කැක්ටස් කලාව; cactus වලට ආදරේ අයට ❤️😍

in Steem Sri Lanka2 years ago
පතොක් කියන්නෙ මොනාද කියලා අමුතුවෙන් හදුන්වා දෙන්න ඕන නෑනේ. කාන්තාරවල ශුෂ්ක පැතිවල කටුක දේශගුනේ තමා මේ ශාක හැදෙන්නේ.


හැබැයි ඉතින් අපිට මේ ගහක් අපි වැඩ කරන මේසෙට, ඊට අමතරව ගෙදර විසිත්ත කාමරේ ලස්සන වෙන්න, කැෆේ එකක වගේ තැනක් ලස්සන කරන්න මේ පතොක් සහ ඊට සමගාමීව යන sacculent, euphorbia, aloe, haworthia වගේ ගස් කලාවක් විදියට භාවිතා කරනවා. මං අද කියන්න යන්නෙ අන්න ඒ කලාව ගැන. මොකද මමත් ඒ කලාවට මාරම කැමතී.

ආදර වන්තයට වන්තියට තෑග්ගක් විදියට දෙන්න. යාලුවගෙ උපන්දිනේට, Get together වගේ වාර්ශික event එකක සිහිවටනයක් විදියට දෙන්න, කැක්ටස් පැළයක් දෙන්න තියෙනවනම් ඒක වෙනස්ම මාදළියක ආදරණීය සිහිවටනයක් වෙයි.

x_mas_cactus_premium_red_2021__15747.jpg
Source

මමත් මේ කැක්ටස් කලාවට හා හා පුරා කියල බැස්සෙ මගේ crush එකගෙ උපන්දිනේට sacculent පැළයක් තෑගි කරනවත් එක්කම. මට ඕන උනා මං දෙන දේ එයා ළගින් තියන් ආදරෙන් බලා ගන්න විශේෂ දෙයක් වෙන්න ඕන කියලා. කැක්ටස් කියන්නෙ පැළයක් උනාට gift ඒකක් විදියට දෙනකොට ඒක නිකන්ම දෙන්න බෑනෙ. decorate කරන්න ඕන. එහනිදි තමයි ඒක කලාවක් විදියට කරලියට එන්නේ.

prasadi.jpg

crush එකගෙ උපන්දිනේට දුන්නු sacculent පැළය

අපි දැන් ගතකරන ජීවිතේ එක්ක අපිට කෝමත් ගොඩක් දේවල් මගෑරෙනවනේ. ඒත් එක්ක මල් පැළයක් හදන්නව කියන්නෙ වෙනම මහන්සියක් කියල කාට හරි හිතෙන්න පුලුවන්. හැබැයි ඉතින් කැක්ටස් පැළයක් නඩත්තු කරන්න ලේසී. එයාට ඕන සතියකට සැරයක් හම්බෙන පුන්චි වතුර ටිකක් විතරයි. සමහර ආදරේ තියෙනව ටිකක් හන්ගන් තියන් දෙන්න ඕනා.නැත්නම් එයාල අපෙන් වෙන් වෙනවා. ඒ වගේ තමා මෙයත්, අපි ආදරේ වැඩි කියල වැඩිපුර වතුර දාන්න ගියොත් නම් මෙයත් ඉක්මනටම ඔයාව දාල යනවා.මොකද මෙයාට දෙන්න ඕන කටුක තත්වයක්.(තෙතමනය අඩු, අපි පස් මිශ්‍රණයට කොම්පෝස්ට් එක්ක වැලි වැඩිපුර දානව තෙතමනය අඩුවෙන් තියා ගන්න) කටුක බව වැඩි වෙද්දි මෙයාත් ලස්සන වෙනවා. අර කියන්නෙ කාපු කට්ට වැඩි වෙද්දි තමා මතකය සුන්දර කියලා. ඒ වගේ තමා.

කැක්ටස් එකේ ඊළඟ ලස්සන දේ තමා එයා ලොකු වෙන්නෙ එයා ඉන්න pot එකට ගැළපෙන විදියට. දැන් මට මේ පොට් එකේ ඉන්න බෑ වෙන එකකට මාරු කරන්න කියල එහෙම එයා අපිට වදයක් වෙන්නෙ නෑ. ඒ නිසා සාමාන්‍ය පරිසරේ මහ විසාල වෙන පැළයක් උනත් පුන්චි පොට් එකකට අරන් මේසයක් උඩ තියන්න පුලුවන්. ඒකට වෙනම බොන්සායි කරන්න ඕන වගේ විශේෂ තාක්ශණයක් ඕන වෙන්නෙ නෑ.

ඊළඟ දේ තමා මෙයාල එක්කෙනාට එක්කෙනා වෙනස් වෙන එක. ගස්වල හැඩේ, ඒවගෙ කටු පිහිටන රටාව creativity එකක් තියෙන කෙනෙක්ට ලස්සන ලස්සන නිර්මාණ කරන්න මාරම විදියට උදව් වෙනවා.


cactus.jpg

මං ළඟ තියෙන පැළ එකතුවෙන් ආසම ටික

ආය මෙයාලගෙන් සමහර අයට පුදුම ලස්සන මල් තියෙනවා. ලෝකෙන් ලස්සනම මල් හැදෙන්නෙ පතොක්වල කියලයි මං හිතන් ඉන්නෙ. මෙයාලගෙ මල් මාරම ලස්සනයි. හැබැයි ස්වභාවිකව මලක් හම්බෙන්න නම් හොදට අව්ව, අර මං කිව්ව කටුක පරිසරය දෙන්න ඕනා. එහෙම නැතුව මල් ගන්නනම් හෝමෝන දෙන්න ඕනා. (හොදට වහින අපේ පැත්තක වගේ නම් මලක් ස්වබාවිකව ගන්න එක මාරම අමාරුයි.) මලක් පිපුනු පැළයක් දෙන්න තියෙනවනම් කාට හරි, ඒක සුපිරී.

මෙයාලගෙත් ඔරොත්තු දෙන විදියවල් එකකට එකක් වෙනස්. සාමාන්‍යයෙන් ඩ්‍රැගන් පaaට් ජාතියෙ පැළ කියන්නෙ ඔරොත්තු දීමේ හැකියාව වැඩි පැළ. එතකොට අපි ඒ පැළ අත්තකට අපේ ඔරොත්තු දෙන හැකියාව අඩු පැළ බද්ද කරන්න පුලුවන්. නිකන් බඩ් පැළ තියෙන්නෙ. ඒ වගේ. මේ හැකියාවත් වෙනස්ම decoration මට්ටමකට අපිව අරන් යනවා.


small-cactus-plants-tree-market-44716490.jpg
Source

ඒ වගේම, සමහර අය අහන දෙයක් තමයි මෙයාල අපි ලගම ඒ කියන්නෙ අපේ Bed room එකේ තියා ගන්න හොදද කියන දේ. සමහර පැළ තියෙනවනෙ එහෙම තියා ගන්න හොද නැති ඒවා. ඒ කියන්නෙ අපිට අහිතකර විදියේ දේවල් ශාවයන් නිකුත් කරනවනෙ සමහර අය. හැබැයි මං දන්න තරමින් නම් මෙයාලනම් එහෙම අහිතකර අය නෙමේ. ඔයාල ළඟින්ම තියා ගන්න පුලුවන් අය. කාන්තරයටත් ආදරේ අරන් එන මෙයාල එහෙම නපුරු අය වෙන්න විදියක් නැතිව ඇති.

මං කීවනෙ කැක්ටස් කියන්නෙ කලාවක් කියලා. කලාවක සීමාව මේකයි කියල නෑනේ. එතකොට කැක්ටස් වලටත් කොහෙද සීමාවක්. කැක්ටස් කලාවට එන්න ආස අයට ඒකට පුංචි ආරම්බයක් විදියට මේ article එක ලීවේ. ඔයාලට net එකේ search කරොත් කෝමද මේක කරන්නෙ කියන එක ලේසියෙන් ඉගෙන ගන්න පුලුවන්. හැබැයි ඉතින් යෙදීමේ දී creativity එක තමා බලපාන්නේ.
Sort:  

ශා!😍
ඒ කලෙක්ශන් එක නියමයි. ලස්සනයි!❤

මමත් ආසම පැළ ටික.

වටිනා ලිපියක්. අපි සමග බෙදා ගත්තට ස්තුතියි.

ගොඩක් අය කැක්ටස් තෑගි හම්බෙලා තිබ්බනේ. ඉතින් මං දන්න දේත් කියන්න හිතුවා. ලිපිය කියෙව්වට thanks...❤️

Thanks for your feedback.

අපේ එයැයිට ගෙන්නලා දීල අනික් ඒවට වගේ වතුර දාලා වතුර වැඩිවෙලා ගස් ඔක්කොම ඉවරයි. එයා හිතන්නේ අනිකවට වගේ මේවට වතුර හේදිලා යන්නම දාන්න ඕනෙ කියල 😂

එහෙම දාන්නෙ නෑ...ඒ විදියට දාන්න පුලුවන් කැක්ටුස් පැළ තියෙනව. ඒකට වෙනම හුරු කරල ගන්න ඕන. ඔය වහින පැතිවල මිදුලෙ හිටවන්න ගන්න පැළ එහෙම ඒවා. තෑගි දෙන ඒවට ගොඩක් වතුර දාන්නෙ නෑ...

@ashen99 oya wage ayata meka

Coin Marketplace

STEEM 0.17
TRX 0.15
JST 0.028
BTC 62094.36
ETH 2436.39
USDT 1.00
SBD 2.50