වැස්ස

ඉතින් හැමෝම පරිස්සමෙන් ඇති කියල හිතනවා. අද ලියන්න යන්නෙ පෙරේදා දවස ගැන.ගිය දවස් කීපයම ප්‍රැක්ටිකල් වලයි කෝස් වර්ක් වලයි හිරවෙලා ඉදල බෝඩිමේම ගෙවිල ගියා. ඒ නිසා දවස් ගෙවුනත් ලොකුවට දැනුනෙ නෑ. මොකද උදේ අටවෙද්දි යනව ආයිත් පහ විතර වෙද්දි බෝඩිමට ඇවිල්ල ඒකෙ කෝස්වර්ක් එක කරන්න ඕන නිසා. ඉතින් කොහොමත් ඒක කරල ඉවරවෙද්දි දෙක තුන විතර වෙනව. සතිදෙකක් විතරම ඒ විදියට තමයි ගෙවිල ගියේ. පෙරේදා ප්‍රැක්ටිකල් ටික ඉවර උන නිසා ඉවර උන ගමන්ම ගෙදර එනව කියල හිතන් තමයි ඊයෙ ගියේ. ඉතින් ඒ විදියට ඉවර වෙච්ච ගමන් යාලුවො ටිකත් එක්ක ට්‍රේන් එකේම කොලබට ඇවිල්ලා කොළඹින් රුහුණු කුමාරියෙ එන්න තමයි අපි ප්ලෑන් කරන් ආවෙ. මොකද කෝච්චිය මරදානට යද්දි වෙනද ගාලු කුමාරිය ගිහින් තියෙනනිසා. ඒත් වාසනාවට ගාලු කුමාරිය ටිකක් පරක්කුවයි, ආපු ට්‍රේන් එක පරක්කු වෙන්නෙ නැතුව ආපු නිසායි හින්ද ගාලු කුමාරිය මරදානට ඇවිත් තිබ්බෙ නෑ. ඉතින් නගින්න ඉන්න සෙනග දැක්කම වාඩිවෙලා යන සිහිනෙ මුලින්ම බොදවෙලා ගියා. ඒත් ඉතින් වාසනාවට මාරුවෙන් මාරුවට හරි වාඩිවෙලා යන්න සෙට් එකට පුලුවන් උනා.

කොහොමහරි බද්දෙගමට එද්දි හවස හය විතර වුනා. බද්දෙගම ඉදන් ගෙදර යන එක තමයි ඊලගට තිබ්බ ලොකුම mission එක. මොකද මහ වැස්ස.කුඩයක් ඉහලන්වත් යන්න බැරි තරමටම වැස්ස. ආයිත් බස් එකක් තියෙන්නෙත් පැයක් විතර ගියාට පස්සෙ. මොකක් කරන්නද තෙමි තෙමි යනවට වඩා බස් එකේම යනව කියල පැයක් ඉතර හිටිය ස්ටෑන්ඩ් එකට වෙලා බ්ස් එක එනකන්. වැස්ස කොච්චරද කියනවනම් මං බ්ද්දෙගමට එද්දි තිබ්බ වැස්ස වෙනසක් නැතුව මං ගෙදර ඇවිල්ලත් පැය්ක් දෙකක් යනකන් ඒ විදියටම තිබ්බ. කොහොමහරි එකදිගට පැය තුනකට වැඩිවෙලාවක් ඒ වැස්ස මාව ගෙදරට පිලිගන්න වැස්සා 😂.ඉතින් ඔය විදියට එදා දවස ගෙවිල ගියේ.