SINGING IN THE RAIN (1952)
Singing in the Rain (1952) - USA
Dir: Gene Kelly and Stanley Donen
My Rating - 4.5/5
Pure Entertainment!
සිනමාව කාට කොහොම උනත් මටනං ආට් එකක්. කලාවක්, කලා මාධ්‍යයක්. මට විතරක් නෙමෙයි කලාව කියන ඇහැට පේන්නේ නැති අල්ලන්න බැරි ඒ 'දෙය' බෙදිච්ච ආකාර හතෙන් එකක් කියල තමයි විකිපීඩියාවේ ලියවිලා තිබුනේ.
හැබැයි ඉතින් බොහෝවිට ඔය කලාවයි මිනිස්සුන්ගේ කැමැත්තයි කියන්නේ කොහොමටවත් පෑහෙන දේවල් නෙමෙයි නොවැ.
'Entertainment Value!'
කොහොමහරි අන්තිමට වෙලා තියෙන්නේ කලා මාධ්‍යයක් වෙලා තිබුන සිනමාව සල්ලි ගරන මාධ්‍යයක් බවට පත්වෙලා!
ආ ඒ මට හිතෙන දෙයක්.
කිව්වත් වගේ මං නම් කැමති සිනමාව කලාවක් විදියට හඳුන්වනවට තමා. ඒ විතරක් නෙමෙයි සිනමාව දකින්නත් කැමති ඒ විදියට. හැබැයි....... අර 'Entertainment Value' එක කියන්නෙත් සිනමා රසිකයාට නැතුවම බැරි දෙයක්!
අන්න ඒ Entertainment එක උපරිමෙන්ම මට දීපු ෆිල්ම් එකක් තමයි Singing in the Rain. ඔව් මේක මියුසිකල් එකක්! වචනයේ පරිසමාප්ත අර්ථයෙන්ම නියම මියුසිකල් එකක්! ෂෝ එකක්!
මේකේ කතාව ගෙතෙන්නේ අර 1920 දශකයේදී නිහඬ සිනමාව, කතානාද සිනමාවට මාරුවෙන කාලේ වටේ.. ඒ වෙනස්වීම නළුවොන්ට බලපාපු විදිය පදනම් කරගෙන. (දැනට බලපු Sunset Blvd, The Artist කියන විශිෂ්ට ෆිල්ම් දෙක හැදුනෙත් ඒ සිද්ධියම පාවිච්චි කරලා තමයි)
මගේ දැනට බලපු ප්‍රියතම මියුසිකල් එක La La Land (2016) එකත් පැහැදිලිවම මේකේ සමහර moves, scenes, moments උස්සලා තියෙනවා, හැබැයි ඉතා දක්ෂ විදියට. ඉතාම ලස්සනට. ආ ඒක පෝස්ටරෙන්ම පැහැදිලියිනේ.
මේක හෙනම Feel Good Movie එකක්. බොක්කෙන් හිනා යන කොමඩියක්, ලස්සන කනට ප්‍රිය සිංදු ටිකක්, නැටුම් ටිකක් එක්ක සමහරවිට ඔයාවත් නටවන ෂෝ එකක්. හොලිවුඩ් ඉතිහාසේ ගැනත් ලාවට පෙන්නන රියල් 'ක්ලැසික්' එකක්! විඩාබර දවසකට බලන්න කියාපු භාණ්ඩේ.. සහ මම සහතික කරනවා, කාලේ නාස්ති වෙන්නේ නම් නැහැ!
Imdb Rating - 8.3
Rotten Tomatoes - 100%
Roger Ebert - 4/4
Letterboxd - 4.3/5
Steem Sri Lanka Discord Channel
✵✵✵✵✵✵✵✵✵✵✵✵✵✵✵✵✵✵✵✵✵✵✵✵✵✵✵✵✵
You have been upvoted by @randulakoralage, a Country Representative from Sri Lanka. we are voting with the Steemit Community Curator @steemcurator07 account to support the newcomers coming into steemit.