වර්තමාන ශ්‍රී ලංකාව
සුබ දවසක් ස්ටීම්ට් යාළුවනේ
ඉන්දියන් සාගරයේ මුතු ඇටය යන විරුදාවලිය ලත් අපගේ මාතෘ භූමිය ඉතාම සශ්‍රික දේශයක් ලෙස විරුදාවලිය ලබා ඇත. අපගේ ඉතිහාසය ගත් කල පෞඩ ඉතිහාසයකට උරුමකම් කියනු ලැබේ . අතීතේ කෘෂිකර්මාන්තය, සහ වානිජ අංශය ඉහලින්ම තිබූ අතීතයකට හිමිකම් පා ඇත. අතීත රජ දරුවන් පටන් වැව් අමුණු ඉදිකොට සහ වෙහෙර විහාර හා සංස්කෘතිය සංවර්ධනය කිරීමට වෙහෙස වූ බව වැව් අමුණු හා ගොඩනැගිලි එමෙන්ම නටඹුන් තුලින් මනාව දිස්වේ .
.jpeg)
අතීතය ගැන බලන විට රටට තම ජාතියට අවංක පාලනයක් සහ පරිපාලකයන් සිටි බව පෙනේ එහෙත් වර්තමානය තුල පරිපාලකයන්ගේ ක්‍රියා පටිපාටිය ජනතාවගේ අප්‍රසාදයට පත්ව ඇත .මේ වන විට පාලකයින් තමන්ගේ සුබ සිද්ධිය උදෙසා ක්‍රියා කරන වකවානුවක් වී ඇත ජනතාවට අත්ව ඇත්තේ සැම දෙයින්ම පීඩා විදිමයි . මේ වන විට දුෂණය රජ කරන සමයක් බවට පත්ව ඇත . බෙහෙත් පෙත්තේ සිටම වංචාව ගිලගෙන හමාරය.
දිනෙන් දින අතයවශ්‍ය හා සියලු ආහාර පාන හා සියලුම භාණ්ඩ වල මිල නියමක් සීමාවක් නොමැතිව ඉහල යමින් පවතී අද මිල හෙට බලන විට දෙගුණ තෙගුණ වෙයි. ජීවන වියදම ඉහළ ගොස් ඇති බැවින් ජනයා පීඩිත තත්වයට පත්වී හමාරය . එදාවේල සොයාගැනීමට නො හැකි වූ පවුල් කොපමණ නම් පීඩා විඳිනවා ඇත්ද . ඉදිරියට අපහට දැකිය හැක්කේ සුරපුරයක් නොව අප්‍රිකාවකි.
.jpeg)
මෙම අසරණ වීම් නිසා නිසැකවම සොරු, මංකොල්ලකරුවන් බිහිවනු නොඅනුමානය . එසේම මැති ඇමතිවරු පමණක් සුවපහසු ජීවිත ගතකර ජනයාගේ සුභසිද්ධිය තකා වැඩ නොකරන කාල වකවානුවක් වී හමාරය , සැම තැනම ඇත්තේ දුෂණයයි . දූෂණය රජ වන වකවානුවක් වී ඇත .
මේ වනවිට පරිපාලනය බිද වැටෙමින් පවතිවන බව පැහැදිලිව පෙනී යයි. අනෙක් ස්වාභාවික උපද්‍රවය නම් කොරෝනා වසංගතයයි එයද ජන ජීවිතය අඩාල වී ඇත. ලෝක වාසීන් සියලු දෙනාම එම වසංගතයෙන් පීඩා විඳී .
.jpeg)
අපගේ මාතෘභුමිය කවදා නම් සශ්‍රික වනු ඇත්ද එය අපට හීනයක් නොවී සැබෑම වේනම් අපගේ වාසනාව නොවේද .
එමෙන්ම කොරෝනා වසංගතය අවසන්වී සියලු පුරවැසියන්ට යහපත් කාලයක් උදාවී සහ උගත් බුද්ධිමත් පාලක පිරිසක් සමග රටේ ආර්ථිකය නගා සිටුවා දල දේශීය ආදායම ඉහල නැංවීමට හැකි වේනම් එයයි සංවර්ධනය.
ස්තුතියි.