එක පැත්තකින් මුහුද! අනෙක් පැත්තෙන් නුවර කඳු!

පානම ගම්මානය පහු කරගෙන කැලේ ඇතුළට යනකොට මුණගැහෙනවා පානම කුඩුම්බිගල අභය භූමිය. මේ අභය භූමිය ඇතුළෙ තමයි තියෙන්නෙ කුමන ජාතික වනෝද්‍යානය සහ ඔකඳ දේවාලය. ඒත් අපේ මූලිකම ගමනාන්තය විදියට අපි තෝරගෙන හිටියෙ කුඩුම්බිගල. මොකද එහේ බැලුම්ගලට යන්න පොඩි hike එකක් තියෙනවා වගේම ආර්ණ්‍යවාසීව භාවනා කරන භික්ශූන් වහන්සේලත් ඉන්නවා. ඒ වගේ තැනක් කොයිතරම් නිස්කලංක නිවුණ තැනක් වෙන්න ඇතිද කියනෙක මට අත්දකින්න ඕනෙ වුණා. විශේෂයෙන්ම ඒක කැලේ ඇතුළෙ තියෙන තැනක් නිසා.

පානම කුඩුම්බිගල අභය භූමිය හරහා තියෙන වැලි පාර ඔස්සෙ වැටිලා තියෙන ඒ දිග ගමන ඇත්තටම ලස්සන එකක්. වනජීවී එක මඟින් දිගින් දිගටම තියල තිබුණ දැන්වීම් පුවරු වල කැලේ ඇතුළෙ ඉන්න සත්තු ගැන කියල තිබුණා. ඒ වගෙම අතරමඟ නැවතීම සපුරා තහනම්. වලස්සු, කොටි, අලි වගේ සත්තුත් ජීවත් වෙන විශාල කැළයක් ඒක. ඒ කැළය පහුකරගෙන අන්තිමේදි අපි කුඩුම්බිගලට ආවා.

කුඩුම්බගල ආරණය ඇතුළට ගියාම ඒ පොඩි hike එක පටන් ගන්න පුලුවන්. භාවනා කරන භික්ශූන්ට කරදරයක් නොවෙන විදියට යන්න ඕනෙ. මුලින්ම ගියේ බැලුම්ගලට. ඇත්තටම ඒක ටිකක් විතර මහන්සි ගමනක්. ගලේ කපලා තියෙන පඩි දිගේ ගල මුදුනටම යන්නයි තියෙන්නෙ. උඩට නැග්ගම තමයි ලස්සනම දේ තියෙන්නෙ. එක් පැත්තකින් මුහුද! අනෙක් පත්තෙන් නුවර කඳු පන්තිය. ඒක හරිම ලස්සන දර්ශනයක්. මං හිතන්නෙ මිනිස්සු hike වලට ආස වෙන්නෙ ඒකයි. දුශ්කර වුණත් අවසානය ලස්සනයි.

ගමනෙ අන්තිම කොටස අරගෙන ඊළඟ දවසෙ එන්නම්!