Hello Everyone !..

---

ඔයාලට කොහොමද? හැමෝම පරිස්සමින් ඇති කියල මම හිතනවා.ඉතින් නිවාඩු දවස් ටිකේ විවේකීව ඉන්න ගමන් කලින් දවස් වල උන දේවල් ටික කියන්න මම හිතුවා.

Animal science එකට අදාලව අපිට මේ sem එකේ field visit 10ක් යන්න තියෙනවා. කොහොම නමුත් පලවෙනිම visit එක ඉන්දියාවට පින්සිද්ද වෙන්න කල්ගියා. මාරම වාසනාවක් තමා අපිටත් තියෙන්නෙ. කොහොමහරි ඊලග සතියෙ සිකුරාදා ආයෙමත් field visit එකක් තිබුනා.හැබැයි එකම දවසෙ farm දෙකකට යන්න තිබුනා. එකක් තමයි මරදවිල NLDB farm එක. අනිත් එක තමයි තෙලහැර goat breeding farm එක.

කැම්පස් එකෙන් ටිකක් දුර ඒව තියන නිසා උදේම අපි පිටත් වෙන්න ඕනි.ඒ නිසා හැමෝම නැගිටලා උදේ 5 වෙද්දි කෑමත් කාලා තව දවල් කන්න කෑම පාර්සල් 250 ක් විතර හදාගෙන උදේ 5.30 වෙද්දි පිටත් උනා. හොදම වැඩේ තමා නියම බස් ටිකක් ඇවිල්ල තිබුනෙ. නියම විනෝද චාරිකාවක් යනව වගේම තමා ඒ බස් ටිකේ පෙනුම නම්. ඉතින් බස් 4ට කට්ටිය ගොඩවෙලා පිටත් උනා. පැය 3කට වඩා ගමනක් නිසා කට්ටියට විනෝද වෙන්න වෙලාව තියෙනවා.ඒ නිසා සිංදු කියන ගමන් නට නට තමා කට්ටිය ගියේ. දකින් මිනිස්සුන්ට නම් ටිකක් විකාර විදිහට පේන්න ඇති.මොකද උදේ පාන්දරම කවුද මේ නට නට බස් වල යන්නෙ කියල.ඇත්තටම එතනදි පිටඋනේ ලමයින්ගෙ ඇතුලෙ තිබුන pressure එක. වැඩත් වැඩිවෙලා කැම්පස් එක ඇතුලෙම ඉන්න එක හිතන තරම් හැමෝටම ලේසි නෑනෙ. කොහොම හරි උදේම අපිනම් ගියේ මරදවිල farm එකට.

එතනට ගිහින් අපිට ඕනි ගොඩක් දේවල් ඉගෙනගන්න පුලුවන් උනා අපිට. ඒ වගේම මීකිරි හදන විදිහත් හරියටම දැනගත්තා. ඒ සත්තු බලාගන්න විදිහ නම් හරිම අපූරුයි. ඊටපස්සෙ අපි හැමෝම දවල් ආහාරය ගත්තා.

ඔන්න එතකොට නම් ටිකක් කම්මැලියි කට්ටියට.හැබැයි ඉතින් මොනා කරන්නද.ඊටපස්සෙ අපි ගියා තෙලහැර farm එකට. එතන ඉන්නෙ එක goat breed එකක් තමයි.එයාල ඒ වර්ගය develop කරනවා. එතනත් අපිට තිබුන lecture ටික ඉවර වෙලා ආපහු එන්න ගත්ත. අම්මෝ ඉගෙනගන්න ටිකනම් ඉවරනෙ. ආයෙම බස් වල එද්දි චාරිකාවක් වගේ තමා. හැමෝම කලින්ටත් වඩා සිංදු කිය කිය තමා ආවෙ. ඉගෙන ගන්න ගමන් එහෙම විනෝද වෙන්න තිබුනනම් ගොඩක් හොදයි තමා. තවත් field visit 9ක්ම තියෙනවා නේ. ඒ ටිකත් මේ වගේම උනානම් ගොඩක් හොදයි.

ඊලග කතාවෙන් හමුවෙනකන් හැමෝම පරිස්සමින් ඉන්න.
ස්තූතියි 🙏🏻🙏🏻🙏🏻