රුමටොයිඩ් ආතරයිටිස්!

රුමටොයිඩ් ආතරයිටිස් කියලා කියන්නෙ ආතරයිටිස් වල වර්ගයක්. ඉතින් ආතරයිටිස් කියන්නෙ අපි අතර සුලබ වචනයක් නිසා අපි දන්නවා ඒ මොකක්ද කියලා. අපේ සන්ධි අතර තියෙන හිඩැස දියවෙලා අදාළ සන්දිය හදන අස්ථි එකට එක්වීමක් තමයි ආතරයිටිස් වලදි වෙන්නෙ.

රුමටොයිඩ් ආතරයිටිස් කියන්නෙ autoimmune disease එකක්. ඒ කියන්නෙ අපේම immune system එක අපේ ජොයින්ට්ස් වලට පහරදීමෙන් තමයි රුමටොයිඩ් ආතරයිටිස් ඇතිවෙන්නෙ. අනෙක් ආතරයිටිස් වලදි වගෙම මේකෙදිත් අස්ථි අතර පරතරය අඩුවෙමින් අදාළ සන්ධියෙ ක්‍රියාකාරීත්වය අඩු කරනවා.

රුමටොයිඩ් ආතරයිටිස් වල රෝග ලක්ශණ කිහිපයක් තියෙනවා. අස්ථි වල වේදනාව සාමාන්‍යෙන් උදේ නැගිට්ට පස්සෙ පැයකට වැඩි කාලයක් අත් විඳින්න වෙනවා. ඒ වගෙම තමයි ශරීරයේ කුඩා සන්ධි වලින් තමයි මුලින්ම මේ රෝගය ආරම්භ වෙන්නෙ. සන්ධි ආශ්‍රිතව පවතින කුඩා ගැටිතිත් කල් ගතවෙනකොට අපිට දකින්න පුලුවන්. ඒ වගෙම වේදනාව, ඉඳිකටු අනිනවා වගෙ දැනෙන එක, අල්ලනකොට වේදනාවක් දැනෙන ගතියත් අත් දකින්න පුලුවන්. ඒ වගෙමයි Range of motion ඒ කියන්නෙ සන්ධියක් නවන්න හෝ දිග හරින්න පුලුවන් සාමාන්‍ය අගය අඩු වෙලා යනවා.

මුල් අවස්තාවෙ හඳුන ගෙන ප්‍රතිකාර කළේ නැත්නම් deformities දක්වා මේ රෝගය වර්ධනය වෙනවා. එතනදි සාමාන්‍ය අතකින් deviate විවිධ විකෘතිතා සහිත අතක් බවට පත්වෙනවා. එතනින් නවතින්නෙ නෑ. ඒක ඉන් පස්සෙ ශරීරයේ අනෙකුත් විශාල සන්ධි කරා ගමන් ගන්නවා.

Rheumatoid arthritis වලට බෙහෙත් තියෙනවා. නමුත් ඒ බෙහෙත් බීමම ප්‍රමාණවත් වෙන්නෙ නෑ. දිනපතා සිදු කරන ව්‍යායාම සහ engery conservative methods වලින් අපිට අපේ සන්ධි රැකගන්න වෙනවා. RA වලට බෙහෙත් තිබුණත් ඒවයෙ side effects තියෙනවා. උදාහරණයක් විදියට osteoporosis ගන්න පුලුවන්.

කොහොම නමුත් කලින් හඳුනාගෙන ප්‍රතිකාර වලට යොමු වීමෙන් සාමාන්‍ය ජීවිතය හැකිතාක් සාමාන්‍ය විදියට ජීවිත් වීමෙ වාසනාව අයිති කරගන්න පුලුවන්!