වන්ඩු ආප්ප

අපි නම් මේවට කියන්නෙ වන්ඩු ආප්ප කියලා.ඒත් මගේ කාමරේ ඉන්න කෑගල්ලේ යාලුවා කියන්නෙ පුස්නාම්බු කියලා.

ඉස්සර අම්මා ඉතුරු වුණහම ඒ පිටි ටිකෙන් ඊළඟ දවසේ මේවා හදනවා. එතකොට නම් මම වැඩිය කැමති නෑ මේවා කන්න. ඒත් මේ ළඟදි දවසක බෝඩිමට යන ගමන්රෑට කන්නෙ මොනවද කියලා හිත හිත ඉන්නකොට කඩේක තියෙනවා දැක්කා මේවා. රෑට කන්න බත් කන්න තරම් ලොකු බඩගින්නක් නැති එකේ මෙයින් එකක් කන්න ඕන කියලා එක පාරටම හිතුනේ. කඩේට ගිහිල්ලා අහද්දි මෙයින් එකක් හැටයි කිව්වා. ඉතින් මට මතක් උනා මේවා කලින් කොච්චර ලාභද කියලා. හැමදේම වගේම මේවත් දැන් ගණන් ගිහිල්ලා. කෑවේ ගොඩක් කාලෙකින් නිසාද දන්නේ නෑ මේක ඒක ගොඩක් රහට දැනුනා. ඉතින් එදාම මං අම්මට කෝල් කරල කිව්වා අම්මට ආවහම වන්ඩු අප්ප හදලා දෙන්න කියලා.

ඉතින් මං ගෙදර ආවේ ඊයෙනෙ. අම්මා මට ඒවා හදලා දෙනා කියපු පොරොන්දුව ඉෂ්ට කරන්න අද උදේම ඒවා හදන්න පිටි දාල තියෙනවා මම දැක්කා. ඒවා හදන්න පිටි මිශ්‍රණය හදලා පැය ගානක් තියන්න ඕන. ඒ මිශ්‍රණය හදද්දි හාල් පිටි, පොල්, සීනි, පැණි හරි හකුරු හරි තියනවනම් ඒවත් දාන්න පුළුවන්. ඒ වගේම පිපුම්කාරකයකුත් දාන්න ඕන බේකින් සෝඩා වගේ දෙයක්. පොල් පැනි වගේ හදල තමයි පිටි එකට කලවම් කරන්නේ සීනි පොල් එහෙම. මිශ්‍රණය අනන්නෙ පොල්කිරි එකතු කරගෙන. ආප්ප හදද්දි ට වඩා ඝනකම මිශ්‍රණයක් මේකෙදි අපට ලැබෙනවා.

ආප්ප හදද්දි හදනවා ඇරෙන්න මේක හදන්නම කියලා හදලා තිබුණෙම නෑ කලින් අපේ ගෙදර. ඒත් රහටම මේවා ආවා.

අම්මට කෝල් කරලා කියද්දිත් අම්මා කිව්වා ඔය කිව්වට ඔයා කන එකක් නෑ කියලා. ඒත් අරහෙදී මේ වගේ කෑම කන්න නොලැබෙන නිසාම ද කොහේ මට ආස හිතුන. ඒ වගේම මම කෑවා. ඒව ගොඩක් රහයි. මේ වගේ ඒව හිතේ හැටියට කන්න නම් ඉතින් ගෙදර එන්න ඕන. ගෙදර එද්ද්දි අම්මට හදලා ඕන කිව්ව ලිස්ට් එකේ ඉතුරු ටික ලැබුනම ඒ ගැනත් කියන්නම්.