Siගිරි පිරිකර පෝලිමේ මුලට

කටිනය කියන්නේ අට මහා පින් කම් වලින් එකක්නේ. කොහොම හරි ඉතින් ඊයේ රෑ පාන්දර තුනහ මාරට වගේ අපේ ගේ ගාවිනුත් කටින පෙරහර ගමන් කරා. සාමාන්යෙන් පෙරහරට පහු දවසේ සාංගික දානයක් තියනවනේ. ඉතින් තාත්තා බාරගෙන තිබුන පිරිකරත් අරන් මම මල්ලි එක්ක දවල් එකොළහ වෙද්දී පන්සලට ගියා.

ඉතින් මින් පෙර කටින පින්කම් වලට හිටියට වඩා පිරිසක් මේ සැරේ පිංකමට ඇවිත් හිටිය. ඇත්තටම කටින පෙරහරේ දිග තීරණේ වෙන්නේ කටිනය සංවිධානය කරන ගෙදර අයගේ පිරිස් බලය මත. ඉතින් හැමෝගෙම හිත දිනාගෙන ඉන්න කෙනෙක් නම් කටින පෙරහරේ වගේම දානෙත් පිරිස වැඩියි.

කොහොම කොහොම හරි අරගෙන ගිය පිරිකර වෙනම ස්ථානයක තැම්පත් කරලා තිබුන නිසා අපිත් එතනින් ඒක තැම්පත් කරල ආගමික වතාවත් වලට සහභාගී වුණා.

කොහොම වුනත් බොහොම අලංකාර විදියට දානය එහෙම සුදානම් කරලා තිබුන. එතන තිබුනේ නැති දෙයක් නැති තරම්. බොහොම modern විදියට කෑම බීම , අතුරුපස වගේම EGB, තැඹිලි juice cup එහෙම තියල තිබුන. ඒතරම් දේවල් හාමුදුරුවරු වැළඳුවේ නැතත්, සමහර දේවල් තියනවනේ දෙන කෙනාගේ හිත පිරෙන්න දෙන. ඉතින් අවංකවම සංවිධානය කර කෙනා ඉතාම මහන්සි වෙලා දානය සුදානම් කරලා තිබුණ.

ඉතින් අපේ කොටස තිබුනේ හාමුදුරුවෝ දානේ වැළඳුවට පස්සේ. ඉතින් කට්ටිය තම තමන්ගේ නම ගහල තිබුණ පිරිකර අතට අරන් පෝලිමක් ගැහුන. අපි ඉතින් පෝලිම් විනය හොඳටම දන්න ජාතියක්නේ. ඉතින් මල්ලි පෝලිමේ තියල මන් එහා පැත්තෙන් හිටගත්තා.

ඊට පස්සෙ තමයි හොඳම ටික. ඉතින් දොරගාව ඉදන් උපාසක මහත්තුරු කීප දෙනෙකුයි පන්සලේ හාමුදුරුවොයි පිරිකර ටික දාන ශාලාවට ඇතුල් කරනව.

"සීගිරි පිරිකර පෝලිමේ මුලට එන්න සීගිරි පිරිකර"

දොර ගාවින් සීගිරි පිරකර ටික ඇතුලට යවනව අනිත් කඩවල් වලින් ගත්ත අය පස්සට දාලා. "අන්න යන්න යන්න. අපේ එකත් සීගිරි" මන් ටක් ටක් ගාල මල්ලිව පෝලිමේ ඉස්සරහට යැව්වා. බොරු කියන්න දෙයක් නැහැ අපි දෙන්නටම මේ වෙන දේ ගැන හිනා. සීගිරි කියන්නෙ අපේ ගමේ තියන ප්‍රධානම අට පිරිකර කඩේ. ඉතින් එතනින් එහාට ඔබට මම කියල දෙන්න අවශ්‍ය වෙන්නෙ නෑනේ. එතන කැතම වැඩේ කියන්නෙ, විශේෂ කරලම ඒ කඩේ නමින් ඇතුලට ගෙන්වන එක. හැම කෙනාම අට පිරිකරක් දෙන්නෙ බොහොම භක්තියෙන්. ඒ වගේම අටපිරිකරක් විශාල මුදලකුත් වෙනව. ඉතින් මේකත් අර උස අයට සිකුරුටි මිටි අයට කම්කරු වගේ තමයි.

මායි මල්ලී නම් ඉතින් එහෙම්ම හිනා වේවි ගෙදර ආවා. මොකද අපි වෙන මොනව කියල කරන්නද. සිංහලය ආරම්භ වුණේ පුත්තලමෙන්නේ.