ. ඉතින්, තනි තනියෙන් අපි වෙනස් වෙමු. පණිවිඩේ බෙදා ගමු. සoවේදී මිනිස්සු පිරිසක් ඉන්නකොට ලෝකෙත් හරි ලස්සන වෙයි!!
සම්පූර්ණ ඇත්ත මල්ලි. පෝයට විතරක් පිනක් කරන්න ඕනි වගේ අදහසක් තමයි මිනිස්සුන්ට ඇවිල්ලා තියෙන්නේ . අපි එදිනෙදා කරන හැම දෙයක්ම බුදු දහමත් එක්ක ගලපලා බලලා හරි වැරැද්ද තේරුම් ගන්න පුලුවන් .එහෙම කරන්න පුලුවන් තරමට අපි ටිකෙන් ටික හැදෙමු...