ඔයාලට කොහොමද? හැමෝම පරිස්සමින් ඇති කියල මම හිතනවා.academic වැඩත් එක්ක ගොඩක් කාර්‍යබහුල සතියක් ඉවර උනා.ඒ නිසා මොකුත්ම ලියන්න බැරුව හිටියෙ.මේ දවස් වල තමයි මහ කන්නය ආරම්භ වෙන්නෙ.ඉතින් මේ කැම්පස් එක තියෙන්නෙ මහඉලුප්පල්ලම නිසා යෝධ ඇල හරහා තමයි පොඩි ඇලවල් වලට වතුර ලැබෙන්නෙ.ඇලේ හැමදාම වතුර එන්නෙ නෑනෙ. නමුත් වී වගාවට නිසාම එකදිගට මේ දවස් වල වතුර එනව ඇලේ. පලවෙනි දවස් දෙකේ වගේනම් නාන්නෙ නෑ.මොකද වතුර එක්ක රොඩු එහෙම ගොඩක් එන නිසා.නමුත් දවස් දෙක තුනක් ගියාම ඇලේ වතුර හොදයි.අපේ අය එනව ඉතින් මේකෙන් නාලා යන්න.අපිත් එදා දවල් වැඩ කරල අපේ වගාවන් ටිකත් බලල නිදහසේ ඉන්නකොට කෙනෙක් යෝජනා කරා නාන්න යමු කියල.දෙපාරක් හිතන්නෙ නැතුවම අපිත් කැමති උනා ඉතින්.ඇල ලගට කට්ටියම බයිසිකල් වලින් තමයි යන්න පිටත් උනේ. කතා කර කර හෙමින් යනකොට ඉතින් පයින් ගියා වගේම වෙලාවක් ගියා එතනට යන්න.

ඇලේ වතුර නම් නියමට තියෙනවා. ඉක්මනට අපි ඇලේ නාන්න පටන් ගත්තා.වතුර තියෙනවා කිව්වට අපිව යටකරගෙන යන්න තරම් වතුරක් නම් එන්නෙ නෑ.නමුත් උරහිස ලගට වගේ එනකං වතුර එනව.

ගොඩක් අය එක්ක එහෙම නානකොට වෙනම විනෝදයක් තියෙනවා.පාලම උඩට ගිහින් කවුරුහරි කෙනෙක්ව උස්සලා විසි කරනව ඇලට.හැබැයි ඒකත් පරිස්සමින් කරන්න ඕනි වැඩක්. පැය දෙකක් විතර අපි විනෝදයෙන් නෑවා.ඒ වෙනකොට ටිකක් හවස් වෙලා. ඉතින් අපි ගොඩට ඇවිත් එහෙමම අපේ plots බලන්න ගියා.හවසට අපේ field එක ගොඩක් ලස්සනයි.

ඉර බැහැගෙන යනකොට තවත් ලස්සනයි.අවසානෙදි අපි ආයෙම හොස්ටල් වලට ආවා.ඇලේ නෑව වගේ නෙමේ.ආයෙත් නාගන්න ඕනි අනිවාර්යයෙන්.නැත්තං ඉවරයි තමා.

ඉතින් එහෙම තමා අපේ දවසක හවසක් ගෙවුනෙ.තවත් කතාවකින් එනකං හැමෝම පරිස්සමින් ඉන්න.
ස්තූතියි 🙏🏻🙏🏻