නංගිගේ චිත්‍ර

ඉතින් යාලුවනේ අද හිතුන පොඩ්ඩක් වෙනස් මාතෘකාවක් තෝරගන්න. ඔයාල ගොඩක් වෙලාවට කියවනව ඇති නංගි ලියන article එහෙමත්.ඉතින් අද ලියන්නෙ එයා ගැන තමයි. ටිකක් මෝඩ උනාට ගොඩක් වෙලාවට ගෙදර ගියාම එයත් එක්කයි අම්ම එක්කයි කාලෙ ගෙවන එක තමයි මම ආසම වැඩේ.ගොඩක් වෙලාවට් රන්ඩු තමයි ඉතින්.කොහොමහරි එයා A/level දවස් වල හරි අමුතු ආසාවක් ඔලුවට ගැහුව. ඒ තමයි චිත්‍ර අදින එක.මම එච්චර උවමනාවෙන් ඒව බැලුවෙ නැතත් ලස්සනට අදින්න හැකියාවක් එයාට තිබුන.ඉතින් ඒ විදියට එක එක කොලවල චිත්‍ර ඇදපු මේ කෙල්ලට එකපාරම wall art එකක් අදින්න ඕන උනා.ගොඩක් වෙලාවට පාඩම් කරද්දි තියෙන stress එක අඩු කර ගන්නත් මේක ගොඩක් හොඳ ක්‍රමයක් නිසා අම්මත් මේ වැඩේට කැමති වුණා.ඉතින් ඒ නිසාම අම්මා වැඩේට ඕන පින්සල් සහ අනිත් අඩුම කුඩුම දේවල් ටික එයාට ගෙනත් දුන්නේ පොඩි පන්නරයක් විදියට.වෙලාව manage කර ගන්න එක ලොකුවට එයාට කියන්න ගියේ නැත්තේ එයාට ඒ ගැන idea එකක් තියෙන නිසා.

ඉතින් ඒ විදිහට එයාගේ කාමරයෙන් පටන් ගත්ත wall arts මුළු බිත්තිය පුරා හරි ලස්සනට හැඩවුනා.මම training ඉඳපු නිසා මාසයකට සැරයක් තමයි මට ගෙදර එන්න පුළුවන් වුණේ.කොහොම හරි මම එක නිවාඩුවකට ගෙදර එද්දි බිත්තිය හරි ලස්සනට එයාගේ චිත්‍ර වලින් හැඩ වෙලා තිබුණා.ඉතිං ඊට පස්සේ මගේ කාමරෙත් එක බිත්තියක් එයාගේ පින්සලට සහ චිත්‍රවලට මම සම්පූර්ණයෙන්ම වෙන් කළා.එයාට හිතෙන හිතෙන වෙලාවට අදින්න පටන් ගන්න මේ චිත්‍ර පටන් ගන්න වෙලාවක් ඉවරයක් වෙන වෙලාවක් එයාවත් දන්නෙ නෑ.කොහොම කීයට ඉවර වුණත් අවසානය නම් මට හරි ලස්සනයි.එයාගේ බිත්තියේ ඇඳපු චිත්‍ර ටිකේ photos මගේ අතින් delete වෙලා නිසා ඒ ටික මේ article එකට දාන්න වුනේ නෑ.මම එයාගෙන් ඇහුවත් එයාට ඒක වෘත්තීමය විදියට කරන්න අවශ්‍ය නැහැ , එයාට ඕන ඒක විනෝදාංශයක් විදියට තියාගන්න විතරයි.ඉතින් එයාගේ විනෝදාංශයට මමත් පෞද්ගලිකව හරිම කැමතියි.ඉතිං ඒ නිසාම මේ article එක එයා වෙනුවෙන් වෙන්කලා.