ඔයාලට කොහොමද ? හැමෝම පරිස්සමින් ඇති කියල මම හිතනවා.ඉතින් අද මට හිතුනෙ ටිකක් අමුතු මාතෘකාවක් කතා කරන්න.ඒ තමයි සෙල්ලම් බඩු ගැන.

ඇත්තටම අපි පොඩි කාලෙදි ගොඩක්ම ආසයි සෙල්ලම් බඩු වලට.අම්මා තාත්තා එක්ක පොලට යද්දිත්,ටවුන් එකට ගියාම උනත් ඉල්ලන එකම දේ තමයි සෙල්ලම් බඩුවක්.හැබැයි ඒ හැම වෙලාවෙම ගෑනු ලමයෙක් ඉල්ලන්නෙත් අරං දෙන්නෙත් බෝනික්කෙක් වෙන්නයි පිරිමි ලමයෙක්ට වාහන,සොල්දාදුවො වගේ දේවල් අරං දෙන්නෙත් ඇයි කියන්න මට තේරෙන්නෙ නෑ. ඔයාල ඒකට හේතුව දන්නවා නම් මමත් කැමතියි ඒක දැනගන්න.

කොහොම හරි අපි සෙල්ලම් බඩු වලට තියන ආසාව නම් කොච්චර කාලයක් ගියත් එපාවෙන්නෙ නම් නෑ.පොඩි කාලෙ අපේ ගෙදර නම් සහෝදරියක් හිටියෙ නැති නිසා බෝනික්කො නම් තිබිල නෑ අපේ ගෙදර.වාහන, army camp එහෙම තමා තිබුනෙ. මට හොදට මතකයි අපි නිවාඩු දවසට තියන ඔක්කොම සෙල්ලම් කාර් ටික හෝදනවා.

ඊටපස්සෙ අපි 7,8 ශ්‍රේනියේ වගේ ඉද්දි ඉස්කෝලෙට හොරෙන් කාර් අරගෙන ගිහින් ඒවගෙන් සෙල්ලම් කරනවා.ඇත්තම කිව්වොත් අපේ පන්ති කාමරයට එහාපැත්තෙ තිබුන වේල්ලෙ අපි පස් හාරලා අයින් කරල සම්පූර්නයෙන් සෙල්ලම් කාර් පදින්න ධාවන පථයක් හදල තිබුනෙ😂. ඒ දේවල් මතක් වෙනකොට හරිම සුන්දරයි. මට මතකයි මම උසස්පෙලට ක්ලාස් යන කාලෙත් සෙල්ලම් කාර් දෙකතුනක් ගත්තා.

මේ දේවල් මට කියන්න හිතුනෙ ඔයාලගෙ පොඩිකාලෙ සෙල්ලම් බඩු එක්ක තිබුන මතකයන් බෙදාහදා ගන්න. මේ ලගදි අපේ හොස්ටල් එකේ මගේ යාලුවා නුවර ගිය වෙලාවක අලුත් සෙල්ලම් වාහන 3ක් ගෙනත් තිබුනා.😂😂 හිතන්න පුලුවන්ද කැම්පස් එකේ ඉන්න කොල්ලො තාම සෙල්ලම් බඩු ගන්නව කිව්වම.ටිකක් අමුතුයි තමයි.හැබැයි ඒවගෙන් සෙල්ලම් කරද්දි නිකම්ම පරන මතක මතක් වෙනව. ඒ සෙල්ලම් කාර් ටිකේ පොටෝ ටිකක් මම මේ එක්කම දාන්නම්. ඔයාලගෙ අදහසුත් මට කියන්න.

ඉතින් තවත් කතාවකින් ඔයාලව හමුවෙනතුරු හැමෝම පරිස්සමින් ඉන්න.
ස්තූතියි 🙏🏻🙏🏻