Maharaja 2024 📽️ - සර් ලක්ෂ්මිව හොයලා දෙන්න

නමයි පොස්ටර් එකයි දැක්කාම නම් මම හිතනවා මේ වෙනකොටත් මේ ෆිලිම් එක ගැන හැමෝම වගේ සමහර විට දන්නවා ඇති කියලා. මොකද Facebook එකට ගියත් Whatsapp Status බලන්න ගියත් හැමතැනම වගේ දකින්න ලැබෙන, කතාවෙන Film එකක් තමයි මේ Maharaja කියන්නේ. මාත් නිකන් එකපාරටම පුදුම උනා වගේම කුතුහලයකුත් ඇති වුනා මේ මොකද මේ හැමෝම වගේ මේක ගැන කතාවෙන්නේ කියලා. ඉතිම් Comment බලන්න කියලා ගියාම දකින්න තිබ්බෙත් ඔක්කොම 'සුපිරියක්' කියලා දාපු Comment තමයි. ඉතිං මටත් මේක ඒවා දැකපු වෙලාවේ ඉදන් බලනකන් ඉවසිල්ලක් නැතුව තමා තිබුනේ. ඒ නිසා මම ඉස්සෙල්ලම කලේ Youtube එකට ගිහිල්ලා Film එකේ Trailer එක බලපු එක. හැබැයි Trailer එක බැලුවාම නම් මට එහෙම ලොකු දෙයක් තේරුනේ නෑ. කමක් නෑ ඉතින් ඒ උනාට හැමෝගෙම හොද Comment තියෙන නිසා මම Film එක Download කරලා, වෙලාවකුත් හදාගෙන Film එක ඊයේ රෑ බලන්න පටන් ගත්තා.

Maharaja කියන්නේ 2024 වර්ෂයේ ජුනි 14 වෙනිදා නිකුත් වුනු චිත්‍රපටියක්. ඒ වගේම තමා මෙම චිත්‍රපටිය මේ වනවිටත් IMDB 8.7/10 ක් වගේ ඉහල අගයක් ලබාගන්නත් සමත් වෙලා තියෙනවා. ඒ වගේම තමයි මේ වන විටත් ඉන්දියානු රුපියල් කෝටි 107කට වඩා බොක්ස් ඔෆිස් අදායමක් ලබන්නත් මේ ෆිල්ම් එක සමත් වෙලා තියෙනවා. විශේෂයෙන්ම කියන්න ඕනේ මේ ෆිල්ම් එක මේ තරම් සාර්ථක වුන එකට ගොඩක්ම සතුටු වෙන කෙනෙක් ඉන්නවා. ඒ තමයි Vijay Sethupathi. මෙම චිත්‍රපටිය ඔහුගේ 50 වෙනි සිනමා චිත්‍රපටියයි. එම අර්ධ ශතකයට උපරිම වශයෙන් සදාරනයක් ඔහු මෙම චිත්‍රපටියෙන් කර තිබෙනවා.

ඒ කිව්වා වගේ මේ චිත්‍රපටියේ ප්‍රධාන චරිතය වන මහාරාජ් ගේ චරිතය නිරුපණය කරන්නේ Vijay Sethupathi විසින්ය. මීට අමතරම මෙම චිත්‍රපටිය සදහා Anurag Kashyap,Sachana Namidass, Mamta Mohandas, Natarajan Subramaniam, Abhirami යන අයද රංගනයෙන් අයද මේ චිත්‍රපටිය සදහා රංගනයෙන් දායක වෙලා තියෙනවා.

මං හිතන විදිහට මේ චිත්‍රපටිය මේ තරම් සාර්ථක වෙන්න ප්‍රධානම හේතුව වෙන්න ඇත්තේ මේ චිත්‍රපටියේ තිරපිටපත. මේ කතාව ලියපු කෙනා ඒ කියන්නේ Nithilan Swaminathan කතාවේ ආරම්භයේ සිට අවසානය දක්කවා හැම කොටසක්ම ලස්සනට ගලපලා තියෙනවා. ඒ කියන්නේ කතාවේ අන්තීමට 'මේ මොකක්ද මේ උනේ' කියලා හිතෙන විදිහේ කතාවක් මේක. Action/Thriller යන Category එකට අයත් මේ චිත්‍රපටිය 2h 21m පුරාවට ගලාගෙන යන්නේ ප්‍රේක්ෂකයන්ට නොදැනීමයි. එහෙනම් ඉතින් මේ තරම් කුතුහලයෙන් පිරුණු මේ චිත්‍රපටිය ඔයාලත් අනිවාරෙන්ම නරඹන්න කියලා මම මේ ලිපිය මෙතනින් අවසන් කරනවා.

ස්තුතියි.