My New Mate

අපේ මල්ලිගේ cactus article එක ඔයාල ඊයෙ දකින්න ඇති. අද මම කියන්න හදන්නෙ මගේ cactus කතාව. ඇත්තටම මට නම් cactus පැලයක් ඕන කියල මුලින් කිසිම අදහසක් තිබුනෙ නෑ. ඒත් අපේ මල්ලි මුලින් online විස්තර හොයද්දි ඒකට සම්බන්ධවුණ මටත් ටික ටික ආසාව එන්න ගත්ත.

ඇත්තටම online මිල ගණන් දැක්කම අපට හිතුණා හරිම පුංචි පැලයකට අනවශ්‍ය මිලක් වගේම අමතර ප්‍රවාහණ ගාස්තුවක් ගෙවන එක අද කාලෙ හැටියට ලොකු අපරාධයක් කියල. ඉතින් අපි පාරට බහින්න හිතුව. සමහර දේවල් අපි ලේසියට online order කරත් පාරට බැස්සොත් ඊට වඩා පහසු මිලට ගන්න පුළුවන් කියන මතේ මම පහුගිය ටිකේ හිටිය. ලොකුම හේතුව Uber Eats නිසා මම තේරුම් ගත්ත තිත්ත ඇත්ත. ළඟක ගන්න නැති දෙයක් මිසක වෙන දෙයක් නම් online order කරන්න කරන්න කලින් හිතන්න කියන එක මුලින්ම මම මතක් කරනව.

මල්ලි එක්ක මම මල් පැල විකුණන කඩේට ගියාම රුපියල් 100-200 ත් අතර පොඩි cactus, echeveria, aloe vera සහ මේ වැඩේට සුදුසු පැල වර්ග තිබුණ. මල්ලි cactus එකක් ගත්තෙ. මම ආස වුණේ එකකට. කොළ පාට echeveria විතරයි තිබුණෙ එතන.

රුපියල් 100 ට අපි පැල දෙකක් ගත්ත. ගොඩක් පුංචි පැල ත් නෙවෙයි. හිතේ තිබුන size එකටම පැළයක් හම්බුණා. මල්ලි කිව්වනෙ ගණන් හිලව් ටික. ඉතින් මගේ නම් පැලේ 100 යි. පෝච්චිය ත් 100 යි. ගල් ටිකට රුපියල් 75 ක් වගේ දාමු.

බොහොම පහසුවෙන් පැලේ ගලවල මැටි පෝච්චියෙ හිටෙව්ව. වැඩේ almost done ඉතින්. තව ටිකක් ලස්සන වෙන්න ඕන නිසා කඩෙන් ගෙනාපු සුදු පාට ගල් කැට ටික සීරුවට මතුපිට ඇතිරුවා. දැන් නම් බැලූ බැල්මට වැඩේ ලස්සනයි.

ඒ වුණා ට මට පොඩි උදාසීන බවක් දැනුණ නිසා තවත් ටිකක් කළ එළි වෙන්න ලා කොළ පාට පබළු ටිකක් තැනින් තැනින් දැම්ම. එකෙන් සුදු පාට උඩින් පොඩි දීප්තිමත් බවක් දුන්නා.

මල්ලි එක්ක මංජරී එකට ගිය වෙලාවේ ගත්ත table mat එකක් තිබුණ. ඒක රුපියල් 40 යි. මගේ පරණ වෙලා ගිය අහිංසක computer table එකේ කොනක ඒ table mat එක තියල cactus එක තිබ්බ. ඊට පස්සේ උස මදි නිසා පුටුව උඩට නැගලම bird eye view එකෙන් සම්පුර්ණ මේසෙම මෙන්න මේ වගේ චයාරුපයට ගත්ත.

මට ඔයාලට දෙන්න ඕන පණිවිඩේ තමයි cactus pot ගන්න කොට ඒක තමන්ම හදාගත්තොත් ලොකු ගානක් ඉතුරු කරගන්න පුළුවන්.

10% to SL-Charity