Thank You Legend | Lasith Malinga | 5% For SL-Charity

වසර 17 ක් පුරාවට ජාතික සහ ජාත්‍යන්තර ක්‍රිකට් ක්‍රීඩාව තුළින් මම ලබාගත් දැනුම, අත්දැකීම් තවදුරටත් මට ක්‍රිකට් පිටියක් තුල අවශ්‍යය වෙන එකක් නෑ..

මොකද..මගේ ක්‍රිකට් ජීවිතයේ ඉතිරි වුන අවසන් පුරුක,T20 ක්‍රිකට් වලටත් සමුදීමට මම අද තීරණය කළා.
ක්‍රිකට් ක්‍රීඩාවෙන් ඉදිරියට යන්න, ක්‍රිකට් ක්‍රීඩාව ඉදිරියට ගෙනියන්න මහන්සිවෙන අපේ නවක ක්‍රීඩකයන්ට වගේම ක්‍රිකට් වලට ආදරය කරන ඔයාලා එක්ක මම හැමදාමත් ඉන්නවා.
තෙරුවන් සරණයි!

w w w w w o මේ වගේ over එකක් කවදා හරි දවසක දාන්නෙත් අපේම කොල්ලෙක් තමයි !

ශ්‍රී ලංකාවට හිටපු සුපිරිම ක්‍රිකට් ක්‍රීඩකයෙකුගේ ක්‍රිකට් ක්‍රීඩාවට සමුදිම එසේ සිදු විය...

සෙපරමාදු ලසිත් මාලිංග හෙවත් රත්ගම සිංහයා 1983 අගොස්තු 28 වෙනිදා ගාල්ල ප්‍රදේශයේදී උපත ලැබුවාය. කුඩා කාලයේ සිටම පාරවල් වල, පිට්ටනිවල සෙල්ලම් කරමින් සිටි ඔහු ජිවිතේ එක්තරා කාලයකදි ක්‍රිකට් ක්‍රිඩාවට මූලික අඩිතාලම තබනවා. පාසල් ක්‍රිකට් සහ අන්තර්-සමාජ ක්‍රිකට් තරග වල මුල් කාලයේදි ඔහුගේ අමුතු පන්දු යැවිමේ විලාසය නිසා තරමක් ඔහු තරමක් අසාර්ථක වුවත්, චම්පක රාමනායක වූ ඔහුගේ පුහුණුකරු නිසා වැරදි සකසාගෙන දක්ෂ පන්දු යවන්නෙකු ලෙස 2004 ජූලි 01 දා ශ්‍රී ලංකා ජාතික කණ්ඩායමේ ටෙස්ට් ක්‍රිඩකයෙකු ලෙස මුල්වරට ක්‍රිකට් වරම් ඔහු දිනාගන්නවා. ඉන්පසුව 2004 ජූලි 17 වෙනිදා ඔහු එක්දින වරම් හිමිකරගන්නවා.

Source

ඔහු ක්‍රිකට් ආරම්භ කල මුල් කාලයේ ඔහුව භයානක පන්දු යවන්නෙකු ලෙස නම් කලේ ඔහුගේ අමුතු පන්දු යැවිමේ විලාසය සහ පිතිකරුවන් දණගස්සන යෝකර් පන්දුව නිසායි. එම පන්දු යැවිමේ විලාසය සහ යෝකර් පන්දුව නිසා ඔහුට "ස්ලින්ගා" කියන අනුවර්ත නාමය ද පටබැදුනා.

එලෙස ක්‍රිකට් ක්‍රිඩාව ආරම්භ කල මෙම ලෝක පූජිත වූ ක්‍රිඩකයා, තවමත් කිසිවෙකුට සමකළ නොහැකි ආකරයේ ලෝක වාර්තා රැසකටම හිමිකම් කියනවා.

• පිට පිට ලෝක කුසලාන තරගාවලි දෙකකදි Hat-trick දෙකක් ලබාගත් ලොව එකම පන්දු යවන්නා වීම.

• ලෝක කුසලාන ක්‍රිකට් තරගාවලියේ අඩුම ඉනිම් සංඛ්‍යාවකදි කඩුලු 50 සීමාව පසුකල ලොව එකම ක්‍රීඩකයා වීම.

• 9 වන කඩුල්ල සදහා ලබාගත් හොදම පිතිකරු සබදතාවයට හිමිකම් කීම.

• මේ වන විට ජාත්‍යන්තර T20 පිටියේ වැඩිම කඩුලු ලාභියා වීම.

• එක්දින සහ විස්සයි විස්ස පිටියේ වැඩිම කඩුලු ත්‍රිත්ව ලබාගත් ක්‍රීඩකයා වීම.

• පිට පිට පන්දු හතරකින් කඩුලු 04 අවස්ථා දෙකක් ලබාගත් ලොව එකම ක්‍රීඩකයා වීම.

කණගාටුවට කරුණ නම් මෙවැනි වූ ලෝක වර්තා රැසකට හිමිකම් කියන ලෝක පූජිත ක්‍රිකට් ක්‍රීඩකයාට සමුගැනීමට තරගයක්වත් නොමැතිව ක්‍රිකට් වලින් සමුගැනිමට සිදු වීමයි. 😓 මෙවැනිම වූ ඉරණමකට ලක්වූ නුවන් කුලසේකර, උපුල් තරංග, තිසර පෙරේරා වැනි ශ්‍රී ලංකා ක්‍රිකට් වෙනුවෙන් විශාල මෙහෙවරක් කල ක්‍රීඩකයින්ටද සමුගැනිමට සිදුවූයේ කිසිදූ ගෞරවනීය සමුගැනිමකින් තොරවයි. මට සිතෙන පරිදි ඊලග දුක්බර ආරංචිය අපට ඇසෙනුයේ, ඇන්ජෙලෝ මැතිව්ස් ගේ ක්‍රිකට් ක්‍රීඩාවට සමුදීමේ පුවතයි. 💔

මට තාමත් පැය දෙකක් විතර එක දිගට බෝල් කරන්න පුළුවන්. බෝල 200 ක් උනත් විකට් එක කෙලින් දාගන්න පුළුවන්. හැබැයි කිලෝමීටර් දෙක දුවන්න බැරි නිසා අපි දැන් ගෙදරට වෙලා පාඩුවේ ඉන්නවා. දැන් මම අවුරුදු 37 දී කැන්ඩි වල නිව්ස්ලන්ඩ් වලට එරෙහිව විකට් 4 ක් ගත්තනේ බෝල හතරෙන්. අනේ කවුරුත් කිව්වේ නෑ මෙයාගෙ බඩ වැඩී. ඒ නිසා විකට් හතර ගනන් ගන්නේ නෑ.. අපිට මේ මැච් එකේ දිනුම එපා..හැමෝම අත්පුඩි ගහලා ඒක සතුටින් බාරගත්තා..

- Lasith Malinga-

මේ "Chilling With Russel" වැඩසටහනෙහි ලසිත් මාලිංග දැක්වු අදහසක්ය.

Source

අවසාන වශයෙන් මගේ අදහස නම් මෙවැනි වූ ප්‍රකාශ සිදු කරමින් වසර එකහාමාරක කාලයක් පුරාවට නිවසට වී ක්‍රිකට් ක්‍රිඩාවෙන් ඇත්වී සිටි කාලය තුල, ඔහුගේ ෆිට්නස් නැවතත් සදාගෙන ක්‍රිකට් ක්‍රිඩාවට නැවත පැමිණීමට ඔහු කැපවූවා නම්, මෙවර T20 World Cup තරගාවලියට සහභාගි වෙලා ගෞරවනීය ලෙස ඔහුට ක්‍රිකට් ක්‍රිඩාවට සමුදීමට තිබුනා.

Happy Retirement Legend ❤️ Thank You For All The Memories 🥺❤️