Falimy!
ෆැලිමි කියන්න්නෙ ඊයෙ රෑ මං බලලා ඉවර කරපු චිත්‍රපටය. මලයාලම් එකක්. ලොකූ දේවල් තියෙන දිග කතාවක් නෙමෙයි. ඒ වුණත් ඒක ලස්සනයි. මගෙ පුංචි මූවි පාට්නර් තමයි ඒක බලන්න කියලා මට msge එකක් දාලා තිබුණෙ. චූටි suggest කළොත් ඒක බලන්න වටිනවා කියල මට හිතෙනවා.
ෆැලිමි කියන්නෙ පවුලක කතාවක්. නම මෙහෙම තිබ්බට දැක්කත් කියවෙන්නෙ family කියලනෙ. අපේ පවුල් වගේමයි. රණ්ඩු , හිත් අමනාපකම් ඇති වෙන්න තියෙනවා. හැබැයි ඊට යටින් ආදරේ තියෙනවා. පවුලෙ ඉන්නෙ තාත්තයි, සීයයි, අම්මයි, ලොකු පුතයි පොඩි පුතයි. ඉතින් මේ සීයට ඕනෙ වෙනවා කාශි යන්න. පවුලෙ කවුරුත්ම එයාව එක්කගෙන යන්නෙ නැති නිසා කීප වාරයක්ම එයා හොරෙන් ගෙදරින් පැනලා කාශි යන්න ගිහින් ගෙදරට අහුවෙනවා.
ඊට පස්සෙ එයාට කාශි යන්න අවස්තාවක් ලැබෙනවා. ඒ කොහොමද කියලා දැනගන්න නම් ෆිල්ම් එක බලන්න වෙනවා. හිනාවයි, දුකයි එකම මොහොතක ලැබෙනවා. බලාගෙන යනකොට මට හිතෙනවා මේක මගේ විතරක් නෙමෙයි හැමෝටම පොදු අත්දැකීමක් කියලත්. සමහර දවස් ගණන් දකින හීන ඇත්ත වෙනකොට ඒක හිතුව තරම් සතුටකින් කෙළවර වෙන්නෙ නෑ. ඉතින් මේකත් එහෙමයි.
වයසට ගියාම අපේ හීන, බලාපොරොත්තු වෙනස් වෙනවා. අපිට ආදරේ ගොඩාක් ඕනෙ වෙනවා. ආයෙම පොඩි ළමයි වගේ අවධානය, ආදරය ගොඩාක් ඕනෙ වෙනවා. සීය කියලා දෙන්නෙ ඒ වගේ දේවල්. ලංකාවෙ පරිසරයයි කේරලයෙ පරිසරයයි එක වගේ නිසා ගොඩාක් familiar ගතියක් තියෙනවා. සතුටින් හිනා වෙලා පොඩ්ඩක් අඬලා ආයෙම හිනා වෙලා බලන්න පුලුවන් ලස්සන ෆිල්ම් එකක් විදියට මේක ගැන කියන්න පුලුවන්.වෙලාවක් තියෙනවා නම් ඔයාලත් බලන්න!