ඩෙල්ටා ටොෆි හරි රසයි...!!!

"ඩෙල්ටා ටොෆි හරි රසයි
ඩෙල්ටා ටොෆි හරි ගුණයි
ලොකු පුංචි මේ සැවොම
ඉල්ලන්නේ ඩෙල්ටා තමයි"

කට්ටියම තාලේටම කියෙව්වා නේද චුටි හිනාවකුත් එකක්ම. ඔන්න ඉතින් චුටි කාලේ කාපු මතක හිටින කෑමක් ගැන තමයි ඉතින් මේ. ඔයාල හැමෝම දන්නා delta toffee ගැන.

මම කලින් කියල තිබ්බ ජුජුබ්බ්ස් ගැන. අන්න ඒ වගේ අපේ ගෙදරට අරගෙන එන දෙයක් මේ. රැ කෑම කන වෙලාවට තමයි ගෙදර ඔක්කොමලා එක වෙලාවේ හම්බ වෙන්නේ දවසම වැඩ කරලා ඉවර උනාම. මෙන්න මෙහෙම කාල ඉවර උනාම, පුන්චි අතුරුපසක් ගන්න එක පුරුද්ද්දක්. අන්න එහම ගන්න ගෙනාව දෙයක් තමයි delta toffee.

මේ තියන්නේ මේ ළගදි එහම ගෙනාපු toffee container එක. මේකේ toffee 45ක් තියේ. මිල රු .430යි. රස නම් තාම ඉස්සර වගේමයි. කිරි රසටත් එක්ක රසවිදින්න පුළුවන් toffee එකක්. හැබැයි මට ගොඩක් කන්න අමාරු යි. පැණි රස වැඩියි. මොනව උනත් ඉතින් කන්න ගත්තම නතර කරන්නත් අමාරුයි. එකත් එක විදිහක ඇබ්බැහි වීමක් වගේ. ඉතින් වැඩි දවසක් තියා ගන්නවා කියන එක කරන්න පුළුවන් වැඩක් නෙමෙයි..කරන්න බැරි වැඩක්.

කොහොම කොහොම හරි, මම ඉස්සර ඉදලම ආස මේකේ ඔතල තියෙන කොලේට. එකේ පාට පාට කොළ වලට මම හරිම ආසයි. කොළ, රෝස, තැබිලි, නිල් තව රතු පාට එක්ක සුදු පාට මැරුවෙන් මාරුවට තියෙන, මැදින් රත්තරන් පාටින් තියෙන ඒ කොලේ හරිම ලස්සනයි. ඒ වගේම ඒක හරිම සුවදයි. toffee සුවදත් එක්ක ඒ කොලේ සැහෙන දවසක් තියෙනවා.

මට තාම මතකයි මේ කොළ වලින් නැට්ටුවෝ හදන්නව ඉස්සර. ගොඩක් කාල ගොඩක් කොළ එකතු කරලා නැට්ටුවෝ ගොඩාක් හදන්නව අපි. toffee සුවද පිරුණු නැට්ටුවෝ ගොඩක්. පුංචි කාලේ ලස්සන මතකයක්.

අද මම මේවා කද්දී මට උඩ සින්දුව මතක් උනේ. එකේ අන්තිම පේලිය ඇත්ත නේද කියල ඒ කාලේ තේරුනේ නැති උනාට, අද නම් හිතුන එක ඇත්තක් කියලා. මෙන්න මේක අන්තිම පේලිය

"ලොකු පුංචි මේ සැවොම ඉල්ලන්නේ detla තමයි"...ඔයාල මොකද හිතන්නේ යාලුවනේ ?