අපි වෙලේ පැන්නෙමු | 5% for SL Charity

in Steem Sri Lanka3 years ago

පුරුද්දක් විදියට මං හවසට අම්මාගේ ලඟට වෙලා මිදුල වටේ ඇවිදින්න කැමති. මොකද කිව්වොත්, හවස කියන්නෙ අම්මා මල් පැල වලට සාත්තු කරන වෙලාව. අම්මාගෙන් ආව පුරුද්දක් වෙන්නත් ඇති මං මල් වලට හරිම කැමති. අදත් වෙනදා වගේම හවස් වෙද්දි මල් වල වැඩ පටන් ගන්න සූදානම.

අද අපිට අලුතින් මල් ලැබුන දවසක්. මාසයකට දෙකකට වරක් නිවාඩුවට ගෙදර එන දවසට අම්මා ශේප් කරගන්න මල් පැල් ටිකක් ගෙනාවානම් හරි කියලා අයියා දන්න නිසා.

ඉතින් අලුතින් ලැබුන මානෙල් පැලේකුත් තිබුන නිසා අපිට මඩ ටිකක් සොයගන්න පහල වෙල් යායට යන්න වුනා.

WhatsApp Image 2021-05-11 at 21.13.47.jpeg

මේ වෙල් යාය ගැන කිව්වොත්, පුංචි සන්දියේ මතක මහා ගොඩක් පිරුන වෙල් යායක්. සම වයසෙ කොල්ලො දෙන්නෙක් එක්ක හැදුන නිසාම වෙන්න ඇති මටත් ඒ කාලේ කොල්ලෙක් වගේ ගතිගුන තිබුනා. අපි තුන් දෙනා එකතු වෙලා මඩේ පැනලා නටපු, තිත්ත පැටව් අල්ලන්න වෙලේ බැහපු, සරුංගල් යවපු ඒ අතීතය එකින් එක මගේ මතකයට ගලාගෙන ආවා. ආයේ කවදාකනම් මේ වගෙ මතකයන් අපේ ජීවිත වලට එකතු කරගන්නද.

ඒ අතරේ තාමත් මතක් උනාම හිනා යන මතකයක් අයේ උඩටම මතු වෙල ආවා. දවසක්, මායි මගේ අයියා, ඒ කියන්නෙ මගේ වයසෙම ලොකු අම්මාගෙ පුතා, අපි දෙන්නා එක්ක තිත්ත පැටව් අල්ලන්න හිතාගෙන වෙලට ගියා. ඒ පුංචි කාලේ අපිට ඒක සතුටක්. පව් පිං වගේ දේවල් ගැන ලොකු තේරුමක් නෑ.

අල්ලන මාලු පැටව් දාන්න හිස් ටොපි බෝතලයකුත් අතේ. අන්තිමට අපි මුලු වෙල් යායෙම ඇවිදලා බොතලේ පිරෙන්න තිත්තයො අල්ලා ගත්තා. අනේ මේ මාලු පැටව්න්ට පීනන්නවත් ඉඩ මදි නේද කියලාවත් අපිට තෙරුනේ නෑ. අන්තිමට අම්මාගෙන් බැනුම් අහලා ඔක්කොම මාලු ටික ආයෙමත් ගිහින් දැම්මා.

WhatsApp Image 2021-05-11 at 21.13.17.jpeg

WhatsApp Image 2021-05-11 at 21.08.20.jpeg

මේ දේවල් මතක් වෙද්දි අපෙන් පස්සේ පුංචි උන් හරි පව් නේද කියලත් හිතුනා. අම්මායි මායි එක්ක පොඩි නංගිත් අපිත් එක්ක වෙලට ගියා. මේ පුංචි අය පරිසරය ඉගෙන ගන්නෙ පොතෙන් විතරක් වෙලා. එයාට අද අත්දැකීම හරිම සතුටක්. අම්මා මල් පැල වලට ඕන මඩ එකතු කරන අතරේ, අපි දෙන්න වෙලට බැහලා කොක් මොට කඩන්න ගත්තා. මේක මලකුත් නොවෙන එත් අමුතු ලස්සනක් තියෙන දෙයක්. කුඹුරු නොකරන කාලෙට හැදෙන දෙයක්.

WhatsApp Image 2021-05-11 at 21.09.44.jpeg

මේ අතරේ තව කරදරකාරයෙක් අපේ පස්සෙන් ඇවිත් මඩට පැන්නා. හපොයි! මෙයා නම් මට වැඩ ගොඩක් වැඩි කරා.

WhatsApp Image 2021-05-11 at 21.09.20.jpeg

කාලෙකට පස්සේ මේ විඳගත්ත වෙනස මගේ හිතට අමුතුම සතුටක් ගෙන ආවා 🥰. අන්තිමේදී මට හිතුනෙ, ඔන්ලයින් පන්ති, මොබයිල් ගේම් අතරේ හිර වුන පුංචි ජීවිත ටික මොහොතකට හරි වෙලේ මඩ ගොඩකට ඇදලා දැම්මොත්, කොයිතරම් සතුටක් උන්ටත් ලැබේවිද කියලා.

Sort:  

පරිණත වෙනකොට තේරෙනවා අපි town වල ජීවත් වෙලා කරන්නේ නිකම්ම නිකම් රැවටිල්ලක් විතරයි කියලා

ගමෙන් නගරයට ගියාම තමයි ගමේ වටිනාකම වැඩියෙන් දැනෙන්නේ

😅😅😅 පූස😅 පූසො ඔහොම්මයි. යන යන තැන එනව ඕපෙ හොයන්න.. සිංහලෙන් ලිව්වම දැනෙන්න ලියන්න පුලුවන්

ඔව්. සිංහලෙන් ලියනකොට ලස්සන වචන තියෙනවා. පූස් තඩියා ඕපේ හොයන්න ඇවිත් මඩේ වැටුනම තමයි මරු 😂.

ඇත්තම කිව්වොත් දැනෙන්න ජීවිතේ විඳින්නෙ අපි දැන් නෙවේ. සුන්දර මතක තිබ්බෙම කිසි දෙයක් නොතේරෙන ඒ කාලේ ❤️

ඒ කාලේ කොයිතරම් නම් සෙල්ලම් කර කර සැහැල්ලුවෙන් හිටියද🥰

Ape nidahasa siima wela dan.

ow api seema karagena..

It's always so refreshing, going a place where you have a lot of memories as a kid. That feeling is hard to express.

Yeah.. Those days were the best era of the life.

Mekanm niyamai. mata me wela dakkama sarungal yawanath asa hithuna.

apith issara meke thamai sarungal yawwe 🥰.

Aye yawamu. 😇

kemathiii 🙌

අන්තිමේදී මට හිතුනෙ, ඔන්ලයින් පන්ති, මොබයිල් ගේම් අතරේ හිර වුන පුංචි ජීවිත ටික මොහොතකට හරි වෙලේ මඩ ගොඩකට ඇදලා දැම්මොත්, කොයිතරම් සතුටක් උන්ටත් ලැබේවිද කියලා

ඒක තමයි වෙන්න ඕනිම දේ😥අද කාලෙ දරුවන්ට ඒ ලස්සන ළමා කාලය ආයි කවදාවත් ලබාගන්න බැරි වෙයි

එයාලා ලස්සන ලමා කාලය කියන්නේ මොකක්ද කියලා වත් දන්නේ නෑ.

Coin Marketplace

STEEM 0.36
TRX 0.12
JST 0.039
BTC 70223.87
ETH 3561.28
USDT 1.00
SBD 4.73