නැගිටපන් අනේ නැගිටපන්
ඉතින් හැමෝම පරිස්සමෙන් ඇති කියල හිතනවා. අද ලියන්න යන්නෙ අපිටම ගැලපෙන මාතෘකාවකට අදාලව. අනිත් රටවල කෙසේවෙතත් මේ වෙනකොට යමක් කමක් තිබ්බ මිනිස්සු පවා අමාරුවෙන් දවස ගැටගහන තත්වෙකට වැටිල ඉවරයි.ඉතින් මිනිස්සු සල්ලි හොයන්න හැල්මෙ දුවනව. ඒ වගේ රටක් අපිට පාලකයො බිහිකරලනෙ තියෙන්නෙ. ඉතින් මිනිස්සුන්ට නොදැනිම ඔවුන්ගෙ ආදරණීයන් ඔවුන්ගෙන් ඈත්වෙනව.අපිට අපිවම අමතක වෙච්ච ලෝකෙක අපි හැල්මෙ දුවනව.අපිට ඔවුන් මතක් වෙද්දි අපි ගොඩක් දුර ගිහිල්ල ඉවරයි. මේක ගැන ලස්සන කවියක්, කවි දහයට ගී දහයක් වැඩසටහනේදි මහාචාර්ය සුනිල් සෙනෙවි මහතා කිව්ව.මේක වැඩත් එක්ක හිරවෙලා ඉන්න අපිටත් ගොඩක් සමීප නිසා ඔයාල එක්කත් බෙදාගන්න හිතුව. කවිය තවත් විශේශ වෙන්නෙ සරල නිසා සහ නිසදැසක් විදියට තියෙන නිසා.
ආයෙමත් දවසක
සෙට් වෙමු කියලා නැගිට්ටට
අපේ පයටමයි පෑගුනේ
ඒ සාද කතා හැන්දෑව
එළ එලා දුන්නට
දිගට හරහට හතර අතට අධිවේග
උබ තියා මට මාවවත්
හමුවෙනේ නෑ මගෙ මිතුර
බොසාට කුද ගහගන්න කියලා
බලෙන් නිවාඩුවකුත් අරන්
නෝනට සත්තමක් දාල
අන්තිම දෙදාහත් අල්මාරියෙන් අරන්
මරුටියට ෆුල් ටෑන්ක් ගහල
කුකුලත් අතින් අරන්
ඔන්න මං ආව මොකට බං
අද දවසෙත් නැති යාලුකම්
මූනත් කලුගැහී ඔය හැටි
කේනාරි වී අතපයත්
මට වගේමයි උබටත්
මහන්සියි නේද දැන්
ඔහොම නිදියන් ඉන්න එපා
නැගිටපන් අනේ නැගිටපන්
මං මීට එහා දෙයක් ලියන්නෑ. ඉතුරු ටික ඔයාලට භාරයි....
Those words are really relatable to our current situation.
Yes truly 😌