කොළඹ ගමන
මම මේ කියන්න හදන්නෙ මගේ ලෝකෙ සිද්ධ වුණ සමහර දේවල් ගැන. කැම්පස් එකට එන්න කලින් මගේ ජීවිතේටම මං කොළඹ ඇවිත් තිබුණෙ අවස්ථාවන් කීපයකදි විතරයි. මුලින්ම ආවෙ සිරසෙ රචනා තරඟෙකින් දිනලා ඒකෙ සහතිකයයි තෑග්ගයි ගන්න. ඉතින් මට ඕකෙන් රුපියල් පන්දාහකුත් හම්බවුණා. ඒ කාලෙ ඒක මට මහමෙරක් වගේ ලොකු තෑග්ගක්. බස් එකේම ගිහින් බස් එකේම තමයි ආවෙ. මුහුදට යන්න, කොළඹ බලන්න ඇවිදින්න කොච්චර ආස වුණත් ඒක ගිලගන්න වුණා ඒ හින්දා.
ඊට පස්සෙ මං ආවා යුනිවර්සිටි වල සමහර courses වලට ගන්න යෝග්යතා පරීක්ශණ වලට ලියන්න. ඒ ආවෙත් බස් එකේ. ඉතින් හොඳටෝම තෙහෙට්ටුයි ඒ ගමන. Private bus stand එක ළඟ අර පොඩි ඇළක් වගේ එකක් එක්ක තියෙන කැෆේ එකක වාඩි වෙලා තේ බොන්න ඕනෙ කියලා මම හිතුවා දවසක ඇවිත්. තව එතකොට ගෝල්ෆේස් එක දිහා බලන් හිටියා කන්න වගේ. ඒත් උස ගොඩනැගිලි, වාහන සද්ද, මිනිස්සුන්ගෙ නපුරුකම්, තදබදය, කොටුවෙ කඩ පේළි ඔය ඔක්කොම මට ගෙනාවෙ ඔලුවෙ කැක්කුමක්.
ඊට පස්සෙ මම ආවෙ නංගිගෙ Japenese එක්සෑම් එකකට. එදා ආවෙ මායි එයයි BMICH එකට. ඉතින් නංගි විභාගෙ ලියනකම් කොළඹ කැම්පස් එකේ ඉගෙන ගත්ත ලොකු අක්කත් එක්ක මම හැමතැනම ඇවිද්දා. කැම්පස් එකේ, ග්රහලෝකාගාරෙ, තව ගෝල්ෆෙස් එක පැත්තටත් ගියා. ග්රහලෝකාගාරෙට වෙලා නම් කළේ නිදාගත්ත එක. මට සනීපෙට නින්ද ගියා.
ලස්සනම කතාව නිදහස් චතුරශ්රය හරියෙ ඇවිද්ද එක. මට ඉතින් ඒක මාරම මැජිකල්. මං ගොඩයෙක් වගේ පේනවත් ඇති මං මේක කියවනකොට. සමහර වෙලාවට කොළඹ සන්නිය මැවෙනවත් ඇති. මොකද මටත් මැවෙනවා. ඒත් මම ඒකට ආසයි.
ඊට පස්සෙ ආයෙ වතාවක් ආවා සබරගමුවෙ ඉගෙන ගත්ත ටික කාලෙ පිකට් එකකට. එදා ආවෙ පාර්ලිමේන්තුව ඉස්සරහට. කෑම කෑවෙ දියත උයනෙන්. ඉතින් ඔය විදියට කොළඹ මගේ හිතේ පැළපදියන් වුණා.
අන්තිමට මම ලොකු අක්කත් එක්ක ආසාවෙන් ඇවිද්ද කොළඹ කැම්පස් එකේම ශිෂ්යාවක් වෙලා මම කොළඹ ආවා. ඇත්තටම මට ආඩම්බරයක් තියෙනවා ඒක එහෙම වුණ එක ගැන.ඒ කාලෙ මැජිකල් විදියට දැක්ක තැන් සමහර වෙලාවට අදටත් මට මැජික් වගේ පේනවා. ඒත් දැන් මං බලන්නෙ නිදහසේ!
හැබැයි මම මේකත් ලියලා තියන් ඕනෙ. කොළඹ කියන්නෙ ටික කාලයක් නැවතිලා ඉන්න හොඳ තැනක් වෙන්න පුලුවන්.ඒත් දිගටම නැවතිලා ඉන්න හොඳ තැනක් නෙමෙයි. මට දැන් ඕනෙ ඉක්මනටම ජොබ් එක අරගෙන කොහේ හරි හොස්පිට්ල් එකකට වෙලා මිනිස්සුන්ට ආදරේ කරගෙන ඉන්න.!
ඒක මාර්ක් සකර්බර්ග් ගෙ සාර්තකත්වය ගැන එයා සතුටු වෙනවා වගේ acheivement එකක් තමයි මට නම්! මොකද මට දැන් හොඳටම මහන්සියි!
මම දැනටත් කොළඹ ගිහින් තියෙන්නේ කීප සැරයයි. ඒ ගියපු හැම සැරේම මමත් හිතුවේ එහෙ නැවතිලා ඉන්න බෑ කියලා. ඇවිදලා එන්න හොඳයි. 😬
ඔව්😁
Me dawaswalanam colombo inna eka tawath epa wenawa wenada wage bus, kema nathi nisa.
ඔව් අනේ😐 හෙට ඉඳන් ආයෙ කොළඹම තමයි ඉතින්!