DEAD MAN (1995) - Black & White Western | 10% for SL Charity

Dead Man (1995)
Dir: Jim Jarmusch

★★★★½

_Source

""You Willam Blake?"

• "Yes I am. Do you know my poetry?"
  (GUNSHOT)

මෙතෙක් බලපු අමුතුම, සාම්ප්‍රදායික වෙස්ටර්න් සම්මතයෙන් හොඳටම දුරස් වෙච්ච වෙස්ටර්න් ෆිල්ම් එක. ඒ වගේම දැන් Johnny Depp ගෙ කැමතිම චරිතය කැප්ටන් ජැක් ස්පැරෝ නෙමෙයි, විලියම් බ්ලේක්. (ඇත්තටම පොරගෙ ඇඟ ඇතුලට ජැක් ස්පැරෝ වැදිලා නැති චරිතයක් දිහා බලන්න පිං කරන්න ඕන.)

_Source

Jim Jarmusch කියන ඩිරෙක්ටර්ගෙ ෆිල්ම් එකක් බලන්න ආසාවෙන් හිටියේ ගොඩක් කල් ඉඳන්. පටන්ගන්න තැනක් හිතාගන්න බැරුව හිටියේ. ඊටපස්සේ රේණුක අයියගෙ කමෙන්ට් එකකින් තමයි Dead Man අල්ලගත්තේ.

අම්.. මේක හැමෝටම සෙට්වෙයි කියලා මම හිතන්නේ නෑ, මොකද මට දැනුන විදියට මේකෙ මැදක් වෙනකං ම කතාව ගලායාම තරමක් මන්දගාමී යි. හැබැයි සමහරවිට මට එහෙම දැනෙන්න ඇත්තේ William Blake කියන බ්‍රිතාන්‍ය කවියා ගැන තිබුන ඉතා අල්ප දැනුම නිසා වෙන්නත් පුළුවන්. ඒ කවුද කියලවත් දැනං හිටියේ නෑ මං, බලන එක නවත්තලා ටිකක් පොර ගැන හොයලා බලලා තමයි බලන්න ගත්තෙ ආපහු.

හැබැයි ඒ මැදට ආවයින් දෙවෙනි භාගය ගලායන්නේ නියම වෙස්ටර්න් එකක් විදියට. අවසානය වෙනකංම මාර ෆීල් එකක් දීපු Neil Young ගෙ මියුසික්, පට්ට ලස්සන Cinematography ෂොට් ටිකක්, සුපිරි දෙබස් ටිකක් සහ සුපුරුදු වෙස්ටර්න් වෙඩිල්ල එක්ක හැඩවුණු Dead Man, වෙස්ටර්න් මුවාවෙන් Jim Jarmusch හදපු අමුතු ලෝකයක් ඇතුලට අපිව අරං යනවා.

_Source

මේක සාමාන්‍ය වෙස්ටර්න් එකකින් වෙනස් වෙන්නේ රතු ඉන්දියානු කල්චර් එක සහ සාහිත්‍යය එක්ක මික්ස් වෙන හින්දයි. මං අහලා තියෙන විදියට Dead Man කියන්නේ රතු ඉන්දියානු කල්චර් එක ගැන සෑහෙන්න ඉගෙනගෙන සෑහෙන තරම් නිවැරදිව නිරූපණය කරන්න සමත් වුන ෆිල්ම් එකක්. Western ටයිප් ෆිල්ම්වලට කැමැත්තක් තියෙන අයට විතරක් ජොනී ඩෙප්ගෙ රසිකයන්ටත් ඉහළින් නිර්දේශ කරන්න පුළුවන් මොකද මං හිතන විදියට විලියම් බ්ලේක් කියන්නේ ඔහුගේ හොඳම රංගනයක්.

IMDb Rating - 7.6
Rotten Tomatoes - 71%
Letterboxd - 3.8/5

_Source