ඉසුරුමුණි පෙම්වතාගේ සෝකාලාපය

in Steem Sri Lankalast month (edited)

අනුභූතිය :- ඉසුරුමුණි පෙම්‍ යුවල කැටයමින් නිරූපණය වන්නේ කවුරුන් ද යන්න තවමත් නොවිසඳුණු ගැටලුවකි. මේ සම්බන්ධයෙන් දේශීය හා විදේශීය උගතුන් අර්ථ නිරූපණ දක්වා ඇත. හින්දු සමය හා සම්බන්ධ ශිව දෙවියන් හා ඔහු‍ගේ භාර්යාව වූ පාර්වතී දේවිය නිරූපණය කරන බව ඇතමුන්ගේ මතය යි. මහායාන සම්ප්‍රදායෙහි හමුවන බෝධිසත්‍වවරුන් අතරින් ලාබාලම බෝධිසත්‍වවරයා ලෙස සැලකෙන මඤ්ජු ශ්‍රී බෝධිසත්‍වවරයාත් ඔහුගේ තාරා නම් බිසවත් දැක්වෙන බව තවත් අදහසකි. යුධභටයෙකු හා ඔහුගේ තරුණ භාර්යාව ඉන් පිළිඹිබු වෙතැයි තවත් මතයකි. පුරාවිද්‍යා කොමසාරිස්වරයෙකු ව සිටි මහාචාර්ය පරණවිතානයන්ගේ මතය වන්නේ දුටුගැමුණු රජුගේ පුත් සාලිය කුමරුත් ඔහුගේ පෙම්වතිය වූ අශෝකමාලාත් ඉන් නිරූපණය වනබවයි. මීට අමතරව කුවේර නම් දෙවියනුත් ඔහුගේ භාර්යාව වූ වසුන්දරාත් ඉන් නිරූපණය වන බවට මතයකි.
src

IMG_6492DS.JPG
src

ගම්බද පැලක අඹුදරු හා                            වසන්නෙමි
මගේ කියා බිම් අගලක් නොමැත                           හිමි
ඉස මත පවුල් බර නොඅඩුව                        දරන්නෙමි
එබැවින් කලව මත මැගෙ බර                     දරන්නෙමි

උකුලේ හිදින ලිය දෙස නෙත්                     යොමන්නෙමි
සුරතින් ඇගෙ නෙතගෙ ග්ලිසරින්             පිසින්නෙමි
දෙනෙතින් ශෘංගාර අංකිත                           මවන්නෙමි
මා මෙන් ඇයද අසරණ බව                            සිතන්නෙමි

අඹන්නා කියන බස්                                         පිලිපදින්නී
සුරත ත්‍රිපාතක මුද්‍රා                                               දරන්නී
නිමීලන නෙතින් මා දෙස                                    බලන්නී
විධානය දෙන තුරා කල්                                        මරන්නී

අඹුගේ දුක් සුසුම් සවනත වැකෙන                           කල
නේරංජනා ඉවුරේ කන්ථකය                                       මම
නුඹගේ පමණි බින්දේ මා                                   මෙවුල්දම
කෙසේ නම් ඉතින් පහදා දෙම්ද                                   මම

කවියන් අප බලා රස කවි ඇතත්                              ගොතා
මගේ සෝකලාපය නම් නොමැත                                  අසා
අහෝ! දෙවියනේ මට වුණු                                       වියෝයා
අනේ! සබඳ මෑ නොව මගෙ                                පියම්බිකා

ප.ලි :- ඉසුරුමුණි පෙම්‍ යුවල කැටයමින් නිරූපණය වන්නේ සාලිය අශෝකමාලා ද නැතිනම් ශිව පාර්වතී ද කොටින්ම ඒ පෙම්යුවලක්ද නැතිනම් කොහෙත්ම සම්බන්ධයක් නැති නළු දෙපලක්ද යන්න දන්නේ ඒ කැටයම නිර්මාණය කල නිර්මාණකරුවා පමණි.(රාමුවෙන් පිට)

Sort:  

❤❤

😍❤️