Mimi(2021) | 5% For SL-Charity

මට මතකයි මේ කතාව ගැන මීට කලින් community එකේ කවුරු හරි ලියලා තිබ්බා. දැනට community එකේ ලියවුනු කතාවක් ගැන උනත් ආයේම ලියන්න හිතුනේ ඒ කතාව බැලුවට පස්සේ මරු කතාවක් නේ කියලා හිතුන නිසා. මාස කිහිපයක ඉදන් බලන්න ඕනේ කියලා හිතුවත්, අද තමයි ඔන්න මේ ෆිල්ම් එක බලන්න පුලුවන් උනේ.

ඉතිං ෆිල්ම් එකේ නම තමයි Mimi. 2021 ජුලි 26 වෙනිදා Netflix හරහා තමයි මේ ෆිල්ම් එක නිකුත් වුනේ. Drama කාණ්ඩයට අයත් මේ ෆිල්ම් එක පැය දෙකක් පුරාවට කිසිම කම්මැලි කමක් නැතුව බලන්න පුලුවන් ෆිල්ම් එකක්. Laxman Utekar විසින් අධ්‍යක්ෂණය කරපු මේ චිත්‍රපටිය 7.9/10 IMDB මනාපයක් ලබාගන්න මේ වන විට සමත් වෙලා තියෙනවා.

මේ චිත්‍රපටියේ ප්‍රධාන චරිතය වන මිමී ගේ චරිතය නිරූපණය කරන්නේ Kriti Sanon විසින්. 2019 වසරේ තිරගත වුනු Luka Chuppi චිත්‍රපටියත් ඇයගේ මිට පෙර සාර්ථක වුනු චිත්‍රපටියක් තමයි.

මිමි කියන්නේ බොලිවුඩ් වල නිළියක් වෙන්න හීන දකින කෙනෙක්. එයාගේ හොදම යාළුවා වුන ෂාමා එක්ක දවසට 3000 පඩියට රැගුම් හලක නර්තනයේ යෙදෙන එක තමා මිමි කරන්නේ. ඉතිං මෙහෙම දවසේ රාජකාරි ඉවර වෙලා ගෙදර යන්න හදනකොට මෙයාලට අහම්බෙන් මුන ගැහෙනවා භාණු කියලා සංචාරක මගපෙන්වන්නෙක්.

මේ භාණු මිමි ව හොයාගෙන එන්නේ වෙනම සීන් එකකට. භානුට මුනගැහෙනවා සංචාරක යුවලක්. එයලාට ළමයි හදන්න බැරි ප්‍රශ්නයක් තියෙනවා. ඉතිං ඒ දෙන්නා එයාලගේ ළමයව වෙන කෙනෙකුගේ කුසේ හදන්න පුලුවන් ගැනු කෙනෙක්ව හොයනවා. මේ අතරවාරයේ තමයි එයාලා මිමි ව දකින්නේ. ඊට පස්සේ ඔවුන් භාණුට ලක්ෂ 05ක මුදලක් දෙන්නම් ඒ වැඩේ කරලා දෙන්න කියනවා.

කොහොම හරි ඉතින් භාණු ඒ සල්ලි ගන්න තියෙන උමනාවට ඒ වැඩේ කරනවා. මිමිව මේ වැඩේට කැමති කරගන්නේ එයාට ලක්ෂ 20ක මුදලක් ලබාදෙන්නම් කිව්ව නිසා. ඉතිං ඒ විදිහට ගිහිල්ලා මිමිගේ කුසේ අර විදෙස් යුවලගේ දරුවවා හදනවා. හැබැයි මාස කිහිපයක් යනකොට ඒ ළමයගේ ප්‍රශ්නයක් තියෙනවා කියලා ඩොක්ටර් කියනවා. මේක දැනගත්තු විදෙස් යුවල ඒ දරුවවයි මිමිවයි දාලා යන්න යනවා.

මේ හේතුව නිසා මිමි අසරණ උනත් එයා දරුවව තනියම හදාගන්න තීරණය කරනවා. භානු සහ ෂාමා ඇය ලගින්ම ඉන්නවා. මිමිට හම්බුනු දරුවගේ කිසිම ප්‍රශ්නයක් තිබුනෙත් නෑ. කතාවේ මේ වගේ ලස්සන ලස්සන තැන් කිහිපයක්ම තියෙනවා. කොහොම උනත් මේක කාලෙකට පස්සේ බලපු වෙනස් විදිහේ ලස්සන කතාවක් කියලා කියන්න පුලුවන්.