ගමේ වොලිබෝල් 🏐
Hello Everyone !..
අපි පහුගිය සතියෙ ගියානෙ ගමේ. ඉතින් මමනං ගොඩක් විනෝද වෙලා තමයි ආවෙ. ඒ අතුරින් මම කරන්න ගොඩක්ම කැමති දෙයක් තමයි හවසට ගමේ වොලිබෝල් ගහන්න යන එක. ඒකනම් නියම දෙයක් තමයි. ක්රිකට් ගහන්න තරම් ලොකු තැනක් නැති නිසා පාරට ලගම තැනකින් ගමේ කොල්ලො ටික එකතු වෙලා වොලිබෝල් ගහන්න තැනක් හදාගෙන.
ඒක නියමට හදල තියෙනවා. වටේට දැල් ගහල , සීමා එහෙම ලනුවලින් වට කරල හොදටම හදල තියෙන්නෙ.
මම ගමේ ගියපු පලවෙනි දවසෙම හවස 4 ට විතර මාමාගෙ පුතා මට සෙල්ලම් කරන්න යමු කියල කතා කරා. ඉතින් මමයි එයයි දෙන්නම ගියා එතනට. ගමේ ඉන්න කොල්ලො ටික හරියට 4 වෙනකොට වගේ එතනට එනව සෙල්ලම් කරන්න. කොල්ලො හැමදාම වගේ 20කට වඩා එකතු වෙනව සෙල්ලම් කරන්න. ඇත්තටම කොල්ලො විතරක් නෙමේ. රස්සා කරන අය,ගුරුවරයො,ගමේ මන්ත්රී පවා එනව එතනට සෙල්ලම් කරන්න. එයාලා විවිධ තනතුරු දැරුවත් එතනදි සාමාන්ය විදිහට ඉන්නෙ. ඒක තමයි වැදගත්ම දේ.
ගොඩක්ම විශේෂ දේ තමයි හැමෝටම සෙල්ලම් කරන්න දෙනව. ටිකක් රස්නෙ පැත්තක් නිසා සෙල්ලම් කරනකොට ඉක්මනට මහන්සි වෙනව. ඉතින් හැමෝටම සෙල්ලම් කරන්න අවස්තාව හම්බෙනව. මම අලුත් කෙනෙක් උනත් කිසිම වෙනසක් නැතුව මට සෙල්ලම් කරන්න දුන්නා.
එයාල ලග තියෙනවා ලොකු වතුර බාජනයක් එක්ක කෝප්පයක්. ඒකෙන් ලග ගෙදරින් ගේන වතුර එක තමයි හැමෝම බෙදාගෙන බොන්නෙ. කවුරුහරි පේර ගෙඩියක් හරි ගෙනාවොත් ඔක්කොමල වගේ බෙදාගෙන තමයි කන්නෙ. ඇත්තටම ගමක තියන එකමුතුකම මට හිතාගන්න බෑ. සෙල්ලම් කරන්න ලොකු අවස්තාවක් හම්බෙන්නෙ නැති පොඩි කොල්ලොත් එනව එතනට. එයාලා කරන්නෙ වෙනම එක එක සෙල්ලම් කරනවා, එයාලගෙ බයිසිකල් මාරුකරගෙන පදිනවා. ඇත්තටම හැමෝම ආසයි හවසට එතනට එන්න.
ඇත්තටම ඒ සෙල්ලම් කරපු දවස් ටික මම මගේ ජීවිතේ කැමතිම දවස් ටිකක්. හැම තරාතිරමකම වගේ අය එකතු වෙලා සෙල්ලම් කරනවා හරි අඩුයිනෙ. ආයෙත් ඉක්මනට එහේ යන්න තියෙනවා නම් හොදයි කියල හිතෙනවා.
හැමෝම පරිස්සමින් ඉන්න.
ස්තූතියි 🙏🏻
Aththatama ehema wenawanm thami game godak aya ekathu wenne.❤
පාසල් අවධියේ මගේ පාසල් කාන්තා වොලී බෝල් කණ්ඩායමේ නායිකාව තමා මම. හරි ආශා හිතෙනවා මටත් සෙල්ලම් කරන්න තියේනම් කියල.