එකින් එක බිදෙන හීන
ඔයාල හැමෝම පරිස්සමෙන් ඇති කියල හිතනව. අද ලියන්න හිතුව අපේ රටේ මේ කාලෙදි ගෙවන පුදුම හිතෙන ජීවිතේ ගැන. අපි පොඩිකාලෙදි හීන මැව්වෙ ඉගෙනගෙන හොද රස්සාවක් හොයාගෙන වාහනයක් අරගෙන අවුරුදු 30, 35 වෙද්දි ගෙයකුත් හදල ස්ථාවර වෙන්න. මොකද අපේ ගෙවල්වල තාත්ත විතරක් මද්යම පන්තියේ රැකියාවක් කරල ඒ තත්වෙට ඇවිත් තියෙනව අපේ ඇස් පනාපිට සාක්ශි තිබුන නිසා.අපි ටිකෙන් ටික ලොකුවෙලා ඉගෙනගෙන හොද රස්සාවක් හොයාගත්තත් ඒ තත්වෙට එන එක ඒ තරම් ලේසි නෑ කියල අපිටම තේරුම් ගන්න එච්චර අමාරු උනේ නෑ.කොල්ලො කෙල්ලො කීයක් හරි හොයාගන්න නැහෙන නැහිල්ල දැක්කම ජීවත් වෙන එකත් හිතන තරම් ලේසි නෑ කියල අපේ රටේ කුමන අකාරයේ රැකියාවක් කරන අයටත් වැටහිලා ඉවරයි. සමවෙන්න රටේ පාලකයොන්ට ඇරෙන්න.ඔවුන්ට ඉතින් මොනවයින් අඩුවක්ද???
ගෙවල් හැදිල්ල කෙසේ වෙතත් අවුරුදු 25 වෙද්දි කොල්ලෙක්ට අඩුම බයික් එකක් ගන්නත් බැරි තත්වයක් තමයි පත්වෙලා තියෙන්නෙ. ලස්සන්ට වෙඩින් එකක් ගන්න බලාපොරොත්තුවෙන් ඉන්න කෙල්ලොන්ට පුලුවන් තරම් වියදම් අඩුකරල හිගා නොකා හිගා කන විදියට වෙඩින් ගන්න සිද්ද වෙලා තියෙනව.ණය පිට ණය වෙලා ගෙවල් හ්දල මැරෙනකන් ණය ගෙව ගෙව ඉන්න සිද්ද ව්ර්න තත්වයක් අපිට පත්වෙලා තියෙනව.රජයෙ රස්සාවක් කරන මිනිස්සුන්ට එදාවේල කාල ඉන්න බැරි වාතාවරණයක් පත්වෙලා තියෙන්ව.ඉතින් අපි ඉන්නෙ ඒ වගේ අපි පොඩිකාලෙ මවපු හීන ඇස් පනාපිට එකින් එක බිදිල යන කාලෙක. හීන හැබෑ වෙන එක කෙසේ වෙතත් හැබෑකරගන්න උපරිම කට්ටක් අපිට කන්න වෙලා තියෙනව.
TEAM 5