ඉත්තෑවට සනීපයි

_source
ඉතින් හැමෝම පරිස්සමෙන් ඇති කියලා හිතෙනවා.ලෝක කුසලානය පටන් ගත්තහම හිතේ තිබුණේ මාර සතුටක් සමගම උනන්දුවක්.ඒක වැඩියක්ම වුණේ මාස දෙකක් විතර ශ්‍රී ලංකා කණ්ඩායමට ක්‍රීඩා කිරීමට තරඟ නොතිබුණු නිසා.ඉතින් ඒ නිසා රසිකයන් ලෝක කුසලානය බැලීමට තියෙන උනන්දුව තවත් වැඩි වුනා.නමුත් රසිකයන්ගේ සියලු බලාපොරොත්තු සුණු විසුණු ගුණය ශ්‍රී ලංකා කණ්ඩායමේ වගකීම් විරහිත ක්‍රීඩා විලාශය නිසා.ආයෙත් මම අමුතු වෙන්නේ ඒක ගැන කියන්නේ නැහැ මොකද මම කලින් article එකේදිත් ඒක කිව්ව නිසා.කොහොම හරි ගෙදරින් බැනුම් අහගෙන ලෙක්චර්ස් කට් කරගෙන මැච් බලන අපිට මෙහෙම වෙලා මදි 🙂.ඉතින් කොහොමහරි නේපාල කණ්ඩායම අතර පැවැත්වීමට තිබුණු තරඟය වර්ෂාව හේතුවෙන් අත්හැර දැමීම නිසා ශ්‍රී ලංකා කණ්ඩායම නිල නොවන ලෙස තරගාවලියෙන් ඉවත් වුණා.ඇත්තටම කිව්වොත් ශ්‍රී ලංකා කණ්ඩායම තරගාවලියේ රැඳී ඉන්න නම් අනිත් කණ්ඩායම්වල බලපෑම විතරක් මදි.ඇත්තටම ස්වභාවධර්මයත් ඒකට යම්කිසි කාර්යයක් කළයුතු වෙනවා😅.

කමක් නෑ.කොහොම හරි එන්න චාන්ස් එකක් තියෙනවානේ.අපි බලමු ඒ කොහොමද කියලා. ඒකට අපි නෙදර්ලන්තය සමඟ තිබෙන අවසාන තරඟය ඉහල දළ ලකුණු වේගයක් සමග ජයග්‍රහණය කිරීම අත්‍යවශ්‍ය වෙනවා.දැන් අපි යමු අනිත් සාධකවලට.බංගලාදේශයට තියෙන ඊළඟ තරග දෙකෙන් නෙදර්ලන්තය අතර තරගය වර්ෂාව නිසා අත්හැර දැමිය යුතු වෙනවා.ඒ වගේම නේපාලය බංගලාදේශ කණ්ඩායම පරාජය කළ යුතු වෙනවා.ඉතින් මේක තමයි අපිට සුපිරියාට දෙනාගේ වටේට යන්න තියෙන අවසාන අහබු අවස්ථාව.ඉතින් මා දයාබර ක්‍රීඩා ලෝලී රසිකයිනි ඔයාලට හිත හදාගන්න පුළුවන් විදිත් තව තියෙනවා.ඇත්තටම අපිත් එක්ක මේ තරගාවලියෙන් ඉවත් වෙන්න නම් දරූ තව කණ්ඩායම් කීපයක්ම ලෑස්ති වෙලා ඉන්නේ.ඉතින් ඒ අතරට ප්‍රබල පකිස්ථානය, නවසීලන්තය හා එංගලන්තයද ඇතුලත්.ඉතින් මේ පාර ලෝක කුසලානය නම් හිතන්නවත් බැරි විදියෙ එකක් වෙන්න තමයි යන්නේ.අපි බලමු ගිය පාර ලෝක ශූරයන්ටත් මේ පාර මූලික වටයෙන්ම ඉවත් වෙන්න වේවිද කියලා.