බතලයා...

_source
හලෝ හලෝ.... ඉතින් කොහොමද ඔයාලට.සතුටින් පරිස්සමෙන් ඉන්නව නේද?හැමදාම වගේ මුලින්ම කියන්නම්කො අද මේක ලියන්න අයියනම් නෙවෙයි ඉතින්.

අල්ලනව අත.තමුසෙ මොකද අර ටිකක් මහත දරුවට "බතලයා"කිවුවෙ.
ඕවද අපි මෙච්චරකල් ඉගැන්නුවෙ?
(විනය බාර සර්)

තඩි බඩක් හෙම නැතුව හැඩට හිටි දාක මහෝදරාටත් නමක් තිබුන් නැතිවාද
දන් දුන්න නිසා පට බැදුනමුත් ඒක
අනේපිඩු කියන්නෙත් කාඩ් එක නේද?

කාලගෝලලා ගැන කට පුරා කීවට
කරාබුව කැත නිසා මට්ටකුන්ඩලී වූවාට
රජ්ජුමාලා කියා කියද්දී ඒකීට
සර් වත් කිසිතැනක වැරැද්දක් කීවාද?

රෙදි නැතිව ඇවිදින්න උනත් මහ මගදි
පාටාචාරාට නමක් තියෙන්නැති මුලදි
දුශ්ට - ගාමිනී ගැන උගන්නපු තැනදි
"බතලයා" කියපු එක විතරමද වැරදී?

කතා කරමුද පොඩ්ඩක් සමාජෙ ගැන.ඉතින් ඔයාලට මොනව ඒක ගැන හිතෙන්නෙ.උඩ නිසදැස ගැන මොකක්ද ඔයාලගෙ අදහස.මම යන පන්තියක සර් කෙනෙක්ගෙ tute එකක තිබිල මගේ හිතට වැදුනු හරි ලස්සන පද පේලි ටිකක් ඒක.ඉතින් මට හිතුන ඒක ගැන ඔයාල එක්ක බෙදාගන්න.
දන්නවද අපි කොච්චර හොදට හිටියත් අපේ වැරැද්දක් දකින එක මනුස්සයෙක් හරි ඉන්නව.ඔයා කොච්චර හොද කරත් මනුස්සයෙක්ට හිතෙන්න පුලුවන් මූ මෙච්චර හොද කරන්නෙ මොකක්හරි වැරැද්දක් වහගන්න කියල.ඉතින් ඒ මේ සමාජෙ හැටි.
ඔයා කරන පොඩි වැරැද්ද ලොකුවට දකින මිනිස්සු අතීතේ එයාලගෙ අතින් ඒ වැරැද්දම උනත් ඒකෙ වැරැද්දක් දකින්නෙ නෑ.
ඔයාලගෙ සමාජ පන්තිය එක්ක බලද්දි අපිට ලොකු සමාජ තරාතිරමක් නැත්නම් සමාජෙට කොච්චර හොද මනුස්සයෙක් වෙන්න හැදුවත් ඔයාගෙ වැරැද්දක් දකින මනුස්සයෙක් අනිවාර්යයෙන් ඉන්නව කියන එක label වෙලා ඉවරයි. පොඩ්ඩක් මම මුලින් කිවුව නිසදැස බලන්නකො.අපි දැන් කරන පොඩි දේ ලොකුවට දකින අය ඒ කාලෙ උන ඊට වඩා ලොකු සිදුවීම් වල වැරැද්දක් දකින්නෙ නැත්තෙ ඇයි.වැඩිය හිතන්න එපා ඒ මේ සමාජෙ හැටි.නෑ සමාජෙ නෙවෙයි.ඒ මේ මිනිස්සුන්ගෙ හැටි.මිනිස්සුනෙ ආකල්ප වල හැටි.මිනිස්සු හැඩගැහුනු හැටි.ඉතින් ඇපි හැමෝම ඒ මේ මිනිස්සුනෙගෙ හැටි කියල හිතල ඉන්න එක හරිද.ඇයි අපිට බැරි වෙනස් වෙන්න??? අපිට බැරිද සමාජෙ වෙනස් කරන්න හදන මුල් පුරුක වෙන්න.අපි ඉන්නෙ සමාජෙ යන විදියකට යන්න දීල කවදහරි අඩි 6ක් 7ක් යටට යන්නද?
අපි මිනිස්සුන්ගෙ වැරද්දක් හොයන්නෙ නැති මාර හොද මිනිස්සුද? නෑ ඔයත් මමත් ඒ වගේම තමයි.අපි ඉන්නෙත් ඒ ගොඩේම තමයි. හැබැයි අපිට පුලුවන් වෙනස් වෙන්න.අපිට පුලුවන් වෙනස් කරන්න.

_source
පොඩ්ඩක් හිතල බලන්න.ඔයා සමාජෙට වැටුන විදියටම කවදහරි අඩි 6ක් 7ක් යටට යනවද?
නැත්නම් සමාජෙ එක්ක හැප්පිල තෙරපිලා මේක වෙනස් කරන්න හදන මුල් පුරුකක් වෙනවද කියල.