ඔයා මොන වගේද???

_source

ඔයා කේන්ති ගියාම මොන වගේද? ,ගොඩක් දුක හිතුන වෙලාවට මොකද කරන්නේ?කොහොමද ඒකට මුහුණ දෙන්නේ.ම්ම්ම් ඉතින් මම අද කතා කරන්න යන්නේ ඒ ගැන.ඇත්තටම කිව්වොත් මගේ විදිය ගැන.ඔව් මට තේරෙනවා, ඒක එක එක්කෙනාට වෙනස්, කවුරු කොහොම කිව්වත් මෙහෙම කරන්න මේ විදිහට හැසිරෙන්න කියලා , එහෙම කරන්න බැහැ මොකද මම ඒක අනන්තවත් ට්‍රයි කරලා තියෙනවා.අපිටම unic විදියට තමයි ඒක වෙන්නේ.ඉතින් මට හිතුනා මම ඒකට හැසිරෙන විදිය ගැන ඔයාලත් එක්ක බෙදාගන්න.සමහර විට මේක ඔයාලගේ විදිහට හාත්පසින්ම වෙනස් ඇති ඔයාලා මේ ක්‍රමයට කැමති නැතුවත් ඇති. කමක් නෑ මේ කියවල ඔයාගේ විදියත් යටින් ලියාගෙන යන්න.මට සාමාන්‍යයෙන් ඉක්මනට කේන්ති යන්නේ නැහැ, කේන්ති යනවා ඒත් සාමාන්‍ය දුරකට මට ඉවසන්න පුළුවන්. ඒක වෙලාවකට ඇත්තටම ලොකු සහනයක්. මොකද ගොඩක් ප්‍රශ්න අඩු කරගන්න, ඉක්මනට විසඳගන්න ඒක ගොඩක් දුරට උදව් වෙනවා.නමුත් මිතුරනි මට ඉක්මනට දුකනම් හිතෙනව, ගොඩක් වෙලාවට කට්ටියට පෙන්නන්නෙ නැති උනාට ඉක්මන්ට දුක හිතෙන එකනම් මට ලොකුවටම තියෙනව. ඉතින් කොහොමද මං මේ දෙකට මුහුන දෙන්නෙ.

ගොඩක් වෙලාවට මේ දෙකටම තියෙන්නේ මට නම් එකම විදියක්.මං අහල තියනවා සමහර වෙලාවට අයිස් ක්‍රීම් එකක් කෑවම දුක කේන්තිය නිවෙනවා කියලා, නැත්නම් තව එක්කෙනෙක්ට ඒක කිව්වහම හිත නිදහස් වෙනවා කියලා , නැත්නම් හිතේ දුක යනකං ඇඬුවහම ඒක හරි යනවා කියලා.ඒත් මිතුරනි ඒ කිසිම දෙයකින් මට නම් හරියන්නේ නැහැ🙂😅. මට අවශ්‍යම ඒ වෙලාවට තනියම ඉන්න.කවුරු එක්කවත් කතා කරන්නේ නැතුව හුදෙකලා වෙලා ඉන්න.ටිකක් වෙලා තනියම කල්පනා කරලා මමම එක තැනකට එනවා , control කර්ගන්න පුලුවන් තැනකට. එහෙමත් අමාරු උනොත් මං කැමතිම වැඩසටහනක් හරි movie එකක් හරි ආයිත් බලනවා, එතකොට යම්කිසි දුරකට මගේ ඔලුව සැහැල්ලු වෙනවා.මම ගොඩක් වෙලාවට කැමති නැහැ ප්‍රශ්නෙකින් ඉන්න වෙලාවට , කේන්තියෙන් ඉන්න වෙලාවට, දුකින් ඉන්න වෙලාවට තවත් කෙනෙක් ඒක ගැන කතා කර කර සනසන්න එනවට.ඔව් මම දන්නවා ඒක එයා කරන ලොකු උදව්වක් , ඒ වගේ මේ මනුස්සයාගේ හොඳ ගුණාංගයක්.ඒ නිසා මම ගොඩක් දුරට හිනාවෙලා එතනින් ෂේප් වෙනවා.එයාටත් ඒක දැනෙන්නේ නැති වෙන විදිහට.නමුත් ඒ හැමදේටම මම තනියෙන් මුහුණ දෙන එක තමයි මගේ විදිය.අනික ඒකෙන් මට ගොඩක් relax කියලා හිතට දැනෙනවා.ඉතින් ඔයා මොන වගේද?????