වැවතැන්න -2
ජීවිතේ කිසිම දවසක කෑම්පින් නයිට් එකකට ගිහින් තිබුණෙ නැති නිසයි, කන්දක් උඩ කූඩාරමක රැයක් දිග කාලයක හීනයක් වෙලා තිබුණ නිසයි මං හිටියෙ සෑහෙන්න එක්සයිට් වෙලා. අක්කා තමයි කට්ටියට කෑම හැදුවෙ. ලොකුවට දේවල් හැදුවෙ නෑ. අක්ක කිව්වෙ මගෙ යාලුවෙක්ගෙ අක්කා. එයා මට මුණගැහුණ ආදරණීයම මිනිස්සුන්ගෙන් එක්කෙනෙක්.
පිරිමි ළමයි ටික එකතු වෙලා BBQ එකක් දැම්මා. ඔය ඔක්කෝම දේවල් මට හරිම අලුත්. අපිට JBL එකක් තිබුණ නිසා දිගටම සිංදු ප්ලේ වෙන්න දාලා තිබුණෙ. අපි විතරක් නෙමෙයි වැවතැන්නෙ හිටියෙ. තව ගොඩාක් අය හිටිය. සමහරු ළඟට ඇවිත් කතා කරලත් ගියා.
ඉතින් කොහොමහරි රෑට කෑමත් කාලා අපි තව ගොඩාක් වෙලා හිටියා. ඒ අතරෙ ගිනිමැලයකුත් ගැහුවා. විටින් විට වැටෙන වැස්සෙන් ඒකට බාධා වෙනකොට අපි ඒක වෑන් එකේ පිටිපස්සෙ දොර ඇරලා ඊට යටින් තියෙන්න ඉඩ හැරියා. සීතලයි, කූඩැල්ලොයි තමයි ලොකුම ප්රශ්නෙ වෙලා තිබුණෙ මට නම්. මං කූඩැල්ලෙක් ව පණ පිටින් දැක්කෙත් එදා.
ඉතින් මං හිතන්නෙ අපි ගොඩාක් රෑ වෙනකම් හිටියා. අන්තිමේදි අක්කටයි මටයි නිදිමත වෙලා කූඩාරමට ගියාට හරිම සීතලයි. ඇතුළෙ ඉන්න අමාරුයි. කූඩාරමට ඔහේ ඉන්න කියලා අන්තිමේ අපි ඔක්කෝම වෑන් එක ඇතුළට රිංග ගත්තා දෙන්නෙක් හැර. ඒ දෙන්නා මැරුණත් නින්ද ලොකුයි ජාතියෙ දෙන්නෙක්.
එහෙම බලනකොට කාටවත් නිදිමත නැති නිසා අපි කාඩ් ප්ලේ කරා තේ බොන ගමන්. ඊට පස්සෙ පැය දෙක තුනක් නිදා ගන්නත් ඇති. ටිකක් අමාරුයි. ගෙදර ඇඳ වගේ නෑනෙ. උදේ නැගිටිලා බලනකොටත් චුරු චුරුව. හැබයි ටික වෙලාවක් යනකොට ඉර පායලා තැන්න ලස්සනට පේන්න ගත්තා. ඒත් ගොඩ වෙලාවක් යනකම්ම මීදුමෙන් වැහිලයි තිබුණෙ.
එන්නත් ඕනෙනෙ. උදේට කෑම කාලෙ එන්න ලෑස්ති වෙලා අපි ඒ තැන්න පුරා ඇවිද ඇවිද ෆොටොස් ගත්තා. අන්තිමේ එන්න ආවා.
මට ඒක කවදාවත් අමතක වෙන්නෙ නැති ලස්සන ගමනක්..!
wawathanna camping yanna matath asa hitunath thama yanna bari una.
gihin blannako dawasaka😁
Seethala tikak adu kaleka matat yanna asai...
Oww seethala adu kaleka yana eka thmi honda