Street Foods රැය

අලුත්කඩේ street foods ගැන ගොඩක් අය අහලා තියෙනවා කියලා මම දන්නවා. මමත් ඒ අහලා තිබුණ අයගෙන් කෙනෙක්. කලින් university යාලුවො ගිහින් ලස්සන photos දාලා තිබුණ නිසයි එහේ යමු කියලා කෙනෙක් suggest කරපු නිසයි මං හිතුවා ගිහින් බලන එක හොඳයි කියලා. ඉතින් ඊයෙ තමයි අන්න ඒ street foods දවස උදා වුණේ.

කලින් ෆොටෝස් වල දැකලා තිබ්බ විදියටම ලයිට් එළි මැද එහේ හරිම ලස්සනයි. පාට පාට බීම, කෑම වර්ග, සෙනඟ, පාට පාට විදුලි බුබුලු ඒ ඔක්කෝම එකතු වුණාම අමුතුම ලස්සනක් තියෙනවා. එහේ තියෙන ගොඩාක් කෑම indian කෑම. මං නම් දන්නෙ නෑ ඒත් මාත් එක්ක ගිය අනෙක් කෙනාට ඒ ගැන හොඳ අවබෝධයක් තියෙනවා. මොකද එයා ඇතිවෙන්න ඕවයෙ ඇවිදලා තියෙනවා.

මුලින්ම ගියේ පරාටා එක්ක චිකන් BBQ තිබ්බ shop එකකට. පොඩ්ඩක් කනකොට බඩ පිරුණට ඒක රසයි. ඊළඟට මොනවද කියලා බලාගෙන යනකොට පානිපූරි shop එකක් අපි එනකම් බලාගෙන හිටියා. Chocalate පානි පූරි! ඒකත් ඇත්තටම රසයි.

ඊට පස්සෙ නම් බඩ හොඳටම පිරිලයි තිබ්බෙ. සාමාන්‍යයෙන් හැමෝම street foods ගියාම බොන අර දුම් දාන බීම/කෑම (Smoke bite) එක නම් බොන්න බැරි වුණා. මොකද ඊයෙ රෑ කූල් දේවල් වලට ඉතාම අහිතකර රැයක් බව මගේ පෙනහලු මට දන්වලා තිබුණා. ලොකු වැස්සක් තිබුණෙ නැති වුණාට පොදයක් තිබුණා.

ඉතින් ඔය යන අතරෙදි තමයි එක එක තැන් වල හිටගෙන ෆොටෝ අරගත්තෙ. පුංචි බබාලව උස්සගෙන එන beggars ලා දැක්කහම අනේ කියලා හිතෙනවා. ඒ බබාලට අවුරුද්දක් නැති වුණත් අත් දික් කරලා සල්ලි ඉල්ලන්න හුරු කරලයි තියෙන්නෙ. එහෙම වෙනකොට කවුද නොදී ඉන්නෙ?

අලුත් කඩේ street foods ගැන negative ideas සාක්ශි එක්කම social media හරහා share වෙනවා ඔයාල දැකල ඇති.ඉතින් කෑම වල පිරිසිදු බව ගැන සහතිකයක් දෙන්න ඇත්තටම අමාරුයි. කොහොම වුණත් මට ඒ අත්දැකීම ගන්න හිතුණා. ඇත්තටම ඒක වෙනමම vibe එකක්!