මගේම උන්....
අම්මල කියන කතාවක් තමා ශිෂ්‍යත්වයෙන් පස්සෙ ළමයි ගේම ගොඩදා ගනී කියන එක... O/L වලට ආවම A/L කරාම ශේප් කියන එක... A/L ගොඩ දාගෙන ඉවර වෙද්දි කැම්පස් ගියොත් ජීවිතේ ගොඩම තමා කියන එක... ඔය කතා පාරෙ අපි හැමෝම වගේ යනවනෙ. නැවතුම කොතනදි උනත් ඔය පාරෙ මමත් ගියා...
කැම්පස් ගිය පළියටම Degree එකක් හම්බෙනවනම් කොයිතරම් නම් සොදුරු ද? හැබැයි අපි අවුරුදු 20ක් වගේ ඉගෙන ගෙන කාපු කට්ට වගේ 10 ගුණයක කට්ටක් කන්න වෙනව කියන එක කැම්පස්වල ඉන්න අයටනම් අමුතුවෙන් කියන්න ඕනත් නෑ.... අවුරුදු 20ක් 22ක් වෙද්දි කැම්පස් ගිහින් 26ක් 27ක් වෙනකම් කැම්පස් එකේ ඉන්නව කියන එක... ඉස්කෝලෙ එකටම ඉදපු අය ජීවිතේ plan කරද්දි අම්මලට සලකන්න ඕන වයසෙ ඉදන් අම්මලගෙන් යැපෙන්න වෙද්දි, කවදාවත් කැම්පස් කාලය කියන්නෙනම් හුදෙක් වසන්තයක් නම් නෙමේ කියන එක, අමුතුවෙන් පසක් කරල දෙන්න දේකුත් නෙමේ...
කැම්පස්වල සොදුරු කතා විතරක් එලියට ආවට part-time කරන කොල්ලො කෙල්ලො ගැන කතානම් එළියට එන්නෙම නැති තරම්. ජීවිතේ දවස ගැට ගහ ගන්න, උන් තරම් ගේම් ගහන පිරිසක් තවත් නැතිව ඇති. ගෙදරින් උබට සල්ලි තියේද පුතේ කියල අහද්දිත් වේල ගැට ගහ ගන්න ගමන්ම ඔව් අම්මෙ කියන උන් කොයි තරම් ඉන්නව ද... මාසෙට 5000ක් හම්බෙන මහපොළත් ගෙදරට යවන උන් කොච්චර ඉන්නවද...ගෙවල්වල ප්‍රශ්න දරන් රිපීට් ගොඩ දාගෙන බැච් මිස් වෙන්නෙ නැතිව out වෙන්න උන් මොන තරම් කට්ටක් කනව ඇති ද? 100% practical, clinical attendance, 80% lecture attendance තියන්, quiz, assignment, viva, exam අස්සෙ repeat ගොඩ දාගෙන out වෙන්න නම් කැම්පස් එකේ අනිවාර්යෙන්ම මොකක්ම හරි දෙයක් තියෙන්න ඕනා....ඇත්ත...ඒම දෙයක් තියෙනවා... ඒ තමා යුනිටි එක... ඒ තරම් යුනිටි එකක් මට හම්බෙලා නෑ... මේ කරන ජොබ් එකේදිනම් ඒම දෙයක් තියෙයි හෝ ගොඩනැගෙයි කියල නම් හිතන්නවත් බෑ...
ඒ යුනිටි එක ඇතුලෙ **එක කොල්ලෙක්වත් කෙල්ලෙක්වත් බඩගින්නෙ ඉදියෙ නෑ.** හාමුදුරුවන්ගෙ හොස්ටල් එකේ ඕනම වෙලාවක කෑම තිබ්බ කොල්ලන්ට ඇරන් ගිහින් කන්න... කොල්ලන්ගෙ හොස්ටල් කැන්ටිම්වල කොස් දෙල් කාලෙට අනිවාර්යෙන්ම ඒව තැම්බෙනව ඔක්කොටම ඇතිවෙන්න. ඒව කද්දි කැඩුවෙ කවුද ඉව්වෙ කවු ද අදාලම නෑ... කවුරුත් ඒක බලාපොරොත්තු වෙන්නෙත් නෑ... repeat උන් ගොඩ දාන්න, lecture මිස් උන උන් ගොඩ දාන්න පුදුමාකාර වැඩසටහන්... ගෙදර ප්‍රශ්න කියල, මට මේ කෝස් එක අමාරුයි depression වගේ කියල **course leave කරන්න කාටවත් ඉඩ හම්බුනෙත් නෑ, ** මම ඉදපු යුනිටි එක ඇතුලෙදි නම්...
පොදු අරගලේට බයක් නැතිව මැදිහත් වෙන්න සටන් කරන්න බය නැත්කම එන්නෙ කොහෙන්ද ඇහුවොත් ඒ මන් මේ කීව යුනිටි එකෙන් තමා. **මන් නැති උනත් මන් වෙනුවෙන් එකෙක් ඉන්නව කියන විශ්වාසය.** shows කරන්න,drama, health camp, seminar, තත තව නානාප්‍රකාර වැඩ කරන්න, ඒව සන්විධානය කරන්න වෙලාව හයිය ගොඩ නැගෙන්නෙ මේ කීව යුනිටි එකත් එක්ක...එදා අම්ම තාත්ත දීපු ආරක්ෂාවම මේ සන්විධානය තුළ තියෙනව කියන දේ මට කියන්න පුලුවන්. මොකද මම ඒක අත් දැකපු නිසා....
එක පාරටම steemit එකේ මතු වෙලා කොහෙවත් නැති කතාවක් කියන්නෙ ඇයි කියල කට්ටිය බලනව ඇති. සිව් අවුරුදු උපාධිය සම්පුර්ණ කරල batch එකත් එක්කම convercation යන්න මට පුලුව්න් උනා... (කැම්පස් එකේ මම ඉදපු විදිය එක්ක මට ඒක හීනයක් ඒ කාලෙ) එතකොට ඊට අදාළව ඒ අයිතිය මට වගේම මගෙ අම්මට තාත්තට අමතරව මේ කියපු මගේම උන් සෙට් එකටත් යන්න ඕන කියන එක කියන්න ඕන උනා... මොක ද මෙච්චර වෙලා මම කීව කතාව **මමම අත් විදපු අත් දැකපු කතාවක් නිසා...**
එක පාරටම steemit එකේ මතු වෙලා කොහෙවත් නැති කතාවක් කියන්නෙ ඇයි කියල කට්ටිය බලනව ඇති. සිව් අවුරුදු උපාධිය සම්පුර්ණ කරල batch එකත් එක්කම convercation යන්න මට පුලුව්න් උනා... (කැම්පස් එකේ මම ඉදපු විදිය එක්ක මට ඒක හීනයක් ඒ කාලෙ) එතකොට ඊට අදාළව ඒ අයිතිය මට වගේම මගෙ අම්මට තාත්තට අමතරව මේ කියපු මගේම උන් සෙට් එකටත් යන්න ඕන කියන එක කියන්න ඕන උනා... මොක ද මෙච්චර වෙලා මම කීව කතාව **මමම අත් විදපු අත් දැකපු කතාවක් නිසා...**
Congratulations aiye!💜️
ඔක්කොම නැතිවුණත් මම දන්නවා ඔතනට එන්න කාපු කට්ට!
Thanks nangi...