ජයග්‍රාහී මනසින් මිදෙන්න

_source
අද ලියන්නෙත් මේ කාලෙට ගොඩක් ගැලපෙන දෙයක් ගැන. අපි හැමෝම කැමතියි දිනන්න. අපි තරග වලට යන්නෙම දිනන්න. අපි පොඩිකාලෙ ඉදලම අපි වටේ ඉන්න අයත් හැමෝම දගලන්නෙ අපිව දිනවන්න, අපිත් කොහොමහරි ට්‍රයි කරන්නෙ දිනලම එන්න , නෑ නෑ මං ඒකෙ වැරැද්දක් කියන්නෙ නෑ. අපි යන්න ඕන දිනන්න තමයි. නමුත් වැඩිය අය කියන්නෙ නෑ නේද පැරදුනොත් අපි කොහොමද ඒකට මුහුන දෙන්නෙ කියල. අපි කොහොමද ඒක දරාගන්නෙ කියල. අද කාලෙ ගොඩක් අපරාධ පවා වෙනව, පරාජය දරාගන්න බැරුව ඒක දුරදිග ගිහිල්ල. තරග වලදි වුනත් බලන්න, නිකන් ගමේ සෙල්ලම් කරන පොඩි අයගෙ ඉදන්, ජාත්‍යන්තර තරග වෙනකන් කොච්චර රන්ඩු වෙනවද පරාජය දරාගන්න බැරුව. ඒකට මේ මුලු සමාජයම වගකියන්න ඕන. අපි මුලින්ම කරන්න ඕන ජයග්‍රාහී මනසින් මිදෙන එක. අපි ජයග්‍රාහී මනසින් ඉන්න පුලුවන් අපි ජය ගන්නක්න්. නමුත් පරාජයන් ලගදි අපි ජයග්‍රාහී මනසින් ඉදන් ගන්න තීරණ බොහෝ දුරට සාර්තක ඒව වෙන්න නෑ. ඉතින් ඔබගේ දරුවාට , යාලුවාට වගේම ඔබටත් ජයග්‍රාහී මන්සින් මිදිල ජයපරාජය සමව දරාගන්න පුලුවන් පුද්ගලයෙක් වෙන්න පුලුවන්නම් ඒක ගොඩක් වටිනව. අමුතු කතාවක් ඇහුවට පස්සෙ තමයි මේක ගැන ලියන්න ඕනමයි කියල හිතුනෙ. ඒ නිසා කතාවත් මේ එක්කම දාන්නම්.

කුරුණෑගල ප්‍රදේශයේ අම්ම විශ්‍රාමික ව්දුහල්පතිවරියක්, උගන්නල උගන්නල පුතාව යැව්ව ව්‍යිද්‍ය විද්‍යාලයට. දැන් ලමය ඉන්නෙ අවසන් වසරෙ. ගෙදර ආවම අම්ම අසනීපෙන්නම් බෙහෙත් ලියල දෙන්නෙ පුතා. තව වසරකින් පුතා ව්‍යිද්‍යවරයෙක්.මේ කාලෙදි පුතා ආදර සම්බන්ධයක් ඇති කර ගන්නව. ව්ශ්ව විද්‍යාලම ශිශ්‍යාවක් සමග. ගෙවල් වලිනුත් ලැබෙන ආශිර්වාවාදයත් එක්ක ඔවුන් ලගදිම විවාහ වෙන්න ව්ඪ කටයුතු ලෑස්ති කරල තියෙන්නෙ. කෙල්ල හදීසියේ අසනීප වෙලා පේරාදෙණිය ඉස්පිරිතාලෙ නතර කරනව. කොල්ල කෙල්ලව බලන්න එනව ඇවිත් කිරිපැකට් එකකට වසදාල කෙල්ලව මරල ඔහුත් කුරුණෑගල වැවරවුමට ඇවිත් සයනයිට් ගහගෙන මැරෙනව. කෙල්ලව විශ ශරීරගත කරල මරල පැය දෙකක් ඇතුලත කොල්ල සයනයිට් ගහගෙන මැරෙනව. දෙන්නම මැරෙනව. මෙහෙම අපරාදයක් වෙන්න ප්‍රබල හේතුවක් තියෙන්න ඕන. පොලීසියෙන් හොයනව හේතුව. හේතුව හම්බෙනව. මරු හේතුවක් මේක, කෙල්ල කලින් දවසෙ තරහ වෙලා ෆෝන් එක ඕෆ් කරල හිටපු එක තමයි හෙතුව.

ඉතින් ඔබගේ දරුවාව ජයග්‍රාහී මානසිකත්වයෙන් මුදවන්න. ඔවුන් ඉදල හිටල පරදින්නත් ඕන. හැමදාම දිනන්නෙ නැ පරදින්නත් ඕන කවුරුහරි කෙනෙක්. ජයග්‍රහ්නයට වගේම පරාජයට හුරුකිරීමත් දෙමව්පියන්ගේ වගකීමක්.