සිව දීපන්!
සිවදීපන් උඹෙ සීතල අත දීපන්
කරෙයි නගරයේ තල් පත් දෙවැට මතින්
මං එන විට මට අමුතු අසිංහල
මධු ගී සරයෙන් - අමු හසරැල්ලෙන්
ආයෙත් වෙඩි තියපන්!
පුස්තකාලයෙන් කීරමලෙයි පොකුණෙන්
තවමත් ඇහෙනා මිමිණුම් රාවෙන්
මා ගලවාගෙන චැලියෙන් එක්ක ගිහින්
තල් රා පෙම් ශ්‍රාවය මට බොන්න දියන්
බුදුවරු සහ දෙවියන් වැඩ වසනා
අල්තාරය යට පිච්ච පලස එලපන්
භූමිය බස නොතකන මනු සුවඳින්
මගේ ආත්මය වසඟෙට අරගෙන
කටරොළු පැහැ ඇති හිම කිරමක
ඔය සිනහව දිය කරපන්!
යාපනයේ කඩ මණ්ඩිය අයිනෙන්
ආදරයේ මිදි පැසක් අරන් දී
කසුරීනාවේ නිල් රැල්ලක් මෙන්
ආපහු සැරයක් වැළඳ ගනින්!
-ලක්ශාන්ත අතුකෝරල-
යුද්ධයේදී පළමුව මිය යන්නෙ ආදරය කියලා රත්න ශ්‍රී විජේසිංහ මහත්මයා කියලා තියෙනවා. ආදරය මිය යනවා කියන එකේ තේරුම තමයි අපි මිනිස්සු විදියට ෆේල් වෙනවා කියන එක. යුද්ධයක් කවදාවත් දිනන්නෙ නෑ. යුද්ධයක් අවසාන වෙනකොට අපි ඔක්කෝම පැරදිලා ඉවරයි. රණවිරු ස්මාරක ළඟ පුතාගෙ නම හොයමින් අඬන අහිංසක අම්මලා තාත්තලා, ජීවිත කාලයක තනිකමක් හිස්කමක් අයිති කර දීලා යන්න ගියපු තාත්තලා, ස්වාමිපුරුෂයො කිසිම දවසක කියන එකක් නෑ අපි මොනවහරි දිනලා කියලා.
ලක්ශාන්ත අතුකෝරල කියන කවියා ලිව්ව මේ කවිය මගෙ හිත තදින්ම පාරන කවි අතර වගෙම, යුද්ධය විසින් අහිමි කරපු ආදරයන් සදහටම ඉතුරු කරලා යන වේදනාවේ කතාව කියනවා. ඒක කියන්නෙ මේ කවියෙ එකම එක තැනකින් විතරයි. භූමිය,බස නොතකන මනු සුවඳින් කියලා එකම තැනකදි කියනවා. දේශපාලකයො එකතු වෙලා භූමිය බස තකලා යුද්ධ කරවනකොට දකුණෙ උන්න යාලුවට උතුරෙ හිටිය සුන්දර යාලුවව අහිමි වෙලා.
අන්තිමේ සුන්දර කවියක් වගේම උන්න, පොත් කියෙව්ව, චැලියෙන් එක්ක ගිහින් ආදරේ මුසු වෙච්ච රා බොන්න දීපු සිවදීපන්, යන්න ගිහින්..!
යාපනයේ කඩ මණ්ඩිය අයිනෙන්
ආදරයේ මිදි පැසක් අරන් දී
කසූරිනාවේ නිල් රැල්ලක් මෙන්
ආපහු සැරයක් වැළඳගනින්..!
ඒ පරාජය ගැන කියවගන්න මේ වචන ටික මදිද?
අපේ භාෂාවෙන් ලියවෙන ලිපි කියවනකොට දැනෙන ඒ අභිමානය, ආදරය, උත්තේජනය ඉංග්‍රීසි භාශාවෙන් ලියල තියන ලිපි කියවනකොට නොදැනෙන්නේ මට විතරද?
මටත් එහෙමයි. අපි ඉපදුණ දවසෙ ඉඳන් කතා කරන භාශාවනෙ. සිංහල කියන්නෙ පුදුම ලස්සන භාශවක් මට නම්.💛
🧡
Yuddayakadi kawuruth dinanne naha kiyala me wachana tiken lassanata kiyala thiyanawa. Me de terum ganna bari unama tamai yuddaya glorify karanne
Even the students of colombo university glorified this..Eda mn hituwa api ynne kohetda kiyala. Meka kwdwth hadena ratak nemeii.
උතුරේ තල් කොලයත්, දකුණේ පොල් කොලයත් එකට එක් කර වියපු කලාලයක් සේ මේ රට එකතු කරන්න ඕන කියලා පොඩි කාලේ රචනා ලිව්වා. අන්තිමට මේ රට එකතු උනා යුද්දෙකින්. දාහක් හදවත් රිද්දලා.
ඇත්ත!💔