FIR(2022) | 5% For SL-Charity

අද ෆිල්ම් එක ත්‍රස්තවාදය අලලා ගොඩනැගුනු කතාවක් ගැනයි. ෆිල්ම් එකේ නම තමයි FIR. 2022 පෙබරවාරි 11 නිකුත්වුනු මේ චිත්‍රපටිය සිය කුළුඳුල් සිනමා අධ්‍යක්ෂණය ලෙස Manu Anand විසින් තමයි අධ්‍යක්ෂණය කරලා තියෙන්නේ. Action/Thriller කාණ්ඩයට අයත් මේ චිත්‍රපටිය මේ වන විට 7.4/10 IMDB මනාපයක් සහ 93%ක ගූගල් පරිශීලක මනාපයක් ලබාගැනිමට සමත් වෙලා තියෙනවා.

Source

2018 වසරේ ඉතාමත් ජනප්‍රිය වුන Ratsanan චිත්‍රපටියේ ප්‍රධාන චරිතට නිරූපණය කරපු Vishnu Vishal තමයි මේ ෆිල්ම් එකේ ප්‍රධාන චරිතට නිරූපණය කරන්නේ.

ඉතිං කතාව ගැන කිව්වොත් ඉර්ෆාන් අහම්ද් කියන්නේ කෙමිකල් ඉංජිනියර් කෙනෙක් විදිහට උපාධිය සම්පූර්ණ කරලා අවුරුදු 03ක් තිස්සේ තමාට ගැලපෙන රැකියාවක් හොයන කෙනෙක්. හැබැයි මෙයාට කිසිම ඉන්ටර්විව් එකක් හරි විදිහට සමත් වෙන්න වෙන්නේ නෑ. මොකද ඉර්ෆාන් මුස්ලිම් අයෙක් නිසා ඒ හැමතැනකින්ම ජාතිවාදි ප්‍රශ්න ඉර්ෆාන්ට ආපු නිසා. ඒ නිසාම මෙයා අදුරන කෙනෙක්ගේ කෙමිකල් ලැබ් එකක තාවකාලිකව වැඩ කරමින් තමයි හිටියේ.

එකදවසක් සාසි කියලා මුස්ලිම් ආගම පතුරවන කෙනෙක් එක්ක බිස්නස් ඩීල් එකක් ගැන කතා කරන්න ඉර්ෆාන්ට කොයිබතුර් කියන නගරයට යන්න කියලා ඉර්ෆාන් වැඩ කරන කෙමිකල් ආයතනයේ කෙනා ඔහුට පවසනවා. මේ අතරවාරයේ අබු බකර් අබ්දුල්ලා කියන ISIS නායකයා ගැන පොලිසිය පරික්ෂණ කරන ගමන් තමයි හිටියේ. ඩොක්ටර් සාසි සමග ISIS අයට සම්බධකම් තියෙනවා කියලා පොලිසිය සැක කරනවා. ඉර්ෆාන් සාසි මුණ ගැහෙන්න ගියපු එකෙන් ඉර්ෆාන්වත් ත්‍රස්තවාදියෙක් කියලා පොලිසිය සැක කරනවා.

ඉර්ෆාන් නැවතත් ගෙදර එන්න එයාපෝර්ට් එකට එනකොට එයාගේ ෆෝන් එක එයාර්පොර්ට් එකේදි නැතිවෙනවා. ෆෝන් එක හොයාගන්න ගිහිල්ලා ඉර්ෆාන් පොඩි කලබලයක් එයාර්පෝට් එකේදි ඇතිකරගන්නවා. ආපහු ඔහු එයින් ආවත් එම ගුවන්තොටුපලේ කාර්පාර්ක් එකේ බොම්බයක් පිපිරෙනවා. ඒක වෙලා තියෙන්නේ ඉර්ෆාන්ගේ නැතිවුණ ෆෝන් එකෙන්. ඉන්පසුව ඉර්ෆාන් ISIS ත්‍රස්දවාදියෙක් කියලා පොලිසිය ඔහුව අල්ලගන්නවා. මෙතනින් එහාට තමයි කතාව හුගාක් රසවත් වෙන්නේ. ඒවගේම තමයි හිතුවෙවත් නැති දෙයක් තමයි ෆිල්ම් එක අවසානේදි දැනගන්න වෙන්නේ. ඒක දැනගන්න නම් ෆිල්ම් එක බලන්නම වෙනවා. මොකද කිව්වොත් කුතුහලය නැතිවෙනවනේ.

විශේෂයෙන්ම කියන්න ඕනේ මේ ෆිල්ම් එක හදලා තියෙන්නේ ශ්‍රී ලංකාවේ පාස්කු ප්‍රහාරයට පෙර හා පසු සම්බන්ධ සිදුවිම් කිහිපයක් ඇසුරෙන්. මේ ෆිල්ම් එක බලනකොට අවස්ථා කිහිපයකදි කියනවා පාස්කු ප්‍රහාරය ශ්‍රී ලංකාවට වලක්වාගන්න තිබුනා කියලා. අපේ බුද්ධි අංශවලට ඒ බව දැනුවත් කලා කියලා. නමුත් අවාසනාවන්ත ලෙස ජිවිත විශාල ප්‍රමාණයක් අහිමිවිමෙන් ඒ ඛේදවාචකය සිදුවුණා.

සත්‍ය සිදුවිමක් ඇසුරෙන් මනංකල්පිතව මේ කතාව ඉතාමත් හොඳට ගොඩනගලා තියෙනවා. ඒකට උදාහරණයක් විදිහට චිත්‍රපටියේ දෙබසක් දෙමින් මං මේ ලිපිය අවසන් කරන්නම්. මේ ෆිල්ම් එකේ මරණයට නියම වුනු ත්‍රස්තවාදියෙක් NIA නිලධාරියෙක්ට පොඩි ඉඟියක් දෙනවා. ඒ තමයි,

"නැවත ඉපදීමේ බලාපොරොත්තුවෙන් රාවණාගේ හිසවල් 08 උත්සවය එනකම් බලාගෙන ඉන්නවා"

කතාවට අනුව,

මේකේ රාවණාගේ හිස කිව්වාම ශ්‍රී ලංකාවේ අග නගරය වූ කොළඹ ඔවුන් හදුන්වනවා, නැවත ඉපදීමේ බලාපොරොත්තුවෙන් කියන්නේ - (Awaiting Resurrection) එකෙන් ඔවුන් ශුද්ධ පාස්කු ඉරිදාව ඉස්මතු කරනවා, හිසවල් 08න් කියන්නේ ස්ථාන 08ක ප්‍රහාර වෙන්න පුලුවන් කියලා. ☹️