බංගලාදේශ කණ්ඩායමට ගිණිකෙලි සංදර්ශනයක්😍
ඉතින් ශ්රී ලංකා ක්රිකට් රැසිකයින් පුන පුනා බලා සිටි බංගලාදේශ කණ්ඩායමට එරෙහි විස්සයි විස්ස තරගාවලිය ඊයේ පල්ලෙකැලේ ජාත්යන්තර ක්රීඩාංගණයේදී ආරම්භ වුණා.අති දැවැන්ත ප්රේක්ෂක පිරිසක් තරඟය නැරඹීමට පැමිණ තිබුණේ බොහෝ දුරට ඊයේ නිවාඩු දවසක් නිසා වෙන්නත් පුළුවන්.ඉතින් තරඟයේ කාසිය වාසිය ජයග්රහණය කළ ශ්රී ලංකා කණ්ඩායමේ නායක චරිත් අසලංක ප්රථමයෙන් පන්දු රැකීමට තීරණය කළා.බංගලාදේශ කණ්ඩායම විස්සයි විස්ස තරගයට හොඳින්ම ගැලපෙන කණ්ඩායමක් නම් කර තිබුණේ එකොළොස් දෙනාටම පිතිකරන හැකියාවන් තිබීමත් සමඟයි. පළමු පන්දුවාර කිහිපයේදී වේගවත් ආරම්භයක් ගත්තත් එය දිගටම පවත්වාගෙන යාමට ශ්රී ලංකා පන්දු යවන්නන් ඉඩ දුන්නේනැහැ..ඒ අනුව කලකට පසුව ශ්රී ලංකා කණ්ඩායම සමග එක්වූ දසුන් ශානකගේ විශිෂ්ට පන්දු යැවීමත් කැපී පෙනුනේ ඔහු ලබාගත් වැදගත් කඩුල්ලත් සමඟයි.ඒ වගේම වනිදි වෙනුවට අවස්ථාව ලැබුණු වෙන්ඩසේද හොඳ පන්දු යැවීමක නිරත වුණා.
ඉතින් බංගලාදේශ ඉනිම අවසානයේ ඔවුන්ට ලබා ගැනීමට හැකි වූයේ ලකුනු 154ක් පමණයි.එය ශ්රී ලංකා කණ්ඩායම අතින් ගත් කළ ඔවුන්ට වාසි දායක ලකුණු පුවරුවක්.ඉතින් ලකුනු 154ක ඉලක්කය හඹා යෑමට පිටියට පිවිසුනේ පැතුම් සහ කුසල් මෙන්ඩිස්. කලකට අමතක නොවන පිතිකරණයක නිරතවූ මේ යුගලය පැමිණි අති විශාල ප්රේක්ෂක ජනතාව ඉමහත් වින්දනයකට පත් කළේ සතර අතට පහරවල් එල්ල කරමින්.පැතුම් නිස්සංක සහ කුසල් මෙන්ඩිස් ඔවුන් අතර පවතින තරගයක් මෙන් මාරුවෙන් මාරුවට බංගලාදේශ පන්දු යවන්නන් අසරණ කළේ පලමු powerplay එක තුළ ලකුනු 15ට වැඩිවූ දල වේගයක්ද පවත්වාගෙන යමින්.පැතුම් නිස්සංක ලකුනු 42ට දැවීගිය අතර කුසල් මෙන් විශිෂ්ට අර්ධ ශතකයක්දද සමඟින් ලකුනු 73ක් ලබාගැනීමට සමත් වුනා.ඒ අනුව පන්දු වාර 19ක් අවසානයේ කඩුලු 3ක් පමණක් දැවී ඉලක්කය හඹා යාමට ශ්රී ලංකා පිතිකරුවන් සමත් වුණා.ඒ අනුව විස්සයි විස්ස තරගාවලිය 1-0ලෙස පෙරමුණ ගැනීමට ශ්රී ලංකා කණ්ඩායම සමත් වුනා.