පූසෙක් ඇවිත්!

ලොකු කාලෙක ඉදල මම තැඹිලි පාල ලොකු මහත නැට්ටක් තියෙන පූසෙක්ට කැමැත්තෙන් හිටියත් එහෙම කෙනෙක් හොයා ගන්න බැරි වුණා. අපේ අම්ම පූසොන්ට ආදරෙයි. හැබැයි ගෙදර තියාගන්න නෙමෙයි. ඒත් එක දවසක් අපේ චුටිට සතුටු කෝච්චියක් අරගෙන හැමෝම පුදුම කරවමින් අළු පාටයි සුදු පාටයි මික්ස් පූසෙක් කොහෙන්ද ඇවිත් තිබුණා.

සාමාන්‍යයෙන් පූසෙක් ලග තියෙන ගති පැවතුම් වලට වඩා වෙනස්ම ගති පැවතුම් තමයි එයාට තිබුණෙ. එයා ආව පළවෙනි දවසෙම මුළු ගේ පුරාම ඇවිද ඇවිද මොනවද හොයන්න පටන් ගත්තලු. ගෙදර අයව චුට්ටක් වත් ගනන් ගත්තෙත් නෑලු.

ඉතින් එයා තාමත් එනවා. හැබැයි තාමත් එහෙමයි. එයා හැසිරෙන්නෙඒක එයාගෙ ගෙදර වගේ. අනෙක එයා ගෙදරට ඇතුල් වෙන්නෙ හොරු පනින වෙලාවට. හොරෙක් වගේ ඇවිත් හොරෙක් වගේ යනවා.

කිසිම භයක් සැකක් නැතුව මෙහෙම අනුන්ගෙ ගෙදරක ඇවිදින පූසෙක් දැක්කමයි. අපි එයාට බිස්කට් දුන්නට එයා කන්නෙ නෑ.පූසො එපා එපා කිය කිය හිටිය අම්මා දැන් එයාට ආදරෙයි. අම්මා එයාට මාළු දුන්නම නම් එයා කනවා. ඉතින් මෙහෙම හැමදාම රෑට අවිත් ටිකක් වෙලා ඉදල යන්න යනවා.

සමහර දවසට නිදාගන්න හොඳයි කියලා හිතුණොත් නිදාගෙනම යනවා. බල්ලා ගෙට එන හින්දා එයා උදේ වෙනකම් හිටියොත් අම්මා දොර අරින්නෙත් නෑ. ඉතින් මේ ඊයෙ රෑ එයා කුස්සියෙ බඩු ටිකක් පෙරලුව සද්දෙට මං ඇහැරුණේ උඩ ගිහින්. කුස්සියට ගිහින් බැලුවම ඒ මම නෙමෙයි වගේ ගානක් වත් නැතිව එයා ඉන්නවා.

සමහර දවසට උදේ නැගිටලා බලනකොට එයා පුටුවක් උඩට වෙලා හොඳට නිදියන් ඉන්නවා. හැබැයි එයා පොඩ්ඩක් වත් කැමති නෑ එයාව අල්ලනවට හුරතල් කරනවට. වඩාගන්නවට. කොහොමත් මං හුරතල් කරන එක නැවැත්තුවා රටේ ජලභීතිකාවට බෙහෙත් නැති හින්දා.

එයා හරිම හරිම ආඩම්බරයි. ඒත් ආඩම්බරකාර පූසෝ, අපි ඔයාට හරිම ආදරෙයි!❤