12th Fail!

මේ අවුරුද්ද පටන් ගන්නකොටම බැලුව මගෙ හිත අස්සටම ගිය මේ ලස්සනම ලස්සන movie එක ගැන ඔයාල එක්ක බෙදාගන්න හිතුණා. කොච්චර කැමති වුණාද කිව්වොත් මම මේ movie එක ගැන තියෙන හැම පෝස්ට් එකක්ම, මේකෙ dialogues වලින් හැදුණ හැම photo එකක්ම මගේ ගැලරියට සේව් කරා.

මනෝජ් කුමාර් ශර්මා IPS officer කෙනෙක් වෙන්න යන අතිශය දුශ්කර ඒත් සුන්දර ගමනාන්තයක් ළඟා කරගන්න යන true story එකක් based කරගත්ත movie එකක් තමයි 12th fail කියලා කියන්නෙ. ඕනෙම කාලයක, ඕනෙම රටක ඕනෙම කෙනෙකුට ඇහිඳගන්න, ජීවිත කාලෙම මතක තියාගන්න තරම් වටින දේවල් මේ මූවි එකේ තියෙනවා. ඒ වගේම මේ movie එක 2023 හොඳම මූවි 250 අතරෙ 129 වෙනියට තමයි Rank වෙලා තියෙන්නෙ! ❤️

චීට් කරන්න එපා! චීට් නොකර ළඟා කරගන්න තුන් වෙනි පන්තියේ සාමාර්ථයක් හැම වෙලාවෙම චීට් කරලා ගන්න පළවෙනි සාමාර්ථයට වඩා වටිනවා. ඒක මේ ලෝකෙ කිසිම මනුස්සයෙක්ට වටින්නෙ නැති වෙන්න පුලුවන්. දැනගන්නෙත් නැතිවෙන්න පුලුවන්. ඒත් දැනගන්නම ඕනෙ කෙනා ඒක දැනගෙන ඉන්නවා. ඒ ඔයාගෙ හිත! ඒත් සමහරවිට කවදම හරි දවසක ඔයා අවංක මනුස්සයෙක් වෙලා ඉන්න එක ඔයාගෙ උදව්වට එන්න පුලුවන්. ඔයා නොහිතන තැන් වලට ඔයාව අරගෙන යන්න පුලුවන්! හරියට මනෝජ් කුමාර් ශර්මාගෙ තාත්තව වගේ. මනෝජ් කුමාර් ව වගේ!

මනෝජ්, ඔයා IPS officer කෙනෙක් වුණත් පිටි මෝලක වැඩ කළත් මං ඔයා එක්ක හැමදාම ඉන්නවා. Will you marry me? නෑම කියල කිව්වත් ශ්‍රද්ධා වගේ ආදරේ කරන්න පුලුවන් මිනිස්සුත් මේ ලෝකෙ ඉන්නවා! කොහේ හරි අස්සක ඉන්න පුලුවන්.

හැමෝම හොංදයි තමයි. උදව් කළා තමයි. ඒත් ගෞරි සතුව තියෙන මනුස්සකම සාමාන්‍ය පරාසයෙන් එහාට ගිය එකක්. තමන්ට යන්න බැරි වුණ තැනකට තව කෙනෙක්ව තල්ලු කරන්න ඕනෙම කැපකිරීමක් කරන්න හැම මනුස්සයෙක්ටම බෑ! එහෙම අයත් මේ ලෝකෙ ඉන්නවා. හැබැයි අතළොස්සක්.

මනෝජ්, එච්චර කට්ටක් කන්න පුලුවන්ද මනුස්සයෙක්ට? එච්චර කට්ටක් කාලත් ඔහොම හිනාවෙන්න? අත්නොහැර ඉන්න? මං දන්නෙ නෑ. ඒත් මට මතක තියෙවි!

I found so many great actors here! But Vikarant Messey who did Manoj's charcter hit me so hard!