ඔයාලට කොහොමද ඉතින් හැමෝම පරිස්සමින් ඇති කියල මම හිතනවා.මම අද කියන්න හිතුවෙ පසුගිය 30 වෙනිදා අපේ කැම්පස් එකේ අපේම faculty එකෙන් පවත්වපු 'ඉන්දීවරී' කියන ප්‍රසංගය ගැන කතා කරන්න
.
ඔයාල හැමෝම වගේ දන්නව කැම්පස් වල එක එක වර්ගයේ ප්‍රසංග පවත්වනව ඒ ඒ faculty වලින්.ඉතින් පේරාදෙණිය විශ්වවිද්‍යාලයෙත් ඒ ඒ faculty වලට අනුව එක එක ප්‍රසංග විවිධ නම් වලින් පවත්වනව.ගීතාංජලී,පහන් තරුව,සත්සර අනුරාව කියන්නෙ ඉන් කිහිපයක්.ඉතින් අපේ agri faculty එකෙන් පවත්වන ප්‍රසංගය තමයි ඉන්දීවරී කියන ප්‍රසංගය. ඇත්තටම ඒ ප්‍රසංගය ලොකු කාලයක් තිස්සෙ පවත්වගෙන ආපු දෙයක්.නමුත් කෝවිඩ් වසංගතය නිසා එකපාරටම නැවතිලා 2020න් පස්සෙ ආයෙමත් 2023දී අපේ faculty එකේ සහෝදර සහෝදරියන් එකතු වෙලා ආයෙමත් ඉතාමත් සාර්තකව පවත්වනු ලැබුවා.

ඇත්තටම මේ ප්‍රසංගය පවත්වන ප්‍රදාන අරමුනු තමයි needy scholarship එක සහ විවිධ උපකාර කටයුතු සදහා අරමුදල් එක්රැස් කරගැනීම. කාලෙකින් පවත්වන ප්‍රසංගයක් නිසා හැමෝම වගේ ඉතාමත් උද්‍යෝගිමත් විදිහට මේ සදහා මහන්සි උනා. 17 වසර කන්ඩායමේ අයියලා අක්කලාගේ මූලිකත්වයෙන් තමයි මේක පැවැත්වුනේ.ඉතින් අපේ ප්‍රසංගයට අපි තෝරගත්ත band එක තමයි හැමෝම ආදරය කරන daddy කියන band එක. ඊට අමතරව ආරාධිත ගායකයින් වශයෙන් සනුක වික්‍රමසිංහ,උමාරියා සිංහවංශ වගේම දිනේශ් ගමගේ කියන කලාකරුවන් එකතු උනා.

ප්‍රසංගයට සූදානම් වෙනකොට අපිටත් ඉතින් වැඩ කරන්න උනා.බොහොම ආසාවෙන් අපිත් සහබාගී උනේ අපේ පලවෙනි අත්දැකීම මේක නිසා. ඉතින් ටිකට් විකුනන එකේ ඉදලම අපිව සහබාගී කරගෙන වැඩේ සිද්ද උනා. ප්‍රසංගය දවස නම් හරිම කලබලකාරී.මොකද ලමයි 5000 කට වැඩියෙන් ඉන්නව වගේම ආරාදිත අමුත්තන් රැසක් ඉන්නකොට ගොඩක් සෙනගක් එතනට එකතු වෙනව.ඉතින් ඒ සියලු දෙනාවම නිවැරදිව ටිකට් පරීක්ශා කරල ප්‍රසංගය පැවැත්වුනු විශ්වවිද්‍යාලයේ gymnasium එකට හැමෝම ඇතුලත් කරා.හිතාගන්න බැරි තරම් සෙනගක් ඒ ප්‍රසංගය සදහා පැමිනිලා තිබුනා. ඒ නිසාම ආරම්බයේ සංවිදානය කරපු අපේම සහෝදරයින්ට ඇතුල් වෙන්නත් ඉඩ මදිඋනා.

කොහොම නමුත් ටික වෙලාවකින් අපිට stage එක ලගම ඉදන් බලන්න අවස්තාව හමුවුනා. ඇත්තටම කැම්පස් එකට ඇවිත් එහෙම ප්‍රසංගයක් මම රසවිදපු පලවෙනි අවස්තාව ඒක.හිතාගන්න බැරි තරම් සතුටක් මට ඇතිවුනා.මොකද අපි හීන දැකපු දේවල් ඇත්තටම විදින්න ලැබෙනකොට දැනෙන සතුට කියල නිමකරන්න බෑ. ප්‍රසංගයට ආපු ගායකයන් ඉතාම දක්ශ ආකාරයෙන් ඉදිරිපත් කිරීම් සිදුකරා.අන්තිමට නම් නටල නටලම හොදටම මහන්සියි. ඒ උනත් සතුට නිසාම ඒ කිසි දෙයක් දැනුනෙ නෑ. ප්‍රසංගය අතරතුර මම ලබාගත්ත චායාරූප කිහිපයක් මේ සමගම මම post කරන්නම්.

Source:https://m.facebook.com/story.php?story_fbid=pfbid0BDdNcMP7ednPHLU8d36E9pyMNnLvjm6L7nCjSXCgMqsrxaiaDuQPXhZmG9PuNb3gl&id=100044598122074&sfnsn=mo&mibextid=VhDh1V

ඔයාලත් මේ වගේ සහබාගී උන ප්‍රසංග ගැන දැනගන්න මමත් කැමතියි.
හැමෝම පරිස්සමින් ඉන්න
ස්තූතියි 🙏🏻🙏🏻