පොඩි කොල්ලා | 5% for SL Charity
නිතරම පොඩි ලමයි ගැවසෙන එක අපේ ගෙදරට සාමාන්ය දෙයක්. අපි ඉන්නේ අම්මාගෙ මහගෙදර ලඟම නිසා, ආච්චිලාගෙ ගෙදර කවුරු ආවත් පොඩි අය එන්නෙ අපේ ගෙදරට. අපි පොඩි කාලේ ඉඳලම එහෙමයි.
හැමොම නිතර යන එන නිසාම වෙන්න ඇති ඥාති සහෝදරයෝ අපි ඔක්කොම එකතුයි.
ඒත් දැන් පොඩි අය ඉන්නෙ ටික දෙනයි. හැමෝම කාලය එක්ක ලොකු වෙලා. අපේ පුන්චිගේ දුවලා දෙන්නා සහ අපේ පොඩි ආච්චිගේ මුණුපුරු මිනිපිරියො තුන් දෙනා තමයි දැන් එකතු වෙලා සෙල්ලම් කරන්න ඉන්නේ.
මේ ඒ ගැන්සියේ පොඩිම එක්කෙනා. එකම කොල්ලා. කෙල්ලො හතර දෙන්නෙක් එක්ක සෙල්ලම් කරන්න කම්මැලි නිසා මෙයා ගොඩක් වෙලාවට කරන්නෙ කාව හරි කතාවට අල්ල ගන්න එක. වචන 10ක් කතා කරොත් 9ක්ම සරුංගල් ගැන.
මුලින්ම මෙයාගෙ කතාවට අහු වුනෙ අපේ මාමාගෙ පුතා. පොඩි කොල්ලා හැමදාම එන්නෙ අයියා හොයගෙන. වෙන මොකටවත් නෙමෙයි. සරුංගලයක් හදාගන්න. මේ වැඩේ හරියන්නෙ නැති නිසා එයා ශේප් එකේ මාරු උනා. දැන් ඒපාර කොල්ලාගෙ කතා අහන් ඉන්න අල්ල ගන්නෙ අපේ තාත්තා හරි මම හරි.
මම්මේ, බප්පා කෝ කියල අහගෙන එනවා. ඊට පස්සේ ඉතිං රටේම නැති දේවල් කියව කියව ඉන්නවා. අපේ තාත්තා කොහොමත් පොඩි අය කියන හැමදේම අහගෙන ඉන්නවා. කියන කියන දේවල් කරලා දෙනවා. ඉතිං ඕන කෙනෙක් එයා එක්ක හරි ඉක්මනින් යාලුවෙනවා.
මේ කොල්ලා නම් හරිම පණ්ඩිතයෙක් තමයි. කතාවෙන් නම් එයාට බැරි දෙයක් නෑ. ඒත් ඇත්තටනම් හරිම බයගුල්ලා 😂.
මේ ලඟදි ආපු වෙලාවෙ චන්ඩියා වගේ කියනවා එයාට ගස් නගින්නත් පුලුවන් කියලා. අපේ තාත්තා කිව්වා එහෙනම් නැගල පෙන්නන කියලා. පේර ගහේ අතු දෙකක් නැගලා මෙයා කියනවා අම්මා දැක්කොත් ගුටි කන්න වෙයිලු.
මේ පාර ආව දවසේ කුරුම් බැට්ටි මැශිමක් හදමු කියලා වැඩ පටන් ගත්තා. එයා හදන්න දන්නවලු, ඉරටු සුද්ද කරන්නත් දන්නවලු. හැබැයි මට හදලා දෙන්නලු.
චන්ඩියා වගේ හිටියට බල්ලොන්ට විතරක් නෙමෙයි අපේ පූසාටත් බයයි. මගෙන් ඇහුවා පූසා අතගාන්නද කියලා. බයයි කියල දන්න නිසා මම හා කිව්වා. දන්නවද මේ පොඩි කොල්ලා කියපු දේ. අනේ පවු පූසා, අතගාලම ඔලුවෙ ඉරි ඇඳිලා කියලා 🤣.
ඔලුවෙ ඉරි ඇඳුන අහිංසක පූසා
මෙයා ආව දවසට මේ වගේ ජොලි කතා අහගෙනම අපේ දවස ගෙවිලා යනවා.
පැහිච්ච කොල්ලෙක් 😂
හම්මෝ ඔව්. තව එයාගෙ රස කතා තියෙනවා 🙊😅.
අපෙත් ගෙදර ළඟ ඉන්නවා පොඩි එකෙක් නිවාඩුවට ගෙදර ගියාම ඌට එක එක ඒවා හදල දෙන්න වෙනවා. නැත්නම් බේරෙන්න බෑ
Ape gedarath ehemama thamai. Mamanam kamathi naha e unata podi lamayi enawata mage sellam badu illana nisa 😂
Mage laga dan parissam karanna sellam badu ituru wela na.. okkoma aragena 🤣.
අපිත් ඉස්සර මේව හැදුවට මන් නම් ලගකදි දැක්කෙ නෑ කුරුම්බැට්ටි මැශින් හදන පොඩි ලමයි..😐
අපේ ගෙදරටත් පොඩි අය එනවා එයාල ඉල්ලන්නෙම phone එක..😐😁
Game ගහන්න 😒
ඔව් දැන් හැමෝම පුරුදු වෙලා ඒකට..😕
mata penna ba phone eka illana podi unwa.
ඒක මරු කතාව.පොඩි වුණාට හරි බුද්ධිමත් දරුවෙක්.
පොඩි අයගෙ නිරීක්ෂණ හැකියාව ගොඩක් හොදයි.
දැන් ඉන්න පොඩි අය හරි හරියට පණ්ඩිත කතා කියන්නේ🤭
ඒක ඇත්ත.
Hama welema podi aya ekathu wena gedarakanam sathuta pirila thiyenwa. Eyalage ewarayak nathi kathaa paluwa nathi karanawa.
eka maru ♥️
ඔව්. ගොඩක් ලොකු එක පවුලක් වගේ 🥰.
අම්මෝ මරු හේතු 🤣😂උදේම හොදටම හිනා
කියවන්න ගත්තම නවත්තන් නෑ.
අම්බෝ හිනා කාලා මැරෙනවනේ අනේ මේකගෙ කතා වලට...
ඔව්.තව නියම කතා තියෙනවා..