ගමේ ගෙදර | 5% for SL-Charity

අපි හැමෝම කොහෙ කොහේ trip ගියත් අන්තිමට එන්න ආස කරන තැන තමයි ගෙදර කියන්නේ. ගොඩක් වෙලාවට හැමෝටම තියෙන්නේ එක ගෙදරයි. හැබැයි මගේ කතාව ටිකක් වෙනස්. මට හැමදාම ගෙවල් දෙකක් තිබුනා. ඒකට හේතුව තමයි මගේ තාත්තාගේ රැකියාව. මගේ තාත්තා වතු අධිකාරි කෙනෙක්. සරලව කීවොත් පොල් වතු වල වැඩ රාජකාරි ගැන හොයලා බලලා, අදාල මග පෙන්වීම් කරලා වතු අයිතිකාර අයට සහය වෙන කෙනෙක්. ඉතින් මෙන්න මේ නිසාම අපිට ගොඩක් වෙලාවට එක එක වතුවල ජීවත්වෙන්න සිද්ද වුනා. ඉතින් ඒ හින්දාම අපිට හැමදාම ගෙවල් දෙකක් තිබුනා.

හැබැයි මම අද මේ කියන්න ලැහැස්ති උනේ අපේ වත්තේ ගෙදරගැන නම් නෙමෙයි. අද මම කියන්න හැදුවේ අපේ ගමේ ගෙදර ගැන. කොටින්ම කීවොත් අපිට අයිති අපේම ගෙන් ගැන. අපේ ගමේ ගෙදර තියෙන්නෙත් කුරුණෑගල දිස්ත්‍රික්කයේමයි. ගමේ නම තමති නුංගමුව. හරිම නිසකලන්ක ප්‍රදේශයක්. වැඩි ප්‍රදේශයකම තියෙන්නේ කුඹුරු. ගොවිතැන් කරන අය වගේම විවිධ රැකියාවල නිරතවන අයත් ඉන්නවා.

මේ තමයි අපේ ගෙදර. මට මතක විදිහට අපි මෙහේ එක දිගට ජීවත්වෙලා තියෙන්නෙ අවුරුදු 4 ක් 5ක් විතරවගේ කාලයක්. ජීවතේ වැඩි කාලයක්ම ජීවත් වෙලා තියෙන්නේ විවිධ ප්‍රදේශවල. ඉතින් ඉදලා හිටලා ගෙදර ගියාම් මාරම සතුටුයි. මොනවා උනත් තමන්ගේම තැනනේ. මේහේ අපි ගොඩක් මල් වර්ග එහෙම හදලා තියෙනවා. අන්නාසි, අඹ, දෙලුම් වගේ පලතුරුත් තියෙනවා. මට ගෙදර වත්තේ ඉබේ පැලවිලා හැදිලා තියෙන කපු පුලුන් පැලේකුත් දැක්කා.

ගෙදර වටේටම ඉන්නේ අපේ නෑදෑයො. ඉතින් පාලුවකුත් නෑ. තමන්ගේ ගෙදර කියන හැගීම එනවා මෙහේ එන හැම වෙලාවකම. මොනවා වුනත් මේ විදිහේ ගෙවල දෙකක ජීවත් වෙන එකෙත් පොඩි වෙනසක් තියෙනවා. කාලෙන් කාලෙට වෙනස් වෙනස් අත්දැකීම් එකතු වෙනවනේ.