පණ්ඩිත පප්පලාගෙන් පරිස්සමෙන්

_source
ඉතින් හැමෝම පරිස්සමින් ඇති කියලා හිතනවා.අද ලියන්න යන්නේ මං කාලෙක ඉඳන් ලියන්න බලාපොරොත්තුවෙන් හිටපු නමුත් ලියන්න හරියට කරුණු හොයාගන්න බැරිවුන නිසා ටිකෙන් ටික පස්සට ගියපු දෙයක් ගැන. වෙනද වගේම කියනවා මේක මගේ පෞද්ගලික මතය ඒ වගේම ඔයාලා සමහරවිට මාත් එක්ක එකඟ නොවෙන්න පුළුවන්.අද මං ලියන්න යන පුද්ගලයා අනික එසේ මෙසේ කෙනෙක් නෙවෙයි ඔහු දක්ෂයෙක්, රටට ලොකු සේවයක් කරපු කෙනෙක්, නමුත් ඔහු සමාජයට දෙන සමහර දේවල් මම පෞද්ගලිකව තරයේ හෙලා දකිනවා.ඉතින් අද ලියන්න යන්නේ ඒ වගේ දෙයක් ගැන.මොහු මේ දේ ගැන වරක් දෙවරක් නෙවෙයි කිහිප වරක් ම සඳහන් කරලා තියෙනවා. නිකං මනුස්සයෙක් කියන දෙයක් නම් අපිට අහල ඒක අයින් කරන්න පුළුවන් නමුත් මේක ඊට වෙනස් මොකද
මොහු ගුරුවරයෙක් නිසා ,ඔහුගේ මතයට ගරු කරන ඔහුගේ අඩි පාරේ යන ශිෂ්‍යයින් ඉන්නවා.ඒක නිසා මේක නිකන් අහක දාන්න පුළුවන් සාමාන්‍ය දෙයක් නෙවෙයි.මම මේ ගැන ලියන්නේ හිතුවෙත් සමාජ මාධ්‍ය ජාලාවල ලියැවුණු වටින Article එකක් කියෙව්වට පස්සෙ. ඉතින් මම වැඩිය කියන්න යන්නේ නෑ ඔයත් මේ article එක කියවලා බලන්න, අපි උගත් කියලා පිළිගන්න අය කියන හැමදේම ඇත්තටම පිළිගන්න ඕනද ඒවට ගරු කරන්න ඕනද කියල.

එක සිංහල ගුරුවරයෙක් කියනව,
"ගන්ජා ටිකක් ගහල හිටපු ගැමියා රුවන්වැලිසැය හැදුවෙ.."
"මගෙ aggressive ගති අඩු වුනා , වැඩ කරන්න පුලුවන් වුනා.."
...........................
මිනිස්සු නොදන්න දේවල් කතා කරද්දී ටිකක් පරිස්සම් වෙන්න ඕනේ. විශේෂයෙන්ම සමාජයේ ප්‍රසිද්ධ මිනිස්සු.
සමහර මිනිස්සුන්ට වයසට යද්දි නොයෙකුත් මානසික රෝග / මානසික ප්‍රශ්න එන්න පුලුවන් .
සමහර කාල වල කාව වත් පෙන්නන්න බැරි තරමට තරහා යාම, එපා වීම , වැඩ කර ගැනීමට drive එක / creativity එක නැති වෙන්නේ මානසික රෝගයක හෝ ඉච්ඡා භංගත්වයත් සමග එන මානසික ගැටලුවක ප්‍රතිපලයක් ලෙස වෙන්න පුලුවන්.
ඒකට ඕනේ තරම් හොද බේත් තියෙනවා .
ඇබ්බැහි වෙන මත්ද්‍රව්‍ය ගන්න උවමනාවක් නැහැ.
හෙරොයින් අයත් වෙන රසායනික කාණ්ඩයේ බෙහෙත් ලෙස භාවිත වෙන රසායනික ගණනාවක් තිබුනත් ඒ ගැන දන්න අය හෙරොයින්
භාවිතය ප්‍රචලිත කරන්න යන්නේ නැහැ.
මොකද ඇබ්බැහිකාරකයක් විදියට ඒකේ ප්‍රෂ්නේ දන්න නිසා.
ගංජා වල තියෙන ලොකු ප්‍රශ්න කීපයක් තිබෙනවා. ඒවා ප්‍රධාන වශයෙන්ම මානසික රෝග වලට සම්බන්ධ ප්‍රශ්න.
මම මේ කියන්නේ දැනට ලෝකයේ පිළිගත් පරීක්ෂණ ප්‍රතිපල කීපයක්.
ගංජා, සිගරට් වගේ පිළිකා වලට සම්බන්ධ නෑ කියන දැනුම මිනිස්සු ලඟට ගිහින් තියෙනවා.
නමුත් මානසික රෝග සම්බන්ධ සමාජයේ තියෙන අල්ප දැනුම නිසා මිනිස්සු මේ කාරණය දන්නේ නැහැ.
මානසික රෝග වලට ජානමය හෝ අනෙකුත් හේතු නිසා අවධානම වැඩියෙන් තියෙන අයට විශේෂයෙන්ම මේ තත්වය බලපානවා.,

1. ගංජා වල තියන THC කියන රසායනිකය මොලයේ ක්‍රියාකාරීත්වය වෙනස් කරවනවා
2. දැනට තිබෙන දරුණුම මානසික රෝග තත්වයක් තමයි උන්මාද තත්වය එක්ක එන භින්නෝන්මාදය (Schizophrenia). ගංජා අධික භාවිතය මේ තත්වය එන්න තියෙන අවධානම හය ගුණයකින් වැඩි කරවනවා (Andreasson S 1987)
   3.අඩු වයසෙන් ගත්තම ඒ කියන්නේ අවුරුදු 15 වගේ , අවධානම තවත් වැඩියි
   (Arseneault L 2002 )
   4.තරුණ වයසේ අයට කල්පනාව , ධාරණය, තීරණ ගැනීමේ හැකියාව හා අවධානය අඩු කරන්න ගංජා වලට පුළුවන් (Shrivastava A 2011)
3. ගංජා භාවිතය අනෙකුත් මත්ද්‍රව්‍ය පාවිච්චි කරන්න තියෙන අවස්තාව වැඩි කරවනවා , උදා : හෙරොයින්, අරක්කු (Andrea H. Weinberger 2016 ,Andrea H. Weinberger, Benjamin Chadwick 2013 )