On Vesak Day

මහා වැසි මැද්දෙම වෙසක් පෝයත් උදා වුනා. කලින් දවසෙ කුඩූ තුනක් අලවල තිබුනත් තව එකක් අලවන්න ඉතුරු වෙලා තිබුණා. ඉතින් දවසේ පලවෙනි රාජකාරිය වුණේ අන්තම කුඩුවත් අලවල සවරම් ටිකත් දාලා එල්ලන්න. කුඩු අලවල අවසානයේදී පොඩි පාලු ගතියක් දැක්ක නිසා පුංචි මල් ටිකකුත් අලවල දැම්ම. එකෙන් හිතුවට වඩා පොඩි ප්‍රාණවත් බවක් එකතු වුණා.

මම අසම දර්ශනයක් තමයි හුළඟට හෙලවෙන වෙසක් කූඩූ. සර සර හඬින් හෙලවෙන සවරම් හුළගේ පාවෙන දර්ශනය මට නම් අමුතුම පහන් හැඟීමක් ගේනවා. වෙසක් කියන හැඟීම එන්නෙ මේ එක්ක.

දවල් 12 වෙන්න කලින් සේරම කුඩු ටික එල්ලලා බල්බ් වැල් එහෙම දාල තාත්තා සහ මල්ලි ඕන හැම දේම ලේස්ති කරල දුන්න. ඊට පස්සේ ඇදහැලුන වැස්සට ඉඩ දීලා ගේ ඇතුලට වෙලා film එකක් බැලුව. මොකද නිවාඩු දවසට විතරයිනේ ඒ අවස්තාව. අපි පන්සල් යන්න කලින් ඉඳම්ම සැලසුම් කරලා තිබුන නිසා හවස 3 වෙද්දී මල් ටිකක් කඩන්න එලියට ආවා. කොච්චර වැස්ස වුණත් ගස් වල ලොකුවට මල් නැහැ. එත් තියන විදියට මල් තෙල් සුදානම් කරගෙන අපි පන්සලට ආව. වෙලාවට ඔක්කොම වැදුම් පිදුම් කරනකම් වැස්ස ඇද හැලුනේ නෑ.

පාරේ වත් පන්සලේ වත් ඒ හැටි සෙනගක් නම් හිටියේ නෑ . පෙට්‍රල් හිඟ කමත් එකට හේතුවක් වෙන්න ඇති. ආපසු එන ගමනේදී යද්දී නොතිබුන දන්සලක් පටන් අරන් තිබුණා. "සව් කැඳ වගේ.." බෞද්ධ කොඩියක් වනලා පොඩි ළමයෙක් අපිව නැවැත්තුවා. අවුරදු ගාණට පස්සෙ දන්සැලකට ගොඩවෙන්නේ. ඇත්තටම ඒ සව් කැඳ කෝප්පේ හරිම රසට තිබුණා.

එයාලටත් පින් දීලා අපහු ගෙදර අවා. ඇවිත් ටික වෙලාවක් යද්දී වෙසක් කූඩු ටික ආලෝකමත් කරන්න තමයි වෙලාව ආවේ. බල්බ් පරණ නිසාදෝ පොඩි අඳුරු පාටක් තිබුනත් කුඩු ටික දුරට ලස්සනට පෙනුණා. හැමදාම කරන්ට් එක තියනවා නම් කොච්චර හොඳද. වෙනදට නම් ඒ වෙලාව වෙද්දී ඉන්නෙ කළුවරේ නේ. ඒත ඉස්සරහට පැය 15 ක්වත් අදුරේ ඉන්න වෙයි.