කාලෙකට පස්සේ…. | 5% SL-Charity

in Steem Sri Lanka2 years ago
නොදැනීම 2022 අවුරුද්දෙ පළවෙනි මාසෙත් ඉවර වෙන්න ඇවිත්. කාලය ගෙවෙන ඉක්මන. තව දවස් කීපයකින් මේ මාසෙත් ඉවරයි. උදේ ඇහැරෙනව, වැඩ කරනවා, නිදාගන්නවා විතරයි මට නම් මතක.

දැන් මගේ සති අන්තයත් වෙනස් වෙලා. සිකුරාදා, සෙනසුරාදා තමයි දැන් මගේ සති අන්තය වෙලා තියෙන්නේ. ඒක එහෙම උනේ මෙන්න මෙහෙමයි. අපේ team එකේ හැමෝම වැඩ කරන්නේ එක එක time zone වලට. ඉතින් මම වැඩ කරන්න නියම උනේ middle east shift එකට. ඉතින් එයාලගේ විදිහට එයාලගේ සති අන්තය එන්නේ සිකුරාදා සහ සෙනසුරාදා ටයි. ඉතින් දැන් මගේ සති අන්තයත් මේ අවුරුද්දේ ඉදන් වෙනස් වෙන්න ගත්තා.

ගත වුනු දවස් කීපයනම් හරිම කාර්යබහුලයි. මිදුල වටේ ඇවිදින්නවත් වෙලාවක් ලැබුනේ නැති තරම්. එකතු වුන වැඩ රාජකාරි කිහිපයකම ගොඩ ගැහිලා තිබුනු නිසා, අද හිතාමතාම office lap එක පැත්තකට කරලා එකතුවුනු ඒවැඩ ටික ගැන බලන්න හිතුනා.

පළවෙනි වැඩේ තිබුනේ bank එකත් එක්ක. මුලින්ම ගිහින් ඒ වැඩේ ඉවර කරන් අම්මයි, තත්තයි එක්කන් මීළඟට ගියේ නරම්මලට. ඇත්තටම අපි අද ගියේ furniture බලන්න. මුලින්ම අපි ගියේ damro එකට. ලස්සන ලස්සන නිමාවෙන් තියෙන නොයෙක් බඩු පිරිලා තිබුනා. හැබැයි furniture වල කලපැවැත්ම ගැන පොඩ්ඩක් දෙගිඩියාවක් හිතට ආව නිසා අපි වෙන කඩේකට යන්න තිරනය කලා.

ඇත්තටම මේ කඩේ ගාවින් තමයි මගේ පාසලට යන පාර තිබුනෙත්. අවුරුදු ගානක් එහා මෙහා ගිය ඒ පාරේ මම වගේම සුදු ගවුම් ඇදන් පාසල් ඇරිලා දුවගෙන එනා ළමයි දැකලා මගේ පාසල කාලේ මට මතක් උනා. අපි හැමෝම bus එනකල් එතන තිබුනු park එක ළග ඉන්න පුරුදු වෙලා උන්නා. අද එතන අලුත්ම අලුත්ම මූනු ටිකක්.


WhatsApp Image 2022-01-28 at 8.41.38 PM.jpeg

ඉතින් අපි මීළඟට ආවේ තවත් ලී බඩු කඩේකට. මෙතන තිබුනු ඔක්කොම ලී වලින් නිමවුනු furniture. ඒනිසා කල් පැවැතම ගැනැත් විස්වාසයක් තිබෙන නිසා අපි මෙතනින් අපිට ඕනෙ වුනු දේවල් ටික ගන්න තීරනය කාලා.

WhatsApp Image 2022-01-28 at 8.41.38 PM (1).jpeg

ඒ වැඩ ටික ඒ විදහටඉවර කරන් අපි ඉකමන් කරලා ගෙදර .ආවා මොනවා වුනත් ගෙදරින් පොඩ්ඩක් එළියට ගිහින් ආවම දවස් ගානක් තිස්සේ තිබුනු පොඩි stress ගතියත් අඩු උනා වගේ හැගිමක් හිතටත් දැනුනා.

Sort:  

සොෆා එහෙම ගන්නවනම් තෙක්ක වලින් වගේ හදපු සොෆා එකක් ගන්න...

Weekend ekedi lap eka paththakin tiwwama mara nidahasak enne.

ඒක ඇත්ත කාලෙ යනව දැනෙන්නේ නැහැ.

වැඩත් එක්ක හිරවුනාම දවස් යනව තේරෙන්නෑ තමයි 😐😐

Payakata dekakata hri lap eka pettakata karala tibbama puduma satutak danenne dn...

Coin Marketplace

STEEM 0.36
TRX 0.12
JST 0.039
BTC 69965.85
ETH 3540.49
USDT 1.00
SBD 4.71