වැස්ස දවසක....☕

අද බ්‍රහස්පතින්දා . මම ගෙදර ඉන්න තුන් වෙනි සතිය. ඔන්ලයින් වැඩ කොච්චර කරත් මට නම් දැනෙන්නෙ දරුවන්ට වෙන්නෙ අධ්‍යාපනය අතින් ලොකු පාඩුවක්. මේ දවස් ටිකේම පෝස්ට් එකක් දාන්න බැරි උනේ ලියන්න කියල විශේෂ දෙයක් නොතිබුන නිසා.

අද උදේ ඉඳන් මහ හුලඟක් එක්ක හිරිපොද වැස්සක් තිබුනා. ඒ නිසා එළියට බහින්නත් කම්මැලි. මට හිතුනෙම රටේ වෙන දේවල් වලට වැහි දෙවියො කම්පා වෙලා කියලා.උදේ පුරුදු විදියට ඔන්ලයින් වැඩ ටික කලාට පස්සෙ පාඩම් වැඩක් කරන්න ගත්තේ ගිය සෙමෙස්ටර් එකේ වගේ වැඩ ගොඩගහගන්න හොඳ නැති නිසා.

හවස් වෙද්දි නම් වැස්සත් එක්ක හුළං සැර ටිකක් අඩු උනා. මේ වගේ වෙලාවකට ප්ලේන්ටියක් එක්ක වඩේ එකක් කන්න තිබුනා නම් හොඳයි කියල පොඩි ආසාවක් ඇති උනා. ඉතින් වැඩි වෙලාවක් ගන්නැතුව වඩේ ටිකක් හැදුවා. අපි දෙන්නට ගොඩක් කන්න බැරි නිසා අපිට ටිකක් තියාගෙන බාගයක් අල්ලපු ගෙදරටත් දුන්නා ඉතින්. වැස්ස වෙලාවක වැස්ස දිහා බලාගෙන ප්ලේන්ටියයි වඩේ එකයි කියන්නෙ ඉතින් රසවත් අත්දැකීමක් තමයි..

තේ බොන ගමන් ලස්සන සිංදුවක් අහන්න හිතුනා. මේ දවස් වල නිතරම අහන cover songs ටිකක් තියෙනවා. සමහර සිංදු වල original song එකට වඩා cover song එකේ අමුතුම ලස්සනක් තියෙනවා. මේ වගේ වෙලාවක් ලැබුනොත් ඔයාලත් අහල බලන්න.